Jeremías 1:8 - Kashibo-Kakataibo Biblia

⁸ Usa ꞌain kamina uinu ꞌikë unimibi rakuë́tima ꞌain. ꞌËx kana mi ꞌakinux mibëbi ꞌiti ꞌain. ꞌËn kana Dios ꞌixun mi kakësa okinbi asérabi ꞌakinti ꞌain.

Jeremías 1:8 Iomraidhean Croise

Éxodo 3:12

Ësai kia ka Diosan kakëxa: —ꞌËx kana mibë ꞌiti ꞌain, ënëx ka ami unántiokin ꞌënbi mi xukë ꞌiti ꞌikën: Egipto menua ꞌën unikama chikínkë ꞌain kamina kamaxunbi mikaman ënë menuxun ꞌë rabiti ꞌain.

Isaías 43:2

Mitsux ꞌumpaxan ꞌinúkëbëbi kana ꞌëxribi anu ꞌiti ꞌain, usa ꞌain kamina bakaribi sikatibi bakami kitima ꞌain, ꞌianan ka tsi rëkirukënën anun inutiabi mi chuxtima ꞌikën, ꞌianan ka ꞌain rëkirukë anbi mi xanotima ꞌikën.

Jeremías 1:17

Usa ꞌain kamina mix atu ꞌën kakë banakama kai kuanux rakuë́ti sinanima, anun ꞌakánanti nëtën ꞌikësai mëníokati ꞌain; usa ꞌain kamina kuantankëxun ꞌën mi kakë banakama atu kai kuanti ꞌain. Atumi kamina rakuë́tima ꞌain, atumi rakuë́tia kana ꞌën mi, atunu kuanimi rakuë́ti bërënun ꞌimiti ꞌain.

Jeremías 1:19

A unikamax ka mibë mëëananti ꞌikën, ꞌixunbi ka mi kanantima ꞌikën, ꞌëx kana mi bërúai mibë ꞌiti ꞌain. ꞌËn kana Dios ꞌixun kakësa okinbi asérabi mi ꞌakinti ꞌain.

Jeremías 20:11

ꞌAínbi kamina mix Nukën ꞌIbu ꞌaish ꞌëbë ꞌai, achúshi uni ꞌakánanti ꞌunáinra ꞌikë uínbi kanánkëma usaribi ꞌain; usa ꞌain ka an ꞌë ꞌakatsi kixun nuikë unikaman, ꞌë rëtëtima ꞌikën; usai ꞌika atun ꞌanuxun sinánkë usakin ꞌaíma rabinkë bërúti ꞌikën, usaía rabinkë ax ka uínsaranbi uínbi manukëma ꞌiti ꞌikën.

Daniel 3:17

Nukamanu rabikë Dios an ka numi tsi rëkirukë mëu nianan uisa kaina mix ꞌapu ꞌixun nu oisatani, usakin min ꞌaiabi nu ië́miti ꞌikën.

Daniel 3:25

—ꞌËn kana rabë́ ꞌimainun rabë́ uni tëkërëkakëma ꞌaish tsi rëkirukë nëbë́tsi uisaibi ꞌima nitsia isin, usa ꞌaish ka atu achúshinëx achúshi ángel iskësa ꞌikën.

Mateo 10:26

Ësaquinribi ca Jesusan aín ꞌunánmicë unicama bana ñuixuntanun xuquin cacëxa: —Unían mitsu bëtsi bëtsi ocëxbi camina an mitsu bëtsi bëtsi ocë unicamami racuë́tima ꞌain. Unían uni itsi paránxun ñu ꞌacëxbi ca camabi unían ꞌunáncë ꞌiti ꞌicën. Usaribiti ca unían ñu upí unë́xun ꞌacëxbi camabi unían ꞌunáncë ꞌiti ꞌicën.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Hechos 26:17

Usa ꞌixun cana ꞌë ñuiquinmi bana ñuixunun judíos unicama ꞌimainun judíosmacamanu mi xutin. Usaquinmi ꞌaia cana unían bëtsi bëtsi onan bamamisa taniabi mi bërúanti ꞌain.

Hechos 4:13

Usa ꞌain ca Pedrobëtan Juanën quirica ꞌunáinracëma ꞌianan ꞌapuma ꞌixunbi racuë́quinma unicama bana ñuixunia isi judíos ꞌapucamax ratúacëxa. Usai ꞌiquin ca —ënë uni rabëtax ca axa Jesúsbë nicë a ꞌicë —quixun sináncëxa.

Hechos 4:29

Usa ꞌain camina a unicamaxa usai numi ꞌësë́nancë a bana min ꞌunánquin, racuë́quinma nun min bana uni ñuixunun nu ꞌaquinti ꞌain.

Efesios 6:20

Cristo ñuiquin bana ñuixunuan Nucën Papa Diosan ꞌimicë ꞌaish cana a ñuiquin uni bana ñuixuncë cupí sipuacë ꞌain. Sipuacë ꞌixunbi an ꞌë cacësabi oquin racuë́quinma a bana upí oquin ñuixunun camina ꞌë Nucën Papa Dios ñucáxunti ꞌain.

Deuteronomio 31:6

Mitsux kamina kushi sinánñubu ꞌaish rakuë́ ꞌitima ꞌain; usai ꞌikamina atubë ꞌakanankin ꞌai atumi rakuë́tima ꞌain, usakin ꞌaia ka Diosan ënkinma abi atu ꞌanun mitsu ꞌakinti ꞌikën.

Deuteronomio 31:8

Nukën ꞌIbun ka mi kuania ꞌakinkin ëntima ꞌikën, usa ꞌain kamina rakuë́kin; kana ꞌaíma kixun sinántima ꞌain.

Josué 1:5

Uínbi ka uisaxunbi mibë ꞌakanankin mitsu kanantima ꞌikën, ꞌën kana Moisés ꞌasaribiokin, ꞌën kushínbi ꞌakianan uínsarabi ënkinma mi ꞌakinti ꞌain.

Josué 1:9

ꞌËn kana mi kain usa ꞌain kamina kushi sinani rakuë́tima ꞌain. Usa ꞌain kamina rakuë́kin kana ꞌaíma kixun sinántima ꞌain, min ꞌIbu Dios ꞌëx kana mibë uinu karamina kuani anubi ꞌiti ꞌain.