Génesis 40:1 - Kashibo-Kakataibo Biblia

¹ Usai ꞌitankëxa basikëbë ka an uvas baka xëati Egipto menu ꞌikë ꞌapu ꞌinánkë a ꞌimainun an pán ꞌakë uni aín kushi rabë́ axribi, an ñu mëëxunkë ꞌapu Egiptonu ꞌikë ami ꞌatimati banai ami ꞌuchakëxa.

Nukën 'Ibu Diosan ain unikama 'inan ain bana

¹ Usai 'itankëxa basikëbë ka an uvas baka xëati Egipto menu 'ikë 'apu 'inánkë a 'imainun an pán 'akë uni aín kushi rabë́ axribi, an ñu mëëxunkë 'apu Egiptonu 'ikë ami 'atimati banai ami 'uchakëxa.

Génesis 40:1 Iomraidhean Croise

Génesis 40:11

Usai ꞌian kana ꞌën ꞌapun ami xëakë xampa a tuínxun ami uvas baka chinintakëxun kana xampamibi ꞌënbi buánxun ꞌapu aín mëkënnubi ꞌinan.

Génesis 40:13

usa ꞌain ka ënuax rabë́ ꞌimainun achúshi nëtë ꞌikëbëtan ꞌapun minmi an kuëënkëma ñu ꞌaxunkë a istankëxun amiribishi min ñu mëëtinu mi nantëkënti ꞌikën, usakin ꞌakëxun kamina min ꞌasábiokin ꞌapu xampami aín xëati ꞌinánkë abi ꞌatëkënti ꞌain.

Génesis 40:16

Ësokian Josénën ꞌupiokin ñuixunia kuakin an pán ꞌakë aín kushi anribi ꞌënribi kana ësokin namá kixun kakëxa: —ꞌËnribi kana ësokin namákin rabë́ ꞌimainun achúshi tasá pán uxua ꞌën maxkánu nankë isi pëkian.

Génesis 40:2

Usa ꞌain ka faraón Egipto menu ꞌikë ꞌapu ax a uni rabë́ ami ꞌaisamairai nishkin an ꞌain xëati iskë aín kushi ꞌimainun an pán ꞌakë iskë aín kushi kuëntankëxun,

Génesis 40:5

Achúshi imë́ ka sipunu ꞌikë uni rabëtan namákëxa, an uvas baka ꞌapu xëati ꞌinánkë ꞌimainun ka an ꞌapu pán ꞌinánkë aín kushi a rabëxun namákëxa, a namákënëx ka achúshi achúshinëx usaía ꞌitiñu ꞌiakëxa.

Génesis 41:9

Usakian atun ñuixunkëbëma ka an faraón aín xëati ꞌinánkë uni aín kushi, ax kiakëxa: —Bërí kana sinanatin usai ꞌiti ꞌaímabi kana ꞌëx a sinanima manuan.

Nehemías 1:11

Dios ꞌën mi ñukákëxun kamina kuati ꞌain, ꞌimainun kamina min unikaman ñukákëxunribi kuati ꞌain, usa ꞌain kamina an mishi rabitisa tankë unikaman ñukákëxun kuati ꞌain. ꞌImainun kana ësokinribi mi ñukatin ꞌapuan ꞌën kakëxun ꞌëmi upíokin sinánkin ꞌakinun kamina sinánmiti ꞌain.”