Génesis 8:21 - Kashibo-Kakataibo Biblia

²¹ Usokian ꞌaia ka Nukën ꞌIbu aín sanu upíira ꞌikë anu nukutia xëakëxa, xëti ka kiakëxa: Uinsaranbi kana amiribishi menu ꞌikë ñukama unin ꞌucha kupín këñunuxuma ꞌain, unin ka xura ꞌixuinshi ꞌatima ñu ꞌatishi sinania. ꞌImainun kana amiribishi ñuinakama ꞌaisamokin ꞌën bërí ꞌakësokin këñutëkëntima ꞌain.

Nukën 'Ibu Diosan ain unikama 'inan ain bana

²¹ Usokian 'aia ka Nukën 'Ibu aín sanu upíira 'ikë anu nukutia xëakëxa, xëti ka kiakëxa: Uinsaranbi kana amiribishi menu 'ikë ñukama unin 'ucha kupín këñunuxuma 'ain, unin ka xura 'ixuinshi 'atima ñu 'atishi sinania. 'Imainun kana amiribishi ñuinakama 'aisamokin 'ën bërí 'akësokin këñutëkëntima 'ain.

Génesis 8:21 Iomraidhean Croise

Génesis 3:17

Ësakin xanu katankëxun ka bëburibi kakëxa: —Min kamina min xanun kakëxun kuan. Usa ꞌixun kamina a pixunma ꞌanun ꞌën mi kakë i bimi a pian, ënë pixunma ka ꞌat ꞌën kakëxunbi, usa ꞌain ka bërí me ꞌaisama min ꞌucha kupí ꞌiti ꞌikën; usa ꞌain kamina ꞌitsaira ñu mëëkin menu ñu ꞌapáxun anun mix bamati nëtë ꞌitámainun pinuxun ꞌain.

Génesis 4:12

Minmi ñu, mëëkin ꞌapákëxbi ka biminuxuma ꞌaia. Usa ꞌaish kamina ñuñuma, kuainbëkinishi tantima mekama oi ninuxun ꞌain.

Génesis 5:29

a ka Noé kakin anëakëxa, ësai kikin: Nukën ꞌIbun ka me ꞌaisama oxa, usa ꞌain kananuna ꞌitsaira ñu mëi tëmëranuxun ꞌain; usa ꞌaínbi ka ënë tuákën nu tantiminuxun ꞌaia.

Génesis 6:13

usa iskin ka Noé kakëxa: Kamabi unikama këñuti kana sinan. Atun ꞌucha kupín ka ënë menuxun ꞌaisamaira ñu ꞌatima ꞌaia, usa ꞌain kana ꞌën a unikama ꞌimainun menu ꞌikë ñukama këñuti ꞌain.

Génesis 6:17

ꞌËn kana bakan tita chaiira an me mapurukin anu ꞌikë ñukama këñuti ꞌëmiti ꞌain, an kamabi menu ꞌikë unikama këñunu. Usokin ꞌakëbë ka menu ꞌikë kamabi ñukama bamati ꞌikën.

Génesis 6:5

Nukën ꞌIbu iskëxbi ka unin ꞌucha ꞌaisamaira ënë menu ꞌiakëxa, ꞌimainun a ꞌatima sinánñu ꞌixun ꞌatima ñuishi ꞌati sinánñuirabu ꞌiakëxa,

Génesis 6:7

kiakëxa: ꞌËn uniokë ënë menu ꞌikë unikama kana këñuti ꞌain, ꞌimainun kana kamabi ñuina a ꞌarakakë, ꞌimainun men niríkë ñukama, ñuina pëchiñu akama. ¡ꞌËn uniokë ñukama ꞌaisamakëbë kana sinanan!

Job 14:4

Uínbi ka bëtsi uni asérabi upí ꞌinun ꞌatima ñunua mënioima, usa ꞌain ka kamabi unix aín titan tuákë ꞌikën.

