Génesis 41:8 - Kashibo-Kakataibo Biblia

⁸ ꞌAínbi ka a pë́karan anun masánuitukëishi ꞌixun kamabi Egipto menu ꞌikë an ñu tankë ꞌimainun an ñu ꞌunánkë unikama unun kixun kamiakëxa. Kamikëxa rikuatsinkë ka faraónën usakian namákëkama ñuixuankëxa, ñuixunkëxunbi ka uinu ꞌikë uni an ñu tankë ꞌimainun an ñu ꞌunánkë achúshinënbi ñuixuama ꞌikën, uisakin namákin kara usakin namáxa kixun.

Nukën 'Ibu Diosan ain unikama 'inan ain bana

⁸ 'Aínbi ka a pë́karan anun masánuitukëishi 'ixun kamabi Egipto menu 'ikë an ñu tankë 'imainun an ñu 'unánkë unikama unun kixun kamiakëxa. Kamikëxa rikuatsinkë ka faraónën usakian namákëkama ñuixuankëxa, ñuixunkëxunbi ka uinu 'ikë uni an ñu tankë 'imainun an ñu 'unánkë achúshinënbi ñuixuama 'ikën, uisakin namákin kara usakin namáxa kixun.

Génesis 41:8 Iomraidhean Croise

Génesis 40:6

Usa ꞌain ka José pëkaran sipunu ꞌikë unikama isi uakëxa, ukinbi ka ꞌitsaira sinania masá nuituax tsókë a rabë́ mërakëxa;

Génesis 40:8

—Nu rabë́xun kananuna ënë imë́ ësokin namán, ꞌaínbi ka uisakin namákë kara ax ꞌikë kixun an nu ñuixunti ꞌaíma ꞌikën kakëxun ka Josénën. —¿Diosan kara uisakin namákë kara min namákë ax ꞌikë kixun mi ñuixuntima ꞌik? —Kixun atu kakëxa katankëxun ka Josénën—. ꞌË kamina min namákëkama ñuixunti ꞌai kixun kakëxa.

Génesis 41:15

Usaia bëbakë ka faraónën kakëxa: —ꞌËn kana ësokin namán ꞌaínbi ka an ꞌën namákë ꞌë ñuixunti ꞌaíma ꞌikën, usa ꞌaínbi kana ꞌën kuan, min isamina uni aín namákë ñuixuni kixun ñuia kana kuan, usa ꞌain kaina min ꞌën namákë ꞌë ñuixunti ꞌain.

Génesis 41:24

A trigo bimi chushikësa ꞌimainun mënukësa an ka mapai ꞌimainun rabë́ trigo bimi upíirabu a piaxa. Usakin namáxun kana an ñu tankë unikama timëxun ñuixuan, ꞌaínbi ka atu achúshinënbi usakin namákë ka ax ꞌikë kixun ꞌë kakëma ꞌikën.

Génesis 41:7

akama trigo bimi chushikësa an ka trigo bimi mapai ꞌimainun rabë́ bimi upíirabu a pia isakëxa. Usakin iskinra namati bësui ka faraón kiakëxa iskinra kana namatin.

Éxodo 7:11

Usakian ꞌakëbëtan ka ꞌapu faraónën ribi an ñu tankë ꞌimainun an ñu ꞌunánkë aín unikama kuënxun usaribikinsa ꞌanun kixun ꞌamiakëxa:

Éxodo 7:22

Usakian ꞌakëbëtan ka egipcio unibu an ñu tankë ꞌimainun an ñunshinan kushin ñu ꞌakë a unikamanribi usaribi okin ꞌakëxa, ꞌakëbëtan ka faraónën aín sinan iruarakin Moisés ꞌimainun Aarónën kakëxunbi Nukën ꞌIbun kakësokin aín bana kuaisama tankëxa.

Éxodo 8:7

Usakian ꞌakëbëtan ka, an ñunshinan kushin ꞌamikëxun ñu ꞌakë unikamanribi usaribi okin, ꞌakëbë ka ꞌaisamaira ꞌashá Egipto menu ꞌiakëxa.

