Génesis 45:1 - Kashibo-Kakataibo Biblia

¹ Ësakin kaia Judá sënë́nkëbëtan ka Josénën tënëtisamaira tankin, an ñu mëëxunkë unikama a rapasu ꞌikëbi munuma kuënkë́nkin kakëxa: ënuax kamina kamaxi chikínkanti ꞌain. Ësokian kakëx ka an ñu mëëxunkë unikama José rapasunuax chikímainua, aín xukë́n kamáxëshi abë bërútia ka ꞌëx kana min xukë́n ꞌanáka José a ꞌain, kixun ꞌunánmiakëxa.

Nukën 'Ibu Diosan ain unikama 'inan ain bana

¹ Ësakin kaia Judá sënë́nkëbëtan ka Josénën tënëtisamaira tankin, an ñu mëëxunkë unikama a rapasu 'ikëbi munuma kuënkë́nkin kakëxa: ënuax kamina kamaxi chikínkanti 'ain. Ësokian kakëx ka an ñu mëëxunkë unikama José rapasunuax chikímainua, aín xukë́n kamáxëshi abë bërútia ka 'ëx kana min xukë́n 'anáka José a 'ain, kixun 'unánmiakëxa.

Génesis 45:1 Iomraidhean Croise

Génesis 42:24

Usakin aín xukë́nkama kaíbi atúxa usai kia kuati masá nuituti uri kuanx ka José iankëxa. Usai inkuatsini anua atux ꞌikë anu utëkënkin ka atu kakin, amo nitsinakin Simeón atun ismainunbi nëamiakëxa.

Génesis 44:34

Uisa kupí, ¿uisax karana ꞌën papanu ënë tuá ꞌëbë kuankëbëma ꞌëx kuantëkënti ꞌain? ꞌËn karana ꞌën papa masá nuituti tëmëraia isti ꞌain.

2 Samuel 1:20

Usa ꞌain ka Gatnu tsókë unikama kuatima ꞌikën, ꞌimainun ka Ascalón ëmanu bëbakin a bana ñuitima ꞌiaxa, filistea xanukamax ka a banakama kuati kuëëanan, manámiki chirini kuëënti ꞌikën, atux ka bëtsi ñu rabikë xanubu ꞌikë usa ꞌaish.

Isaías 42:14

Ësai ka Nukën ꞌIbu kiaxa: ꞌItsaira baritia inúkëbëbi kana ꞌëx uisaibi kiama ꞌain, usai ꞌën sinánxuama tani ꞌikinbi tënëi kana nishkëmasa ꞌiakën; ꞌaínbi kana bërí xanuxa aín tuá bakënux paë tani ini munuma kuënkëni raëti kushi uíni ꞌikë usairibi ꞌiti ꞌain.

Jeremías 20:9

Uínsaran nëtën karana ꞌëx kian: “ꞌËn kana amiribishi Nukën ꞌIbumi sinántëkëntima ꞌain, usa ꞌain kana amiribishi aín bana ñuitëkëntima ꞌain,” usa ꞌain ka min banakama ax tsi rëkirukënën ꞌakësa okin ꞌën xokama ꞌë ꞌukëmëuxun xarokësa okin ꞌaia. Usa ꞌain kana mixmi kikë banakama ꞌëbi ñuikinma sinaínshitisa tanin ꞌaínbi ka usokin ꞌaisama ꞌikën.

Mateo 18:15

Jesusan ca ësaquinribi aín ꞌunánmicë unicama cacëxa: —Axa mix ꞌicësaribiti Nucën Papa Diosmi sináncë uníxa mimi ꞌuchaia camina abëishi banaquin —ësai camina ꞌëmi ꞌucha —quixun a cati ꞌain. Usoquinmi cacëxun cuati sinanati ca mibë upí ꞌitëcënti ꞌicën.

Hechos 10:41

Jesús baísquicëbi ca camabi uníinra isama ꞌicën. Nun cuni cananuna Nucën Papa Diosan, Jesús ñuiquin unicama bana ñuixunun bëráma caísa ꞌixun, baísquicë isanan abëtan pianan xëacën.

Hechos 7:13

Xucëxun bitsínquin bëxun trigo ancëax ca amiribishi bitëcëni Egiptonu cuantëcëancëxa. Cuanx bëbaia ca Josénën aín xucë́antu isquin, ꞌëx cana mitsun xucë́n ꞌai quixun cacëxa. Usa ꞌain ca acama isquin Egiptonu ꞌicë ꞌapu, Faraónën, Josénën aintsicama ënëx ca judíos uni ꞌicë quixun ꞌunáncëxa.

1 Corintios 13:5

Ca nishcësashi ꞌaish aín cuëëncësa oíshi ꞌima. Aín cuëëncësa oquinshi ñu ꞌacë ca ꞌima. Ca bënëtishi nishima. Ami nishquian unin ꞌatimocëxunbi ca axribi ami nishquinma tanshitia.