Génesis 9:2 - Kashibo-Kakataibo Biblia

² Kamabi ñuina ënë menu ꞌikë ax ka mitsumi rakuë́ti abáti ꞌikën. Kamabi ñuina suñunu nuánkë, men nikë ꞌimainun parúmpapa bakanu ꞌikë, akamax mitsubëira ꞌimabi mi ꞌura bukuti ꞌikën.

Nukën 'Ibu Diosan ain unikama 'inan ain bana

² Kamabi ñuina ënë menu 'ikë ax ka mitsumi rakuë́ti abáti 'ikën. Kamabi ñuina suñunu nuánkë, men nikë 'imainun parúmpapa bakanu 'ikë, akamax mitsubëira 'imabi mi 'ura bukuti 'ikën.

Génesis 9:2 Iomraidhean Croise

Génesis 1:21

Nukën ꞌIbu Diosan ka parúmpapanu ꞌiti ñuina chaiirabukama uniokëxa, ꞌimainun ka baka ꞌukëmëuküax kaiti ꞌanubi ꞌiti ꞌanan ka ñuina pëchiñukamaribi ꞌakëxa. Usakin ꞌatankëxun ka Nukën ꞌIbu Diosan upí isakëxa,

Génesis 1:26

Usa ꞌain ka kamabi ñu ꞌatankëx Nukën ꞌIbu Dios ësai kiakëxa: Bërí kananuna nu iskësabi ꞌitánun uni unioti ꞌain. Ax ka bakanu ꞌikë ñuinakama ꞌimainun pëchiñu ñuina ꞌimainun a piti pitima ñuinakama ꞌianan, ñuina raëkëma ꞌimainun men niríkë ñuinakamax ka an bërúankë ꞌiti ꞌikën.

Génesis 1:28

Uniotankëxun ka upíokin sinánxunkin kakëxa: Bakë bëchipati kamina mekama tsitsirui ꞌuákamë ꞌëoti ꞌain; baka mëu ꞌikë ñuinakama ꞌimainun manan nuánkë pëchiñu ñuinakama, ꞌimainun axa men niríkë ñuinakama aín ꞌibu kamina ꞌiti ꞌain.

Génesis 2:19

Usakin ꞌatankëxun ka Diosan menua uniokë ñuinakama ꞌimainun ñuina pëchiñukama unin anënun uninu uankëxa. A unían anëkë ꞌaish ka kamabi ñuinakama a piti a pitima ꞌimainun kamabi ñuina pëchiukama ꞌimainun raëkëmakama anëñu ꞌiakëxa,

Génesis 35:5

Uínsaran kara atux chikitia anun ka Diosan atu ꞌurama ꞌikë ëmakama ꞌitsaira rakuënun ꞌimiakëxa, usokëx rakuë́kin ka Jacob ꞌimainun aín bëchikëkama nuiama ꞌikën.

Génesis 9:1

Nukën ꞌIbu Diosan ka upíokin sinánxunkin Noé ꞌimainun ain bëchikëkama, ësokin kakëxa: Kamina bëchipati mebi tsitsirui ꞌuákamë ꞌëoti ꞌain.

Génesis 9:3

ꞌËn kana mi kain kamina kamabi ñuina ꞌimainun ñu ꞌapátankëxun bimia pianan kamina añu kaina pisatanin aribi piti ꞌain. ꞌËn kana akama mi ꞌinanin.

Job 39:11

¿Min kaina ax kushiira ꞌixun ka ꞌën tëtikama ꞌë ꞌaxunti ꞌikë kixun sinánkin an mi ꞌaxúnun ënti ꞌain?

Ezequiel 34:25

ꞌËn kana ꞌën unikamabëtan achúshi ñu ꞌati ꞌain, usakin ꞌakëbë ka atux upitax tsóti ꞌikën. Usai ꞌikëbëtan kana raëkëma ñuinakama a menuax nëtënun ꞌimiti ꞌain, usakin ꞌimikëbë ka ꞌën ꞌarakakë ñuinanëxa aín pastonu bukukë usaribiti uinu kara tsotia anu upiti ꞌuxi bukuti ꞌikën.

Oseas 2:18

Usa ꞌain kana ꞌën a nëtën Israelkama uisabi oxuma ꞌanun achúshi ñu ñuina raëkëma kamabëtan ꞌakin, manan nuánkë ꞌimainun men niríkë runukama abëtan ꞌati ꞌain. ꞌAnan kana ꞌën unikama upiti bukunun, ënë menua aín kanti ꞌimainun aín manë xëtokë, ꞌianan ꞌakanankë aribi këñuti ꞌain.

Santiago 3:7

Unin ca camabi ñuina axa piánancë ꞌimainun ñuina pëchiu ꞌimainun men nirícë ñuina ꞌimainun baca mëu ꞌicë ñuina a camabi aín cuëëncësa oquin ꞌati ꞌicën, usoquin ca ꞌaia.