Génesis 6:9 - Kashibo-Kakataibo Biblia

⁹ Ënëx ka uisai kara Noé ꞌiakëxa, kixun ñuikë bana ꞌikën. Noé ax ka achúshi uni upí ꞌiakëxa, usa ꞌixun ka Diosan kakësabiokin ꞌakëxa. A uníxëshi ka raíri unikama ꞌikësama anúan tsóa nëtëkaman Diosan kuëënkësabi oi tsóakëxa.

Nukën 'Ibu Diosan ain unikama 'inan ain bana

⁹ Ënëx ka uisai kara Noé 'iakëxa, kixun ñuikë bana 'ikën. Noé ax ka achúshi uni upí 'iakëxa, usa 'ixun ka Diosan kakësabiokin 'akëxa. A uníxëshi ka raíri unikama 'ikësama anúan tsóa nëtëkaman Diosan kuëënkësabi oi tsóakëxa.

Génesis 6:9 Iomraidhean Croise

Génesis 10:1

Ënë kamax ka Noénën bëchikë Sem, Cam ꞌimainun Jafet, akaman rëbúnki ꞌikën, atux ka bakan tita chaiira ꞌikuatsian ꞌain, atunbi bëchipati tsóa a kama ꞌiakëxa.

Génesis 17:1

Usa ꞌain ka Abram axa noventa ꞌimainun nueve baritiañu ꞌikë, Nukën ꞌIbun amiribishi ami mëratëkënkin ësokin kakëxa: —ꞌËx kana min ꞌIbu Dios kamabi kushiñuira a ꞌain, usa ꞌain kamina ꞌëx kuëënkësabi ꞌoíshi tsóanan ꞌëx kikësabiokin kamabi ñu ꞌati ꞌain,

Génesis 2:4

Ënë banax ka usakin ka Nukën ꞌIbu Diosan naí ꞌimainun me uniokëxa kixun ñuikë bana ꞌikën. Usakin Nukën ꞌIbu Diosan naíkamë ꞌëo këñun me uniokin sënë́onkë ꞌaínbi ka,

Génesis 48:15

Usa ꞌain ka ain bëchikë José a ësokin upíokin sinánxunkin kakëxa: “Nukën ꞌIbu Dios an kakësabi okían ꞌën xuta Abraham ꞌimainun ꞌën papa Isaacnën Dios an ka a nëtë́an ꞌën titan tuaia ꞌë bërúan ꞌixun bëríbi uinu karana kuani anuabi ꞌë bërúaia,

Génesis 5:1

Ënëx ka Adánnën rëbúnkinën anëkama kuënëokë ꞌikën. Uni uniokin ka Nukën ꞌIbu Diosan, asaribi ꞌitánun ꞌakëxa;

Génesis 5:22

Henoc ax ka Nukën ꞌIbu Dios kuëënkësabi oi tsóakëxa. Usa ꞌain ka aín rëkuën bëchikë Matusalén bëchitankëx, Henoc ax tsóakëxa trescientos baritia, ꞌimikin ka bëbu ꞌimainun xanuribiokin bakë bëchipatëkëankëxa;

Génesis 5:24

Henoc ax ka Nukën ꞌIbu Dios kuëënkësabi oi tsókë uni ꞌiakëxa, usa ꞌikë ka achúshi nëtë ꞌikëbëtan Nukën ꞌIbu Diosan bikëx nëtë́akëxa.

Génesis 6:10

Noé ax ka rabë́ ꞌimainun achúshi bëchikëñu ꞌiakëxa, aín anë ka Sem, Cam ꞌimainun Jafet, kakin anëkë ꞌiakëxa.

Génesis 7:1

Usa ꞌain ka Nukën ꞌIbun Noé kakëxa: Mixëshi kamina uni ꞌatimati tsómainun ënë nëtënuax upiti tsotin, usa ꞌixun kamina ꞌën kakëxun kamabi ñu upíokin ꞌan. Usa ꞌain kamina nunti chaiirami ꞌakë anu mikamaxëshi min bakë bëchikë kamabë ꞌiruti ꞌain.

