Jeremías 1:7 - Kashibo-Kakataibo Biblia

⁷ ꞌAínbi ka Diosan ꞌë kaxa: Uni bëná pain kana ꞌain kamina kitima ꞌain. Mix kamina uinu kuanun karana ꞌën mi xuti anubi kuanti ꞌain, usa ꞌain kamina kuanxun ꞌën mi kakësabiokin atu kati ꞌain.

Jeremías 1:7 Iomraidhean Croise

1 Reyes 22:14

Kakëxunbi ka Micaíasnën kakëxa: —¡ꞌËx kana asérabi Nukën ꞌIbun ismainunbi kin, usa ꞌain kana uisakin kanun kara an ꞌë kaia usakinshi kati ꞌain!

1 Reyes 3:7

Dios mix ꞌën ꞌIbu ꞌixun kamina, ꞌën papa David ꞌiásaribiti ꞌapu ꞌinun ꞌë ꞌimian, ꞌaínbi kana ꞌëx achúshi uni bëná pain ꞌixun uisakin ñu ꞌati kara kixun ꞌunairakëma ꞌain.

Éxodo 6:29

kakëxa: —ꞌËx kana min ꞌIbu ꞌain. Usa ꞌain kamina Egiptonu ꞌikë ꞌapu faraón, ꞌën mi kakë kamabi banakama ñuikin kati ꞌain.

Jeremías 26:2

ësokin kakëxa: “Anuxun ꞌë rabiti ꞌën xubunu ꞌikë me mëníokë anu nirakëxun, kamina ꞌën mi kakë banakama axa Judá menu ꞌikë ëmakamanuax anuxun ꞌë rabiti ꞌën xubunu ukë unikama kati ꞌain. Kakin kamina kamabi ꞌën mi kakë banakama a ñuixunkin tëokima kati ꞌain.

Jeremías 7:27

Jeremías min kamina kamabi ënë ñukama ñuikin min kakëxua kuanumabi atu kati ꞌain; usakin kakëxunbi ka atun miribi katima ꞌikën.

Ezequiel 2:7

Min kamina ꞌën bana kuanabia min kakëxun kuanumabi a unikama ñuixunti ꞌain, atux ka bana kuati ꞌunánma unibuira ꞌikën.

Ezequiel 3:27

ꞌAínbi kana ꞌën mi ñu ñuikin kaisatankin amiribishi bananun ꞌimiti ꞌai, usakin ꞌimikëxun kamina ësakin kati ꞌain: Ësai ka Dios kiaxa. Uin kara kuatia an ka kuati ꞌikën, uin kara kuaisama tania an ka kuatima ꞌikën. Atux ka bana kuakëma unibuira ꞌikën.”

Amós 7:15

ꞌaínbi ka Diosan ñuina bërúai nikë ꞌikëbi a ëmikin ësokin ꞌë kaxa: ꞌAnu kuanxun kamina Israel unikama ꞌëx kikë banakama ñuixuni kuanti ꞌain.

Jonás 3:2

Anu kuanxun kamina chaiira ëma Nínive kakë anu tsókë unikama ꞌën mi kakë banakama ñuixuni kuanti ꞌain.

Números 22:20

Kakë a imë́ ka Diosan ami mërakin Balaam kakëxa: —A unibu mi bitsi uan kamina nirukiani abë kuanti ꞌain. Aínbi kamina ꞌën mi kakësabiokinshi ꞌati ꞌain.

Números 22:38

Kakëxun ka Balaamnën kakëxa: —Ënu kana ꞌain min kamikëx kana uan. ꞌAínbi kana ꞌën kushínbi mi katima ꞌain; usa ꞌixun kana uisa okin kara Diosan ꞌë kaia a banaishi mi kati ꞌain.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.