Salmos 51:5

Asérabi kana ꞌën titan tuakëxbi ꞌuchañu ꞌiakën; usa ꞌaish kana ꞌën titan puku ꞌukëmëu ꞌaishi ꞌuchañu ꞌiakën.

Isaías 53:6

Kamabi nukamax kananuna ovejakama nëtë́kësa ꞌinun, nukamax achúshi achúshinëx nun kuëënkësoishi niakën, ꞌaínbi ka Nukën ꞌIbun ainansa ꞌikë nun ñu ꞌatima ꞌakëkama kamabi nukamanua mëníokëxa.

Jeremías 18:12

ꞌAínbi ka atun mi kati ꞌikën: ¡Ñankáishi kamina usai ꞌitima ꞌain! Nukamax kananuna nun kuëënkësa ꞌoíshi tsókin, nun sinánkësa okinshi ñu ꞌati ꞌain.

Mateo 15:19

Aín nuitu mëu ca unin ꞌatima ñu ꞌati sinania, uni ꞌati, aín xanuma ꞌaínbi xanubë ꞌiti, xanu cuaioti, uni itsin ñu mëcamati, cëmëi uni itsimi manánti, uni itsi ñui ꞌatimati banati.

Juan 3:6

Axa xanunuax bacë́ncë, ax ca unishi ꞌia; axa aín Bëru Ñunshin Upitan bacë́ncë uni, ax ca Nucën Papa Diosan Bëru Ñunshin Upíñu ꞌia.

Romanos 1:21

A unicaman, ui cara Nucën Papa Dios ꞌicë quixun ꞌunánquinbi ca a sinánquin, —mix camina Nucën Papa Dios ꞌai —quixun caiman. Nucën Papa Diosan ñu ꞌaxuncëxunbi ca a unicaman —camina nu ñu ꞌaxuan, ca asábi ꞌicë —quixun rabiquin cacëma ꞌicën. Caquinma atun sináncësa oquinshi ꞌacë ñuishi ꞌacë ꞌixun ca ꞌatima ñuishi ꞌai sinánñuma unisa ꞌicanxa.

Romanos 3:23

Camabi unix ca Nucën Papa Diosan iscëx ꞌuchañu ꞌicën. Upíira ꞌinuan Nucën Papa Diosan unio ꞌaíshbi ca usama ꞌicën.

2 Corintios 2:15

Nun Cristo ñuiquin aín bana unicama nuibaquin ñuixuncëbë ca Nucën Papa Dios cuëënia. Nun nu ñuixuncëxun cuatia raíri uni ainan ꞌinun ië́micë ꞌimainuan raíri unix ami sinántisama tani ië́micëma ꞌaínbi ca Nucën Papa Dios nun nu a unicama nuibaquin aín bana ñuixuncëbë cuëënia.

Efesios 5:2

Nucën Papa Dios cuëëncësabi oquin judíos unin aín ꞌucha cupí rëcë́xa carnero ꞌiásaribiti ca bamatsianxmabi Cristo nu nuibati nun ꞌucha cupí bamacëxa, ami catamëtíshinu ië́nun. Cristonëan nu usoquin nuibacë ꞌain camina mitsúxribi usaribiti bëtsibë bëtsibë nuibananti ꞌain.

Filipenses 4:18

ꞌËmi bëmicë curíquicama cana bian. Anun ꞌën cuëëncë ñu bitiribi ca tëxëaxa. Epafroditonën ca mitsúnmi bëmicë curíquicama ꞌë ꞌinánxa. Mitsúnmi ainan cupí nuibaquin ꞌë usaquin ꞌinania isi ca Nucën Papa Dios cuëëanxa.

1 Juan 5:19

Cananuna ꞌunanin, nuxnu Nucën Papa Diosnan ꞌaínbi ca camabi menu ꞌicë unicamax ainanma ꞌaish ñunshin ꞌatimanën ꞌapunan ꞌicë quixun.