Génesis 43:1 - Kashibo-Kakataibo Biblia

¹ Usa ꞌain ka nëtëkamabi a piti ñu a menu ꞌaíma ꞌiakëxa,

Nukën 'Ibu Diosan ain unikama 'inan ain bana

¹ Usa 'ain ka nëtëkamabi a piti ñu a menu 'aíma 'iakëxa,

Génesis 43:1 Iomraidhean Croise

Génesis 12:10

Usa ꞌain ka anua Abram tsótanbi a menu a piti ñu ꞌaimaira ꞌiakëxa, usa ꞌain ka Abram a menuax ꞌitsama baritia ishi, Egipto menu anua a piti ñu ꞌain anu tsóti kuankëxa, anua ꞌikë me anua a piti ñu a nëtënu ꞌaimaira ꞌain.

Génesis 18:13

Usai ꞌia ꞌunánkin ka Nukën ꞌIbun Abraham kakëxa: —¿Uisa kupín kara Sara kuain? ¿an kara xënira ꞌaish kana tuáñu ꞌiti ꞌain kixun sinanimin?

Génesis 26:1

Usa ꞌain ka Isaac ax anu ꞌumpax ꞌikë anu tsóakëxa, ax ka anu tsókë kakë ꞌimainun an iskë kakin anëkë ꞌiakëxa, a rapasu ꞌaínbi ka Abraham anu tsótan ꞌiásaribiti a piti ꞌaíma ꞌinun ñu ꞌapákëxbi ꞌiruama ꞌikën. Usaia ꞌikëbë ka panani Isaac aín xanu Rebecabë kanankiani an ñumëmikë unikama ꞌimainun aín ñukamabi buani anua Abimélec filisteokaman ꞌapu ꞌikë Guerar kakë ëma anu kuankëxa.

Génesis 42:5

Usa ꞌain ka Jacobnën bëchikë kamax anribia trigo marui kuankë unikamabë kuankëxa. A nëtë kaman ka kamabi Canaán menu a piti ñu ꞌaíma ain numi chaiira ꞌiakëxa.

Génesis 43:2

usa ꞌain ka Jacobnën aín bëchikë kamabëtan Egipto menua buánkë trigo a pikëx këñúkëbëtan aín bëchikëkama kakëxa: —Amiribishi kuantankëxun kamina trigo chukúmashi marutëkëni kuanti ꞌain.

Génesis 47:4

Nukamax kananuna ënë menu tsóti uan, anu nux ꞌikë Canaán me anu ka ꞌitsaira numi ꞌianan a piti ñu ꞌaíma ꞌimainun nun ñuinakama pimiti pasto ꞌaíma ꞌikën. Usa ꞌain kamina an mi ñu mëëxunti nukama ënë menu ꞌapu ꞌixun nukamaxnu anu tsónun Gosen kakë me a nu ꞌinánti ꞌain.

Deuteronomio 26:5

usakin nani ka Nukën ꞌIbu Diosan kuamainun ësai kiti ꞌikën: ꞌËn rarakamax ka ꞌitsamashi ꞌaíshbi arameo ꞌikësa achúshi menushi tsótima kuaínbëkini tsótankëx Egipto menu kuantankëx anu tsóti bërúakëxa, anuax ka ꞌitsa baritia ꞌikëbë achúshi ëma chaiira ꞌianan kushiirabu ꞌimainun ꞌaisamaira ꞌinun ꞌuakamë ꞌëokëxa.