2 Samuel 22:24

ꞌËx kana Diosan kakësa ꞌoíshi ñu ꞌatima ꞌaíma tsóakën; usai ꞌikana ꞌatima ñu ꞌatimi rakuëakën.

1 Reyes 3:6

Usakian kakëxun ka Salomónnën kakëxa: “Min kamina ꞌën papa David min uni ꞌikë, ꞌitsaira nuibakin ꞌakiankën, an ka minmi ꞌakinkëxun upíokin ñu ꞌanan, aín nuitunënbi sinani mimi katamëkin upíokin ñu ꞌakëxa. Usakin ꞌaia ꞌën papa ꞌitsaira nuiba ꞌixun kamina aín bakë bëchikë ꞌikë, ax ꞌiásaribiti ꞌapu ꞌinun bërí ꞌë ꞌimian.

Job 1:1

Anu ka achúshi uni Job kakin anëkë ꞌiakëxa, ax ka Us kakë me anu tsóakëxa, usa ꞌixun ka uisa ñu ꞌatimabi ꞌati sinánkëma ꞌianan, Dios kuëënkësabi okinshi aín nuitu upí ꞌixun ñu ꞌakin bëtsi uni ꞌatima oti sinánkëma ꞌiakëxa.

Job 1:8

Kakëxun ka Diosan kakëxa: —¿Uisa uni kara ꞌën uni Job ꞌikë kixun kaina ꞌunan? Asaribi uni ka ënë menu ꞌaíma ꞌikën, an ka ꞌën kuëënkësabi okin ꞌakin ñu upíshi ꞌai tsókin ñu ꞌatima ꞌati sinanan, uibi ꞌatimoti sinanima upí ñuishi ꞌai tsotia.

Salmos 37:37

An ñu ꞌatima ꞌakëma ꞌimainun uisa ñu ꞌatima ꞌaímabi tsókë uni akamina isti ꞌain: Usa ꞌain ka a unin ñu ꞌakëx upí iskë ꞌiti ꞌikën.

Salmos 37:39

Usa ꞌain ka uni upíkama ax Nukën ꞌIbun ꞌakinkë ꞌikën, usa ꞌikë ka anúan tëmërati nëtëkama ꞌikëbëtan ꞌakinia,

Habacuc 2:4

Ënë bana kamina kuënëoti ꞌain, an ñu ꞌatima ꞌakë unikamax ka ax isa usaira ꞌikë kiax kikanti ꞌikën, ꞌaínbi ka an ñu upí ꞌakë unikama atux ꞌëx kikësokin ꞌai tsóti ꞌikën.

Lucas 1:6

Zacarías ꞌimainun Elisabet a rabëtax ca Nucën Papa Diosan iscëx aín nuitu upí ꞌiacëxa. Upí ꞌixun ca Nucën ꞌIbu Diosan banacama cuaquin an cacësabi oquin upí oquin ꞌacëxa. Usa ꞌain ca uinu ꞌicë uníxbi a ꞌatimaquin ñui ami manánma ꞌicën.

Lucas 2:25

Jerusalénu ꞌicë uni achúshi ax ca Simeón caquin anëcë ꞌiacëxa. A unix ca upí nuituñu ꞌixun a rabianan Nucën ꞌIbu Dios quicësabi oquin ꞌacë ꞌiacëxa. Usa ꞌixun ca an Israel unibu chuámashirua ꞌimiti, axa uti caíancëxa. Usa ꞌain ca abë Nucën Papa Diosan Bëru Ñunshin Upí ꞌiacëxa.

Lucas 23:50

Judea cacë menu ꞌicë ëma, Arimatea, anu ꞌicë uni achúshi ca José cacë ꞌiacëxa. Ax ca upí uni ꞌaish upí sinánñu ꞌiacëxa. Ax ca judíos cushicaman ꞌapucama achúshi ꞌiacëxa.

