Génesis 4:2 - Kashibo-Kakataibo Biblia

² Usakin a pain ꞌatankëxun ka Abel Caínan xukë́n aribi tuakëxa. Abel axa an ñuina ꞌarakakë uni ꞌimainun ka Caín ax an ñu ꞌapákë uni ꞌiakëxa.

Nukën 'Ibu Diosan ain unikama 'inan ain bana

² Usakin a pain 'atankëxun ka Abel Caínan xukë́n aribi tuakëxa. Abel axa an ñuina 'arakakë uni 'imainun ka Caín ax an ñu 'apákë uni 'iakëxa.

Génesis 4:2 Iomraidhean Croise

Génesis 3:23

Usakin katankëxun ka Nukën ꞌIbu Diosan uni Edénnua chikínkin, an uniokë ꞌixuan me naëoxun anu ñu mëënun kixun ëankëxa.

Génesis 37:13

Usai atux kuankë ꞌain ka Jacobnën aín bëchikë José kakëxa: —Ka kuat, min xukë́nkamax ka Siquem kakë me anu kuanxa, nun ꞌarakakë ovejakama ꞌimainun cabrakama, pasto pimi. Usa ꞌain kamina anua isi kuanti ꞌain. Kakëxun ka Josénën —Asábi ka kana isi kuanti ꞌain —kixun kakëxa.

Génesis 4:1

Usa ꞌain ka uni aín xanubë ꞌiakëxa. ꞌItankëx ka xanux tutankëx aín rëkuën tuá Caín bakë́ankëxa, bakë́anx ka kiakëxa: Bërí kana bëbu tuá achúshiñu ꞌain. Nukën ꞌIbunbi ka ꞌë ꞌinánxa.

Génesis 4:3

Uiti bari kara inúkëbëtan ka achúshi nëtë ꞌikëbëtan, Caínan aín ñu ꞌapákë a ꞌinánti bikë a Nukën ꞌIbu ꞌinánkëxa.

Génesis 47:3

Usa ꞌain ka ꞌapu faraónën Josénën xukë́nkama ñukákin kakëxa: —¿Añunën kaina mitsux tëin? Kixun ñukákëxun atun kakëxa: —An ꞌapu ꞌikë mi ñu mëëxunti nukaman kananuna nun chaitiokëkaman ꞌasaribiokin ovejakama bërúain.

Génesis 9:20

Usa ꞌain ka Noénën menu ñu ꞌapákin pëukin naë ꞌatankëxun uvas ꞌatabakin ꞌapákëxa.

Salmos 127:3

Unin bakë bëchikë bakënkëkama ax ka upíokin sinánxunkian Diosanbi nu ꞌinánkë ꞌikën.

Éxodo 3:1

Moisésnën ka aín kuku Jetró ꞌikëbi Reuel kakinribi anëkë uni an ꞌarakakë ovejakama bërúanxuankëxa, a unix ka sacerdote Madián kakë me anu ꞌikë ꞌiakëxa, achúshi nëtën ka anu uni ꞌikëma menu aín kukun ñuina ꞌarakakëkama buani kuankëxa, kuanx ka Diosan bashi kakë chairukë anu bëbakëxa ax ka Horeb kakë ꞌiakëxa.

Amós 7:15

ꞌaínbi ka Diosan ñuina bërúai nikë ꞌikëbi a ëmikin ësokin ꞌë kaxa: ꞌAnu kuanxun kamina Israel unikama ꞌëx kikë banakama ñuixuni kuanti ꞌain.

Lucas 11:50

Usoquin ꞌati ca ënë nëtënua bërí bucucë unicamax ꞌicën. Usa ꞌixun camina mitsun raracaman ꞌásaribi oquin ꞌain.

Lucas 11:51

Abel pain ca ꞌacëxa. Usaribi oquin ca mitsun raracaman an Nucën Papa Dios quicësabi oquin ꞌacë unicama bari itsi bari itsi inúmiquin ꞌacëxa. ꞌA ꞌaían ca raírinënribi ꞌacëx Zacarías ax anuxun Nucën Papa Dios rabiti xubu rapasu bamacëxa. Mitsun raracaman ꞌásaribi oquin camina mitsun ꞌain. Usa ꞌain ca atu ꞌásaribi oquin Nucën Papa Diosan mitsu castícanti ꞌicën.

Juan 8:44

Mitsun papax ca ñunshin ꞌatimanën ꞌapu ꞌicën. Ainan ꞌixun camina axa cuëëncësa oquinshi ꞌaisa tanin. An ca nëtë ióñubi uni ꞌati sináncëxa. Ax ca cëmë ꞌaish axa ꞌiásabi cëmëia. Cëmëi ca an sináncësa oquinshi sinani banaia. Ainra ca cëmë́ntapun ꞌixun unían uni itsi cëmëquin paránun ꞌimia.

1 Juan 3:10

Ënëx ca ësa ꞌicën. Ui unin cara ñu upí ꞌaima ax ca Nucën Papa Diosnanma ꞌicën, ui unin cara uni itsiribi nuibatima axribi ca Nucën Papa Diosnanma ꞌicën. Usa ꞌain cananuna uinu ꞌicë unix cara Nucën Papa Diosan bëchicë ꞌicë quixun ꞌunánan uinu ꞌicë unix cara ñunshin ꞌatimanën ꞌapunan ꞌicë quixun ꞌunánti ꞌain.

1 Juan 3:12

Ñunshin ꞌatimanën ꞌapunan ꞌixun ca Cainan aín xucë́nbi ꞌacëxa. Usaribi cananuna ꞌitima ꞌain. ¿Uisa cupí cara Cainan aín xucën ꞌacëx? Aín xucënan ꞌacë ñu upí ꞌimainuan an ꞌacë ñu upíma ꞌain ca Cainan aín xucën ꞌacëxa.

1 Juan 3:15

An ami nishquin uni raíri nuibacëma uni ax ca an uni ꞌacë unisa ꞌaish ꞌaisama ꞌicën. Camina ꞌunanin, an uni ꞌacë unix ca Nucën Papa Diosnanma ꞌaish xënibua ꞌaínbi abë ꞌitima ꞌicë quixun.