Génesis 49:1 - Kashibo-Kakataibo Biblia

¹ Usa ꞌain ka Jacobnën kamabi aín bëchikëkama anua unun kixun kamiakëxa: “Kamikëxa anu rikuatsinkë ka ꞌë ꞌurama kamina ukanti ꞌain kixun kakëxa, bërí kana usaími ꞌëx ñukëbë ꞌikanti bana mitsu ñuixunti ꞌain:

Nukën 'Ibu Diosan ain unikama 'inan ain bana

¹ Usa 'ain ka Jacobnën kamabi aín bëchikëkama anua unun kixun kamiakëxa: “Kamikëxa anu rikuatsinkë ka 'ë 'urama kamina ukanti 'ain kixun kakëxa, bërí kana usaími 'ëx ñukëbë 'ikanti bana mitsu ñuixunti 'ain:

Génesis 49:1 Iomraidhean Croise

Salmos 105:15

ꞌËn kaískë unikama ꞌatima oxuma ꞌanan kamina an bana ñuikë ꞌën unikamaribi uisabi otima ꞌai kixun ka ꞌapukama kakëxa.

Isaías 2:2

Nëtë xënibukëbë ka anúan ꞌiti nëtë ꞌikëbë anua Diosan xubu ꞌikë bashi ax bëtsi bashikamasamaira ꞌinuxun ꞌaia. Usa ꞌain ka a bashixa bëtsi bashikamasama ꞌain bëtsi menu ꞌikë kamabi unikamax anu uti ꞌikën;

Isaías 53:1

¿Uin kara nukamannu kuaxun ñuikë min bana ax ka asérabi ꞌikë kixun sinánti ꞌik? ¿Ui kara Nukën ꞌIbun aín kushin ñu ꞌakin ax ka kushi ꞌikë kixun sinánnun ꞌimiax?

Jeremías 23:20

Nukën ꞌIbu nishkë ax ka uisakin kara ñu ꞌaisatania usakin ꞌaxma tantitima ꞌikën. Usa ꞌain ka anun mitsun ax ka asérabi ꞌikë kixun sinanan, ënë ñukama upíira okin kuati nëtë ꞌiti ꞌikën.

Daniel 2:47

Usokin ꞌamitankëxun ka Daniel kakëxa: —Asérabi ka mitsun Dios ax chaiira ꞌaish bëtsi dios kamasamaira ꞌikën; ax ka ꞌapukaman ꞌIbuira ꞌimainun, an ꞌunántisama ñukama abi ꞌunania, usa ꞌain kamina ꞌunántisama ënë ñu uisai ꞌiti kara ax ꞌikë kixun min ꞌunanin.

Amós 3:7

Usa ꞌain ka uinsaranbi Nukën ꞌIbun aín bana ñuikë unikama a usakin kana ñu ꞌai kixun ꞌunánmixuma ñu ꞌaima.

Miqueas 4:1

ꞌItsa baritia inúkëbë ka anun usai ꞌiti nëtëkama ꞌikëbë, anuxun Nukën ꞌIbu rabiti xubu anu ꞌikë bashi ax uínbi uisabi oisama ꞌiti ꞌikën. Usa ꞌaish ka a bashi manan ꞌaish; bëtsi bashi kamasamaira manainra ꞌiti ꞌikën. Usa ꞌain ka kamabi ëmanu ꞌikë unikama anu ꞌuti ꞌikën;

Números 24:14

Asabi ka usa ꞌain kana ꞌën menubi kuanti ꞌain; ꞌaínbi kana kuanuxun pain ësokin mi kain, uisai kara a unikamabë min rëbúnkikama ꞌinuxun ꞌaia.

Lucas 2:26

An ca Nucën Papa Diosan Bëru Ñunshin Upitan sinánmicëxun ësoquin sinánquin ꞌunáncëxa: Bamacëma pain ꞌixun cana ꞌën axa utia judíos unicaman caíncë, Cristo, a Nucën ꞌIbu Diosan xucë isti ꞌain.

Hechos 2:17

Nucën ꞌIbu Diosan ca caia: Mecama cëñúcëma pain ꞌain cana unicamanu ꞌën Bëru Ñumshin Upí atubë ꞌinun xuti ꞌain. Xucëxun ca Israel unicama, xanu ꞌimainun bëbu, anbi ꞌëx quia bana uni ñuixunuxun ꞌaia. ꞌImainun ca bënábu unicamanribi ꞌën ismicëxun ñu isnuxun ꞌaia. Caniacëcë unicamanribi ca ꞌën ꞌamicëxun namánuxun ꞌaia.

Deuteronomio 31:12

Usa ꞌain ka kamabi Israel unikamax anu timë́ti ꞌikën uni, xanu, uniakë ꞌimainun bëtsi menu ꞌikë uni mitsubëa tsókë akamaxbi ka, ax kikësabi ꞌiti bana ꞌaia kuati ꞌikën, kuankin ꞌunánkin ka Nukën ꞌIbu Dios kikësabiokin ꞌanan kamabi aín banakama kuënëokë kikësabiokin ꞌati ꞌikën.

Deuteronomio 4:30

Uínsaran kaina mitsux bëtsi ñu rabi tëmëratankëxbi amiribishi a ëni Nukën ꞌIbumi sinanatëkënkani anun ka

1 Timoteo 4:1

Nucën Papa Diosan Bëru Ñunshin Upitan ca nu upí oquin ꞌunánun ꞌunánmia, Jesucristo utëcënti nëtë ꞌurama ꞌain ca ñunshin ꞌatima, an uni paráncë, acaman sinananmicëxun, uni raírinën ꞌatima ñu ꞌaquin Jesucristomi catamëti ënti ꞌicë quixun.

2 Timoteo 3:1

Ësaquinribi camina ꞌunánti ꞌain, anúan Jesucristo utëcënti nëtëa ꞌurama ꞌain ca aín unicamax ꞌaisamaira tëmëranuxun ꞌaia.

Hebreos 1:2

Bëráma usaquin nucën raracama ꞌunánmia ꞌaínbi ca an xucëxun aín Bëchicë anbi aín Papan bana unicama ñuixuancëxa. Nucën Papa Diosan ca aín Bëchicë camabi ñu uniomiacëxa. Usa ꞌain ca an camabi ñu, naíu ꞌicë ángelcama ꞌimainun, ënë menu ꞌicë unicama ꞌimainun, camabi ñu unio ꞌicë aín Papan a ꞌibuamiacëxa.

Hebreos 13:1

Mitsux Jesucristonan ꞌaish camáxbi xucë́nsa ꞌaish camina mitsux ꞌicësabi bëtsibë bëtsibë nuibanani ꞌiti ꞌain.

Apocalipsis 4:1

A ñucama pain cuatancëxun cana xëcuë xëocacësa ꞌinuan naí panárabëcë isan. Isquin cana anun paían ꞌë cacë bana axa manë banañu banocë́xa banacësari banaia cuatëcëan, ësai qui: —Ënu ca ꞌirui ut, mixmi aia cana uisa ñucama cara ꞌiti ꞌicë quixun mi ismiti ꞌain.