Jeremías 1:5 - Kashibo-Kakataibo Biblia

⁵ ꞌËn kana min titan puku ꞌukëmëu ꞌikëbi mi kaisakën; ꞌianan kana min titan mi bakënkë ꞌikëmashi mi kaisakën; ꞌanan kana kamabi menu ꞌikë unikama an Dios kikë bana ñuixunkëmi ꞌinun mi kaisankën.

Jeremías 1:5 Iomraidhean Croise

Salmos 139:15

Min kamina ꞌunanima ꞌikima ꞌëx karana uisai kani a isakën, unëax ꞌikësa ꞌinun ꞌën, titan puku ꞌukëmëúküax ꞌëx kanikë ax ka me ꞌukëmëúküax ꞌëx kanikësa ꞌiakëxa.

Salmos 139:16

Min kamina min bërúnbi uisai karana ꞌëx uni ꞌinux ꞌirui abi isakën; usa ꞌain ka kamabi ax min kirikanu kuënëokë ꞌiakëxa. Min kamina achúshi nëtërabi ꞌëx uni tankëx tsókë ꞌaímabi, uisai karana ꞌëx tsóti ꞌai kixun abi mëníokë ꞌiakën.

Éxodo 33:12

Ësakin ka Moisésnën Nukën ꞌIbu kakëxa: —Ka kuat, min kamina ënë unikama bërúanun ꞌë kan, ꞌaínbi kamina uin kara ꞌë ꞌakinti ꞌikë kixun ꞌë kakëma ꞌain. ꞌImainun kamina ꞌëx isana upí sinánñu ꞌaish ꞌitsaira min nuibaisa ꞌai kixun ꞌë kan kanan kamina ꞌëx isana min kuëënkësabi okin ꞌai kixun ꞌë kan.

Éxodo 33:17

Kakëxun ka Diosan kakëxa: —Asabi ka usa ꞌain kana mitsubë kuanti ꞌain, asérabi kana ꞌën mi nuibatin ꞌimainun kana upí uni ꞌikë mix kikësabiokin ꞌën mi ꞌakinti ꞌain kixun ka Nukën ꞌIbun kakëxa.

Isaías 44:2

ꞌËn kana min ꞌIbu ꞌixun mi uniokën, usa ꞌixun kana puku ꞌukëmëuküax bakënux uninun mi ꞌimiakën, usa ꞌain kana mi ꞌakinin. Kamina rakuë́kantima ꞌain Jesurún mitsux kamina ꞌën uni ꞌën kaisa Jacob aín rëbúnkikama ꞌain,

Isaías 49:1

Axa parúmpapa nasínu ꞌikë ëmakamanu ꞌikë unikaman ka upiokin sinánkin kuati ꞌikën, ꞌimainun ka bëtsi bëtsi ëma ꞌura ꞌikë anu ꞌikë unikamanribi ꞌëx kia kuati ꞌikën: Nukën ꞌIbun ka ꞌën titan ꞌë tuakëma pain ꞌikëbi ꞌë kaisakëxa; usa ꞌixun ka ꞌën titan puku ꞌukë mëu ꞌikëbi ꞌën anën ꞌë anëakëxa.

Isaías 49:5

ꞌËn ꞌIbu Diosan ka uisabi otima kushi ꞌinun ꞌë ꞌimiaxa, ꞌimikin ka ami sinani kushinun ꞌë ꞌimiaxa. An ka ꞌën titan puku ꞌukëmëu ꞌikëbi ꞌë aín uni ꞌinun ꞌimiakëxa, usa ꞌain ka Israel unikama Jacobnën rëbúnkikama a ꞌën amia sinanatëkënun ꞌiminun ꞌë kaisa,

Jeremías 1:10

ꞌËn mi bërí ꞌunánmikë bana usakinbi kamina kati ꞌain. Bërí kana usakin ñukama ꞌakin anua ꞌapu ꞌikë ëmakama ꞌimainun bëtsi menu ꞌikë ëmakama, ñankáishi ꞌitánun masókin rurupakin, ꞌatima okin këñutankëxun mi, amiribishi birukin ꞌatëkënun mi kain.

Jeremías 1:4

Diosan ka ësokin ꞌë kaxa:

Jeremías 20:15

¡ꞌAtima okë ka an ꞌën papa bëbu tuá ka min bëchikë bakë́anxa kixun kakin kuëëmia uni ax ꞌiti ꞌikën!

Jeremías 36:2

“Achúshi kirika tarankë anu kuënëokëma bixun kamina kamabi usaía Israel ꞌimainun Judá menu ꞌikë ꞌimainun bëtsi mekamanu ꞌikë unikama ñuikin ꞌën mi kakë banakama kuënëoti ꞌain, kuënëokin kamina anúan Josías ꞌapu ꞌikë anun kakin pëua ꞌixun bëríbi ꞌën mi kakë banakama a kuënëoti ꞌain.

Lucas 1:15

Ax ca Nucën Papa Diosan iscëx uni itsisama ꞌiti ꞌicën. ꞌIanan ca an vino ꞌimainun ñu cachacë xëatima ꞌicën. Aín titaxa bacë́ncëma pain ꞌaíshbi ca Nucën Papa Diosan Bëru Ñunshin Upíñu ꞌiti ꞌicën, usabi ꞌinux.

Lucas 1:41

Usaquin Marianën cacëxuan Elisabetnën cuacëbëshi ca aín pucunuax aín tuá ubíacëxa. Usai ꞌicëbëtan ca Nucën Papa Diosan Bëru Ñunshin Upitan upí oquin Elisabet sinánmiacëxa.

Lucas 1:76

Usa ꞌain cana mixmi ꞌën bëchicëratsu ꞌicë, mi cain, mi ñui ca unicamax, Nucën Papa Dios manámi ꞌicë an aín bana unicama ñuixunun xucë camina mix ꞌai quiax quiti ꞌicën. Min camina, a Nucën ꞌIbu Diosan xuti ax ucëma pan ꞌain, mix pain rëcuë́ncuatsincë ꞌixun, aín bana cuanun quixun Israel unicama sinánmiti ꞌain.

Juan 10:36

¿Nucën Papa Diosan ënë menu uni ꞌinun ꞌë xuá ꞌaínbi caramina mitsun uisa ꞌixun, aín Bëchicë cana ꞌai qui cana Nucën Papa Dios ñui ꞌatimati banai quixun ꞌë cain?

Romanos 1:1

ꞌËx cana Pablo ꞌain, an Jesucristo quiásabi oquin aín bana uni ñuixuncë. Usa ꞌixun cana mitsu quirica buánmin. Nucën Papa Diosanbi ca Jesucristomi catamëquin ainan ꞌinux ië́nun unicama aín bana ñuixunun ꞌë caísacëxa.

Romanos 8:29

Ui unicama cara ainan ꞌiti ꞌicë quixun ꞌunánquin ca Nucën Papa Diosan aín Bëchicënëxa aín unicaman cushi ꞌinun atux aín Bëchicë ꞌicësaribiti ꞌinun mëníocëxa.

1 Corintios 8:3

Usa ꞌaínbi ca axa asérabi ami sináncë uni a Nucën Papa Diosan ainan ꞌicë ꞌunania.

Efesios 1:22

Nucën Papa Diosan ca camabi ñu, uni, ángel, acaman ꞌibu ꞌinun Cristo ꞌimiacëxa. ꞌImianan ca axa ami catamëcë unicaman ꞌiburibi ꞌinun ꞌimiacëxa.