Hechos 10:22

Cacëxun ca a unicaman Pedro cacëxa: —Cornelio cacë suntárnunën cushi, ax upí uni ꞌianan an Nucën Papa Diosan bana cuacë ꞌicëa upí uni ꞌicë judíos unicaman ꞌunáncë, a ca Nucën Papa Diosan xucë ángelnën caxa, min bana cuanuxuan aín xubunumi cuanun mi caminun quixun.

Romanos 1:17

A bana ꞌunáncë ꞌixúinshi cananuna ꞌunanin, uisaira oquin cara Nucën Papa Diosan ainan ꞌinun nu ië́mia quixun. Nun ꞌucha tërë́nun Jesucristomi catamëtiashi ca ainan ꞌinun nu ië́mia. Usai ami catamëcë cupíshi cananuna Nucën Papa Diosnan ꞌiti ꞌain. Usai ca ꞌiti ꞌicë quiax ca aín bana cuënëo ësai quia: “Ui unicama cara Nucën Papa Diosan upí isia, ax ca asérabi ami catamëti tsóti ꞌicën”.

Gálatas 3:11

Nucën Papa Diosan bana cuënëo ca ësaribiti quia: “Ui unicama cara Nucën Papa Diosan upí isia, ax ca asérabi ami catamëti tsóti ꞌicën”. Usaquin cuënëo bana ꞌunánquin cananuna ꞌunanin, Moisésnëan usai ca judíos unicama ꞌiti ꞌicë quixun cuënëo bana ꞌacë cupíma ca Nucën Papa Diosan uni ainan ꞌicë upí isia, quixun.

Hebreos 11:7

Ënë́nsaran nëtë́nmaribi ca Noénën ami catamëquin —Nucën Papa Dios quicësabi oi ca ꞌiti ꞌicë —quixun ꞌunáncëxa. ꞌUnáncë ꞌicë ca Nucën Papa Diosan Noé cacëxa, —camabi uníxa ꞌaisamairai ꞌuchacë cupí cana unían usai ñu ꞌiti sináncëbëtanmabi camabi me baca mapumiquin cëñuti ꞌai —quixun. Nucën Papa Diosan bana ca asérabi ꞌicë quixun ꞌunánquin ca Noénënshi, ꞌitsa ꞌuí ꞌibúcëma pain ꞌaínbi aín manë nunti chaira anua aín aintsi ꞌibucama atsínmiti ꞌacëxa, Nucën Papa Diosan a cacësabi oquin. An usoquin ꞌaia iscë unicama ca —ënë menu ꞌicë unicama ꞌaisamairai ꞌuchacë cupí ca Nucën Papa Diosan cëñuti ꞌicë —quixun Noénën ñuixuancëxa. Nucën Papa Dios quicësabi oi ca ꞌiti ꞌicë quixun sinánquian Noénën, an cacësabi oquin ꞌaia isi ca Nucën Papa Dios cuëëancëxa.

1 Pedro 2:5

Usa ꞌain camina mitsux a xubumi bucúnrucë maxáxsa ꞌain. Jesucristomi catamëcë ꞌaíshmi asaribi upí ꞌinun ca Nucën Papa Diosan ainan ꞌinun mitsu ꞌimiaxa. Usa ꞌain camina Nucën Papa Diosan Bëru Ñunshin Upía mitsubë cupí bëtsibë bëtsibë nuibanani, bëtsin sináncësaribi oquin sinani achúshisa ꞌain. Usa ꞌixun camina Jesucristo cupí ainan ꞌixun Nucën Papa Dios cuëëncësabi oquin ñu ꞌanan a rabianan unicama a ñucáxunti ꞌain.

2 Pedro 2:5

Usaribi oquin ca Nucën Papa Diosan nëtë ióñu, an aín bana cuacëma unicama atun ñu ꞌatima ꞌacë tërë́nquinma camabi me mapumiquin baca cëñumiacëxa. Usonan ca an ami sinánun aín bana ñuixuncë, Noé, acëñun mëcën achúshi ꞌimainun rabë́ unishi Nucën Papa Diosan ië́miacëxa.