Génesis 4:7 - Kashibo-Kakataibo Biblia

⁷ Min upíokin ñu ꞌakin kamina upíokin sinántsian, ꞌaínbi kamina ꞌaiman, usa ꞌain ka min ꞌuchati ꞌuramara ꞌikën. Usa ꞌaínbi kamina min abi tënëkin ꞌatima ꞌain.

Nukën 'Ibu Diosan ain unikama 'inan ain bana

⁷ Min upíokin ñu 'akin kamina upíokin sinántsian, 'aínbi kamina 'aiman, usa 'ain ka min 'uchati 'uramara 'ikën. Usa 'aínbi kamina min abi tënëkin 'atima 'ain.

Génesis 4:7 Iomraidhean Croise

Génesis 19:21

Usaia kia ka a uni achúshinën kakëxa: —ꞌËn kana minmi ꞌë kakëxun kuan usa ꞌain kana ami ꞌë ñuixunkë ëma chukúma a këñutima ꞌain,

Génesis 3:16

Usakin runu katankëxun ka Nukën ꞌIbu Diosan xanuribi kakëxa: —ꞌËn kana min tuia chaiira paë tanimi bakënun ꞌimiti ꞌain, paën kamina bakënuxun ꞌain. ꞌAínbi kamina usai ꞌibi min bënëbë ꞌinuxun ꞌain, ꞌianan kamina, an kakësabiokin ꞌati ꞌain.

Job 42:8

Usa ꞌain kamina bërí ꞌëx mitsumi nishkë a nëtë́tanun, mapai achúshi ꞌimainun rabë́ vaca bërí kanikë këñun mapai achúshi ꞌimainun rabë́ carnero bibiani uinu kara ꞌën uni Job ꞌia anu a buani kuanti ꞌain, anuxun kamina a ñuinakama rëxun ꞌaímai këñutanun xaroti ꞌain. Usakin ꞌakëbëtan ka ꞌën uni Jobnën mitsu ꞌë ñukáxunti ꞌikën, ñukákëxun kana an ꞌë kakësabiokin, mitsu uisabi otima ꞌain, mitsun kamina asérabi ꞌë ñui upiti banaiman, ꞌën uni Job ax kikësai.

Jeremías 6:20

¿Uisoti kaina mitsun Sabá menu ꞌikë sanuira ñu a ꞌimainun ro ua sanuira ꞌura ꞌikë me kamanua ꞌikë a ꞌë bëxun kanin? ꞌËx kana kuëënima ꞌaímai këñutanun xarokë a ꞌianan, bëtsi ñukamaribi bëxun xarokëxbi ka ꞌën iskëx upíma ꞌikën:

Miqueas 7:18

Misaribi bëtsi Dios ka ꞌaíma ꞌikën, min kamina nux kuëënkësa oí ꞌikë a mëníokin, nuxnu ꞌuchakëkama a manuin, nukamax kananuna min unikama ꞌitsamashi tikikë a ꞌain. Min kamina nukama nuibatin usa ꞌain kamina mix xënibua ꞌaish nishkëma a ꞌain.

Malaquías 1:10

“¡Uisati kara mitsu achúshinën anuxun Dios rabiti xubu xëpútikama xëpútima ꞌikën, anuxunma ꞌë ñuina xaroxunti anu ñankabi tsi bimitëkënkania usa ꞌain! ꞌËn kana mitsu nuibakëmapan ꞌain, ꞌianan kana mitsun ꞌë ꞌinaishikë ñukama abi bitëkëntima ꞌain:

Malaquías 1:13

Mitsux kamina ësai kikanin: ¡Nukamax kananuna ësokin ñu ꞌakëkama ënën atsan! Usai kikin ka ꞌë timakania. Usai ꞌikinbi ka ñuina mëkamakë ꞌimainun vaca ꞌatimai nikë ꞌimainun ꞌinsínkë akama ꞌë ꞌinánti bëi ꞌëx isana a ñuinakama ꞌinánkëx kuëënti ꞌai kiax kikania.

Malaquías 1:8

Usa ꞌain kamina mitsun ñuina bënxuñu ꞌianan tsasikëkama ꞌimainun axa ꞌinsínkëkama a ꞌë anuxun xaroti anuxun xaroxunkë ax isa upí ꞌikë kixun sinánkë anun kamina ꞌë ꞌatimokan. ¡Usa ꞌain kamina a ñuinakama mitsun ꞌapukamanu buánti ꞌain! ¡buántankëxun kamina mitsun ꞌinánkëxun kara ꞌinainshikë ñukama a atun kuëënkin bitsia kixun isti ꞌain!

Hechos 10:35

Usa ꞌixun ca an aín bana cuaquin ñu upíshi ꞌacë unicama camabi menu ainan ꞌimia.