Éxodo 9:11

Usakian Moisésnën ꞌakëbatan ka an ñunshinan ꞌamikëxun aín kushin ñu ꞌakë unikama atunribi usakin ꞌakatsi kixun sinanibi atúxribi ꞌain aintsi egipcio unibu ꞌikësaribiti aín namikamanu ankëti chanku ꞌirukë ꞌixun ꞌama ꞌikën.

Isaías 8:19

Usa ꞌain ka unikaman mitsu káshibuinxun ësakin kati ꞌikën: “Mitsux kamina uni ñukëkama aín ñunshinbë banati ꞌain, ꞌianan ka axa usai ka ñu ꞌiti ꞌikë kixun ꞌunánkë akamabëribi munura banati ꞌain. ¿Achúshi ëmanu ꞌikë unikaman kara atun dioskamabë, bananan uni bamakëkama a kara uisakin

Daniel 1:20

Anuxun ka kamabi ñu ꞌunánkëira ꞌiti bana ꞌimainun, sinánñuira ꞌiti banakama a ꞌapun ñukákëxa, ñukákinbi ka an ñu ꞌunánkëira mërakëxa, usa ꞌaish, a menu ꞌikë an ñu tankë ꞌimainun an ñu ꞌunánkë unikamabëtan sënë́nmaira ꞌikë mërakëxa.

Daniel 4:18

Ënëx ka ꞌapu Nabucodonosor ꞌixun ꞌën namákë ꞌikën. Usa ꞌain kamina mix Beltsasar ꞌixun bërí uisokin namákë kara ꞌën namákë ax ꞌikë kixun ꞌë ñuixunti ꞌain, uinu ꞌikë unínbi ka ꞌëx ꞌapu ꞌain, an ñu ꞌunánkëkama achúshinënbi ka ꞌën uisakin namákë kara ax ꞌikë kixun ꞌunánkëma ꞌikën, usa ꞌaínbi kamina Dios upíira ꞌain bëru ñunshinan ꞌakinkëxun min kuni ꞌë ñuixunti ꞌain kixun kaxa.

Daniel 4:19

Usa ꞌain ka Daniel kakin anëkë ꞌikëbi Beltsasar kakinribi anëkë ax ꞌëorapain ain sinánkë rakarakëtamainun sinani niaxa. Usai ꞌiabi kana ꞌëx ꞌapu ꞌixun kan: Beltsasar ꞌitsaira sinánkinma kamina uisakin namákë kara ꞌën namákë ax ꞌikë ꞌë ñuixunti ꞌain kixun kan. Kakëxun ka Beltsasarnën ꞌë kakëxa: Min namákë ax ka uin kara mi ꞌaisama oisatania a unikamanubi pakëti ꞌikën.

Daniel 4:5

ꞌAínbi kana achúshi imë́ ꞌuxi ꞌibúxunbi ꞌatimakin namán, namáxun ꞌën bëtsiokin sinánkëkama anunbi ꞌitsaira rakuëan.

Daniel 4:6

Usai ꞌikin kana ꞌë isia ukanun kamabi an ñu ꞌunánkë unikama Babilonia ënu ikë unikama kamian, atua uisakin namákë kara ꞌën namákë ax ꞌikë kixun ꞌë ñuixuni unun kamian.

Daniel 4:7

Usakin kamikëx ka an ñunshinan ꞌamikëxun ñu ꞌakë ꞌimainun, an ñu tankë ꞌianan, an ñu ꞌunánkë ꞌimainun, uisai kara ñu ꞌinuxun ꞌaia kixun an tankë, Babilonianu ꞌikëkama atux uaxa, aia kana ꞌën namákë a ñuixuan, ꞌaínbi ka atun uisakin namákë kara ax ꞌikë kixun ꞌë ñuixunkëma ꞌikën.

