Génesis 48:10 - Kashibo-Kakataibo Biblia

¹⁰ Usa ꞌain ka Jacobnën kaniakëkin upíokin isama ꞌikën. Usakian upíokin iskëbëtanma ka Josénën aín bëchikë rabë́ a ꞌurama okëxa, ꞌurama oia ka Jacobnën ꞌikúkin bikin bëtsuku kakin aín kisinu tsónpakëxa.

Nukën 'Ibu Diosan ain unikama 'inan ain bana

¹⁰ Usa 'ain ka Jacobnën kaniakëkin upíokin isama 'ikën. Usakian upíokin iskëbëtanma ka Josénën aín bëchikë rabë́ a 'urama okëxa, 'urama oia ka Jacobnën 'ikúkin bikin bëtsuku kakin aín kisinu tsónpakëxa.

Génesis 48:10 Iomraidhean Croise

Génesis 27:1

Usa ꞌain ka Isaac ax kaniakëti ꞌupiokin ñu istisama ꞌain bëru ꞌiakëxa. Achúshi nëtën aín rëkuë́n bëchikë Esaú kuënxun kakëxa: —¡ꞌËn bakë bëchikë! —Kia ka kamina ꞌë kati ꞌain papan —kixun Esaúnën kakëxa.

Génesis 27:27

Ësokin kakëx bëtsuku kanux a ꞌurama oi tsóbutia ka Jacobnën chupa Isaacnën xëakëxa. Xëkin ka ësokin kakin upíokin sinánxuankëxa: “Ënë chupan ꞌishax ka ꞌën bëchikënan ꞌaish. Abë ninu nikë ꞌishasa ꞌikëa, Nukën ꞌIbu upíokin sinánxunkë ꞌiti ꞌikën.

Génesis 31:55

Usai atubë anu ꞌinëti ka pëkarakëma ꞌaínshi Labán niruakëxa, nirukin ka kuanuxun aín xutakama bëtsuku kanan aín bëchikë xanu rabë́ aribi bëtsuku kakin kamina bërúanx kuantankëx ꞌikuanti ꞌai kixun kakëxa, kabiani ka amiribishi anuaxa ukë aín me anubi kuantëankëxa.

Génesis 45:15

Usai Benjamínbë ꞌitankëx sënë́nkin ka Josénën aín xukë́n apankamaribi bëtsukukakin bitsi intëkëankëxa, ësai pain ꞌitankëxun ka aín xukë́nkama abë rakuë́timaishi banakëxa.

Génesis 48:11

Usakin ꞌatankëxun ka José katëkëankëxa: —ꞌËn kana amiribishi mi istëkënti sinánkëma ꞌain sinaniamabi ka Diosanbi ꞌën min bëchikë këñunbi mi istëkënun ꞌë ꞌimiaxa.

Génesis 48:8

Ësakin kakinbi ka Jacobnën Josénën bëchikë rabë́ isakëxa, iskin ka ñukákin kakëxa: —Ënëx kara, ¿uikama ꞌik?

1 Reyes 19:20

Usakia ꞌakëxunshi ka Eliseonën bënë́kinshi aín vaca bënëkama ëbiani, a kaxu abákiani kuanxun nukúkinshi Elías kakëxa: —Mibë kuanuxun ꞌën papakëñun ꞌën tita anu kana kuani kixun kakin bëtsuku katamainun kamina ꞌë kaínti ꞌain. —Asabi ka kamina kuanti ꞌai —kixun ka Elíasnën kakëxa—, ꞌaínbi kamina añu karana ꞌën mibëtan ꞌa kixun sinánti ꞌain.

Eclesiastés 12:3

Usa ꞌain ka mix kaniakëkë ꞌikëbë min pëñankama ami katamëti bëruankakë ax bërëkimainun anun mi nikë min xokama axribi bamai kushima ꞌiti ꞌikën; usai ꞌimainun ka min xëtakamax achúshi achúshi ëchikimainun kamina min bërukamaribi kurukëbëtan bëxuñu ꞌixun anun iskasmati ꞌain.

Isaías 6:10

Ënë unikama kamina upíokin sinánxuma ꞌanun ꞌimiti ꞌain; ꞌimianan kamina atun pabitan kuakinbia aín pabí xëpúkësa ꞌixuan kuakasmanun ꞌimiti ꞌain; ꞌimianan kamina iskinbia aín bëru bëpankësa ꞌixun iskasmanun ꞌimiti ꞌain. Usa ꞌixun ka kuatima ꞌianan istimabi ꞌikën, usai ꞌikin ka atun ꞌën bana kuatíbi ꞌëmi sinanatima ꞌikën, ꞌën atun ꞌakë ꞌuchakama mëníoxunun.”

Deuteronomio 34:7

Moisésnëx ka ciento veinte baritiañu ꞌaish ñuakëxa; usa ꞌaish ka aín ñuti nëtë sënë́ntamainun kaniakëtibi ꞌinsínkëma ꞌixun aín nami paë tanima ꞌianan aín bërumi ñukëma ꞌixun upíokin iskë pain ꞌiakëxa.

1 Samuel 3:2

ꞌAínbi ka achúshi imë́ ka Elí bëxuñu ꞌiakëxa, usa ꞌixun ka upíokin isima anua ꞌikë aín xubunubi ꞌiakëxa.

1 Samuel 4:15

anu ka Elí noventa ꞌimainun ocho baritiañu ꞌiakëxa, usa ꞌaish ka kaniakëti bëxuñu ꞌiakëxa.