Génesis 49:8 - Kashibo-Kakataibo Biblia

⁸ Judá min xukë́n apankama ꞌimainun ꞌanáka kamanribi ka mi rabinuxun ꞌaia. Usakin mi rabi ka min xukë́nkamax mi bëmánon nirakëti ñanati tëtúbuti ꞌikën, kamina axa mimi nishkë unikama abë ꞌakanankin mi kupitanuma ꞌanuxun ꞌain.

Nukën 'Ibu Diosan ain unikama 'inan ain bana

⁸ Judá min xukë́n apankama 'imainun 'anáka kamanribi ka mi rabinuxun 'aia. Usakin mi rabi ka min xukë́nkamax mi bëmánon nirakëti ñanati tëtúbuti 'ikën, kamina axa mimi nishkë unikama abë 'akanankin mi kupitanuma 'anuxun 'ain.

Génesis 49:8 Iomraidhean Croise

Hebreos 7:14

Camabi unin ca ꞌunania, Nucën ꞌIbu Jesús ax ca Judanën rëbúnqui ꞌiacëxa quixun. Usa ꞌaínbi ca Moisés sacerdote ñui, Judanën rëbúnquinëx ca sacerdote ꞌiti ꞌicë quiax quiáma ꞌicën. Levitan rëbúnquishi ca usai ꞌiti ꞌiacëxa.

Génesis 27:29

Usa ꞌikë ka ꞌaisamaira unin mi ñu mëëxunti ꞌikën; bëtsi menu ꞌikë unikamaxribi ka mi bëtánain rantinpuruni ꞌiti ꞌikën. Mix kamina min xukë́nkaman ꞌapu ꞌiti ꞌain; ¡Usa ꞌain ka atux mi bëmánon rantipuruni ꞌiti ꞌikën! Uin kara mi ꞌaisama oia ax ka ꞌatima okëribi ꞌiti ꞌikën, ꞌimainun ka uin kara mi upíokin sinánxunkin ꞌakinia axribi upiti bukui upíokin sinánxunkë ꞌiti ꞌikën.”

Deuteronomio 33:7

Usa ꞌain ka Judá ñui ësairibi kiakëxa: ꞌËn ꞌIbu aín bana kuakin kamina Judá aín aintsi kamakëñunbi; ami nishkë unikamama ꞌaia usa ꞌain min kushinbi ꞌakinti aín.

Génesis 29:35

Usakin ꞌatankëxunbi ka Lían, amiribishi tuatëkëanxa, a tuá ka Judá kakin anëakëxa, anëtankëx ka kiakëxa: Bërí kana ꞌën Nukën ꞌIbu rabiti ꞌain. Usakin a tuákama ꞌatankëx ka tuatëkënima ñomëakëxa.

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.

Apocalipsis 5:5

Usai bëunan mëscutiabi ca a caniacëcë unicama achúshinën ꞌë caxa: —Camina ini bëunan mëscútima ꞌain. Ca is, Judatan rëbúnquicama achúshi, ꞌInúan cacë, ax Davidnën rëbúnquiribi ꞌicë, Jesús, ax bamáxbi baísquia ꞌaish camabi ñun ꞌibuira, an ca a quirica taráncë bacaquin, anúan a tacáshcacëcama pëóshti ꞌicën.

Hebreos 10:13

Anu ꞌaish ca axa ami nishcë unicama a Nucën Papa Diosan ꞌibuamimainun anua Nucën Papa Dios ꞌicë anu ꞌicën.

Isaías 9:7

Ax ka anua David tsóa anubi tsóti ꞌikën; usa ꞌikë ka ax kushiira ꞌixuan ñu ꞌaia kamabi menuxun kuati ꞌikën ꞌimainun ka chuámarua uni tsóti ax këñutima ꞌikën; usa ꞌixun ka uínsaranbi axa ꞌapu ꞌia ax ënkëma anubi ꞌiti ꞌikën, usa ꞌain ka an ꞌakë ñukama ax upíokin ꞌakë ꞌianan, an bërí pëukin ñu ꞌakë ax uínsaranbi nëtë́tima usabi ꞌiti ꞌikën. Ësokin ka Dios kamabi kushiñuira an ꞌitsaira unikama nuibakin ꞌati ꞌikën.

2 Samuel 22:41

ꞌimianan kamina axa ꞌëmi nishkë unikama abámikin ꞌanun ꞌë ꞌamiakën. ꞌAmikëxun kana achirabi nitánuma a unikama këñukin ꞌakën.

2 Samuel 5:3

Ësakian an ꞌaia, ꞌunánxun ka kamabi Israel unibunën Hebrónnua ꞌain anu rikianxun ësakin David kakëxa, kakëxun ka uisakin kara ax ꞌapu ꞌixun ꞌati ꞌikë a ñuixunkin Diosanbi unánun kakëxa. Usakin kakëxun ka atúnbi Israel unibunën ꞌapu ꞌinun anëakëxa.

Génesis 46:12

Ënëx ka Judánën bakë bëchikëkama ꞌiakëxa: Er, Onán, Selá, Fares, ꞌimainun Zérah. (Er ꞌimainun Onán ax ka Canaán kakë me anuax ñuakëxa.) Ënëxribi ka Faresnën bëchikëkama ꞌiakëxa: Hesrón ꞌimainun Hamul.

Génesis 42:6

Usaia ꞌimainun ka José ax Egipto menu ꞌapu ꞌain, unikama trigo maruti anëkë ꞌiakëxa. Usa ꞌixun ka axa trigo marui bëtsi menuax kuankë unikama anu kuania trigo maruakëxa. Marukëbëbi ka aín xukë́n kamaxribi ami bëbai nirakëti aín bëmánanën me tikai rantinpuruni tsóbuakëxa.