Daniel 5:11

mix ꞌapu ꞌain ka achúshi uni dioskaman bëru ñunshinan ꞌakinkë anu ꞌikën. Min papa ꞌapu ꞌain ka a unin upíokin sinánkë ꞌiakëxa, usa ꞌaish ka ax ñu ꞌunáinra ꞌianan an ñu tankë ꞌaish dios kamasaribi ꞌikën, usa ꞌikë ka min papa Nabucodonosornën a uni Daniel kakë an ñu tankë unin ꞌapu ꞌimainun an ñu ñunshinan kushin ñu ꞌakë ꞌianan an ñu ꞌunánkë ꞌimainun uisai kara ñu ꞌia an tankë ënë menu ꞌikë atun kushi ꞌinun anëakëxa,

Daniel 7:28

Ënëx ka anu sënë́nkin namákësa okin iskë ñuikë a ꞌikën. ꞌËx Daniel ꞌaish kana ꞌitsaira anun masá nuitukin sinani, ꞌën bëmánanbi pëki ꞌian; usai ꞌikinbi kana uibi a ñukama ñuixunkëma ꞌain.”

Levítico 19:31

Uni an ñunshinan ꞌamikëxun ñu ꞌakë ꞌimainun an ñu tankë uni kamanu kamina kuankantima ꞌain. Usai abë banakin kamina mitsúnbi ꞌaisama ñu ꞌati ꞌain. ꞌËx kana mitsun ꞌIbu Dios a ꞌain.

Habacuc 3:16

Ënëkama ñu ꞌiti kuati kana rakuëan, usai ꞌi kana ꞌën kuëbí bërëkai ꞌian, ꞌianan kana ꞌën kisikama anun nisama ꞌimainun ka ꞌën namikamaribi kushima ꞌiaxa. Usa ꞌixunbi kana bënë́kinma uínsaran nëtën kara Diosan an nu ꞌatimokin ꞌakë unikama masánuitutanun aín suntárukama ꞌimia kaínti ꞌain.

Mateo 2:1

Herodes axa Judea cacë menu ꞌicë unicaman ꞌapu ꞌaish Jerusalénu ꞌain ca a menu ꞌicë ëma, Belén cacë, anuax Jesús bacë́ancëxa. Belénuaxa Jesús bacë́an ca aucüaxa bari urucë anuax an ñu ꞌunáncë unicama, Belén ꞌurama ꞌicë Jerusalén ëmanu cuancëxa.

Hechos 17:18

Cananmainun ca raíri unicama usa isa uni ꞌiti icë quixun epicúreo cacë unicaman bana ñuia cuacë, ꞌimainun estoico cacë unicamanribia bëtsi bana ñuia cuacë, a unicamaxribi uax Pablobë banacëxa. Abë banatancëx ca raírinëx quiacëxa: —¿Añu cara banañuira ꞌixun ënë unin nu ñuixuinsa tanin? Quicëbë ca raírinëx Pablonëan Jesús ñuianan —bama ꞌaish ca uni baísquiti ꞌicë —quixun cacëxun cuax quiacëxa: —Nun rabicë diosma, bëtsi dios ñui sapi ca quia.

Hechos 7:22

Cania ca Egiptonu ꞌicë unicaman atun ꞌunáncë ñucamaribi ꞌunánmiacëxa. Usa ꞌaish sinánñuira ꞌaish ca ax aín bana ꞌimainun aín ñu ꞌacëribi upí ꞌiacëxa.

1 Corintios 1:19

Ësai ca ꞌiti ꞌicë quiax ca Nucën Papa Diosan bana cuënëo ësai quia: ꞌËn sinanëinshi cana ñu ꞌunani quixun sináncë unicama ax ca ꞌën ꞌimicëx aín sinan ñancáishi ꞌiti ꞌicën. ꞌËn cana ñu ꞌunani quixun sináncë uni ax ca ꞌën ꞌimicëx ñu ꞌunáncëma unisa ꞌiti ꞌicën.

1 Samuel 6:2

Usa ꞌain ka filisteo unikaman sacerdote ꞌimainun an ñunshina ꞌamikëxun ñu tankë unikama ñukánun timë́nun kakëxa: —Kakë́xa timë́kë ka ñukákëxa, ¿Uisa karanuna anua Diosan ñukama ꞌarukë bunántisa okin ꞌakë kurin ratakakakë ënë oti aín? Uisokin karanuna anua bëkë anubi buántëkënun xuti ꞌain kamina nu kati ꞌai kixun ñukákëxa.