Génesis 4:26 - Kashibo-Kakataibo Biblia

²⁶ Usa ꞌain ka Setnënribi achúshi bëchikë ꞌakëxa, aín anëx ka Enós kakë ꞌiakëxa. Usa ꞌain ka a nëtëkaman unin Nukën ꞌIbu ꞌakinun kixun ñukákëxa.

Nukën 'Ibu Diosan ain unikama 'inan ain bana

²⁶ Usa 'ain ka Setnënribi achúshi bëchikë 'akëxa, aín anëx ka Enós kakë 'iakëxa. Usa 'ain ka a nëtëkaman unin Nukën 'Ibu 'akinun kixun ñukákëxa.

Génesis 4:26 Iomraidhean Croise

Génesis 12:8

Usai ꞌitankëx ka anuax chikíkiani kuanxun amiaxa bari urukë Betel kakë ëma au ꞌikë niñu me anu xubusa okin aín chupa këxtú pëniankëxa. Betel kakë ëma ax ka amia bari kuabúkë au ꞌikë ꞌiakëxa, ꞌimainun ka achúshi ëma. Ai kakë axribi amiaxa bari urukë au ꞌikë ꞌiakëxa. A menuxunribi ka Abramnën anuxun Nukën ꞌIbu rabiti ꞌatankëxun rabiakëxa.

Génesis 26:25

Ësokian kakëxun ka Isaacnën anuxun rabiti maxax maburukin ꞌatankëxun, asábi ka kakin Nukën ꞌIbu rabiakëxa. Usokin ꞌatankëx ka a menubi ꞌi bërúakëxa, bërúkin ka anu achúshi kini anua ꞌumpax biti an ñu mëëmikë unikama ꞌamiakëxa.

1 Reyes 18:24

Usokin ꞌatankëxun kamina mitsun dioskama abë banakin ñukáti ꞌain, ꞌënribi kana ꞌën Dios ñukáti ꞌain, ¡usokin ñukákëxuan an tsi rëkirumikin ꞌibúmikë dios ax ka asérabi Dios ira ꞌiti ꞌikën! —¡Asabi ka mixmi kikë usakin kananuna ꞌati ꞌai! —kixun ka Elías kamabi uni timëkamë ꞌëokë an kakëxa.

Salmos 116:17

Usa ꞌain kana, ꞌëmi ñukama ꞌaxunkë a kupín ñuina rëxun xaroxunkin, asabika kakin min anë rabikin mi ñukáti ꞌain.

Isaías 44:5

Usa ꞌain ka achúshi uni kiti ꞌikën: ꞌËx kana Nukën ꞌIbuna ꞌainꞌ, bëtsíxribi ka ax ka Jacobnën rëbúnki ꞌikë kiax anëti ꞌikën, ꞌimainun ka bëtsínribi aín mëkënnu: ꞌËx kana Nukën ꞌIbunan ꞌai kixun kuënëoti ꞌikënꞌ.” Usai ꞌikin ka aín anëkëñun Israelnën anëribi kuënëoti ꞌikën.

Isaías 63:19

Usa ꞌain kananuna nux uínsaranbi min ꞌakinkëmasa ꞌianan, uínsaranbi min unibu ꞌikëmasa ꞌiakën.

Joel 2:32

ꞌAínbi ka kamabi unikama an Nukën ꞌIbun anë rabikë atun bamatinuax ië́ti tanti ꞌikën, usa ꞌain ka aín bashi Sión kakë Jerusalénnu ꞌikë anu ka anua atux ië́ti ꞌiti ꞌikën. Nukën ꞌIbu usai ka ꞌiti ꞌikë kiax kiásabi oi. Usa ꞌain ka an kaískë unikamax bamanuxbi tsókëpan ꞌiti ꞌikën.

Lucas 3:38

Cainán ax ca Enosnën bëchicë ꞌiacëxa. Enós ax ca Setnën bëchicë ꞌiacëxa. Set ax ca Adanën bëchicë ꞌiacëxa. Adán ax ca Nucën Papa Diosan bëchicë ꞌiacëxa.

Hechos 11:26

Bëax achúshi baritian anu ꞌiquin ca Saulobëtan Bernabénën axa Jesucristomi catamëcë unicamabë timë́quin atu ꞌunánmiacëxa. Usa ꞌain ca Antioquíanuxun pain uni raírinën axa Jesucristomi catamëcë unicama Cristonën uni caquin anëacëxa.

Hechos 2:21

Usai ꞌicëbë ca uinu ꞌicë unicaman cara aín ꞌIbu Dios ꞌë ñucatia, acamax ca ꞌënan ꞌinux ië́cë ꞌinuxun ꞌaia. Usai ca Joelnën cuënëo bana quia.

Romanos 10:13

Nucën ꞌIbu Diosan bana cuënëo ca quia: “Uin cara an ië́minun ñucatia a ca Nucën ꞌIbu Diosan ainan ꞌinun ië́miti ꞌicën”.

1 Corintios 1:2

Mitsúxmi Corinto ëmanuax Jesucristomi catamëcë ꞌicë, cana cuënëoxun ënë quirica mitsu buánmin. Mitsux Cristo Jesúsmi catamëcë ꞌaish camina Nucën Papa Diosnan ꞌain. An ca ax cuëëncësabi oíshi ꞌinun mitsu caísacëxa. Camabi menu ꞌicë unicama, an Nucën ꞌIbu Jesucristo aín ꞌuchacama tërë́nxunun quixun ñucácë, a unicama usai ꞌinun caíscësaribi oquin ca Nucën Papa Diosan mitsu caísacëxa. Jesucristo ax ca a unicaman ꞌIbu ꞌianan nun ꞌIburibi ꞌicën.