Romanos 12:1

Usa ꞌain cana ësaquin mitsu cain, ꞌën xucë́antu. Nucën Papa Diosan mitsu nuibaquin ainan ꞌinun caíscë ꞌixun camina ꞌatima ñu ꞌaquinma asérabi ax cuëëncësabi oquinshi ꞌanan, ainanshi ꞌiti ꞌain. Mitsúxmi usa ꞌiti ca Nucën Papa Dios cuëënia.

Romanos 14:18

Usai ꞌicë unicamax ca Cristo cuëëncësabi oquin ꞌacë ꞌaish Nucën Papa Diosan iscëx upí ꞌianan unínribia iscëx upí ꞌicën.

Romanos 15:16

aín bana judíosma unibu ñuixunun quixun ꞌë cacëxa. Nucën Papa Diosan ca axa Jesucristomi catamëcë unicama ainan ꞌinun ië́mia quixun judíosma uniburibi ꞌunánminun ca an ꞌë ꞌimiacëxa. Nucën Papa Diosan ꞌë usaquin ꞌanun casabi oquin cana judíosma unicama, mitsuribi a bana ñuixunin, aín Bëru Ñunshin Upitan sinánmicëxunmi upiti ami catamëquin a rabinun.

Romanos 6:12

Usa ꞌixun camina ꞌuchañu ꞌaish ꞌatima sinánñu ꞌixun mitsun sináncësa oquinshi ꞌaisama ñu ꞌatima ꞌain.

Romanos 6:16

Camina upí oquin ꞌunanin, mitsun uni itsi —ꞌëx cana min uni ꞌiisa tani —quixun catancëxun camina aín uni ꞌixun ax quicësabi oquinshi ñu ꞌaxunti ꞌain. Usaribiti ca uni ñunshin ꞌatimanën ꞌapu cuëëncësa oquinshi ꞌacë ꞌaish aín uni ꞌicën. Aín uni ꞌaish ca Nucën Papa Diosbë ꞌitimoi bamati ꞌicën. Usa ꞌaínbi ca uni itsix Nucën Papa Dios cuëëncësabi oquin ꞌacë ꞌaish aín uni ꞌianan an iscëx upí ꞌicën.

Efesios 1:6

Usaquin ainan ꞌinun caístancëxun an nu nuibaquin, aín nuibacë Bëchicë nubë ꞌaínu ainan ꞌaish upí ꞌinun nu ꞌimicë ꞌixun cananuna ami catamëquin, xënibua ꞌaínbi a rabin.

1 Timoteo 5:4

Usa ꞌaínbi ca xanu casunamëcënëx tuáñu ꞌianan babañu ꞌicë aín tuábëtan aín baban ꞌaquinti ꞌicën, chamará ꞌicë ca aín papabëtan aín titan tëmëraquinbi nuibaquin tuá canioia, usa cupí. Usa ꞌain camina uni ꞌimainun xanu, aín tita, aín papa ꞌimainun aín xubunu ꞌicë aín aintsicamaribi ꞌaquianan ñu ꞌaxunti ꞌunánmiti ꞌain. Usoquian ꞌati ca Nucën Papa Dios cuëënia.

Hebreos 11:4

Bërí nëtë́nma ca Adanën bëchicë, Abel, an ami sinánquin Nucën Papa Dios quicësabi oquin a rabiquin ꞌaracacë ñuina rëxun xaroxuancëxa. Usomainunbi ca aín xucën Cainan aín cuëëncësa oquinshi aín ñu bimishi Nucën Papa Dios xaroxuancëxa. Cainan usoia isi ca Nucën Papa Dios cuëëanma ꞌicën. Abelnëan ꞌaxuncëxun isi cuni ca cuëëancëxa. Abel bama ꞌaínbi cananuna —Abelnën ca asérabi Nucën Papa Diosmi catamëquin ax quicësabi oquin ꞌacëxa —quixun sinanin.

Santiago 1:15

Usaquian sináncë cupí ca unin ñu ꞌatima ꞌaia. Ñu ꞌatima ënquinma amiribi amiribi ꞌai ꞌuchacë cupí ca bamai Nucën Papa Diosbë ꞌitima ꞌicën.

1 Pedro 2:5

Usa ꞌain camina mitsux a xubumi bucúnrucë maxáxsa ꞌain. Jesucristomi catamëcë ꞌaíshmi asaribi upí ꞌinun ca Nucën Papa Diosan ainan ꞌinun mitsu ꞌimiaxa. Usa ꞌain camina Nucën Papa Diosan Bëru Ñunshin Upía mitsubë cupí bëtsibë bëtsibë nuibanani, bëtsin sináncësaribi oquin sinani achúshisa ꞌain. Usa ꞌixun camina Jesucristo cupí ainan ꞌixun Nucën Papa Dios cuëëncësabi oquin ñu ꞌanan a rabianan unicama a ñucáxunti ꞌain.