Génesis 8:16 - Kashibo-Kakataibo Biblia

¹⁶ Nunti chaiira anuax ka chikít, min xanu min bëchikë min bëchikënën xanu a kamabëbi kamina chikiti ꞌain kixun ka kakëxa.

Nukën 'Ibu Diosan ain unikama 'inan ain bana

¹⁶ Nunti chaiira anuax ka chikít, min xanu min bëchikë min bëchikënën xanu a kamabëbi kamina chikiti 'ain kixun ka kakëxa.

Génesis 8:16 Iomraidhean Croise

Génesis 7:1

Usa ꞌain ka Nukën ꞌIbun Noé kakëxa: Mixëshi kamina uni ꞌatimati tsómainun ënë nëtënuax upiti tsotin, usa ꞌixun kamina ꞌën kakëxun kamabi ñu upíokin ꞌan. Usa ꞌain kamina nunti chaiirami ꞌakë anu mikamaxëshi min bakë bëchikë kamabë ꞌiruti ꞌain.

Génesis 7:13

A nëtënbi ka Noé nunti chaiira anu aín bëchikëkama, Sem, Cam ꞌimainun Jafet, ꞌimainun aín xanu aín piaka rabë́ ꞌimainun achúshi aín bëchikënën xanu akamabë ꞌiruakëxa.

Génesis 7:7

Usa ꞌain ka Noé aín nunti chaiira anu aín xanu ꞌimainun aín bëchikëkama ꞌimainun aín bëchikënën xanukamabë, aturibia bakan këñutima kupí ꞌiruakëxa.

Génesis 8:15

Usaia ꞌian ka Nukën ꞌIbu Diosan Noé kakëxa:

Génesis 8:17

ꞌImainun kamina mibëa ꞌikë ñuina aribi chikínti ꞌain: ñuina pëchiñu a ꞌarakati ñuinakama, axa men niríkë ñuinakama, anu kuankian tuapati ꞌuákamë ꞌëokin me tsitsirutanun.

Salmos 121:8

Diosan ka mi bërúankin bërí ꞌananbi xënibua ꞌaínbi, uinu karamina kuani anuabi mi ꞌakinti ꞌikën.

Salmos 91:11

an ka aín ángelkama uinu karamina kuani anuabi mi bërúanun xuti ꞌikën.

Zacarías 9:11

Ësai ka Dios kia: Jerusalénnu bukukë unikama mitsun kamina kuati ꞌain, ꞌën kana Israel unikama bëtsi menu ꞌikëbi ië́miti ꞌain, usa ꞌain kana ꞌën anua ꞌumpax biti kini ꞌumpaxñuma ꞌinun ëskikë ꞌikëa anu uni sipuati ꞌakë usanu ꞌikëbi mitsu chikiankën. Usakin kana mitsubëtan achúshi ñu mëníokin ꞌásabiokin biti ꞌain, usa ꞌain kamina mitsun ñuina ꞌë xaroxunuxun aín imi ꞌapamikin ꞌakën.

Josué 3:17

Usakian Jordán kakë baka ëskinun ꞌimikëbë Israel unibu sikarakëmainun ka sacerdote unikama anua a tanti Diosan bana ꞌikë bunántisa okin ꞌakë, kurin ratakakakë buánkë unikama ax Jordán kakë baka ë́skia me rakákë a nëbëtsi kamabi uníxa sikarakëmainun nirakëakëxa.

Josué 4:10

Usa ꞌain ka sacerdotekama bunántisa okin ꞌakë kurin ratakakakë anua usai ꞌiti bana ꞌikë an uankë akamaxa Jordán kakë baka tëarabëti me rakákë anu sëtë́mainun Israel unibunën usokin ꞌanúan Nukën ꞌIbun Josué kakësabiokin ka kamabi ñu ꞌakëxa. Usakin ꞌaminuan Moisésnën Josué kakësabiokin. ꞌAkëbë ka anuax unikama bënëtishi sikarakëakëxa,