Génesis 39:2 - Kashibo-Kakataibo Biblia

² Usai an ñu mëëmikë uni egipcio uni, aín xubunu ꞌia ka Nukën ꞌIbun José ꞌitsaira bërúankin ꞌakiankëxa.

Nukën 'Ibu Diosan ain unikama 'inan ain bana

² Usai an ñu mëëmikë uni egipcio uni, aín xubunu 'ia ka Nukën 'Ibun José 'itsaira bërúankin 'akiankëxa.

Génesis 39:2 Iomraidhean Croise

Génesis 21:20

Usakian Nukën ꞌIbu Diosan ꞌakinkëx ka Ismael anu uni ꞌikëma menuax kani Parán kakë anu ꞌiakëxa, usai kanikin ka uisokin kara kanti ꞌimainun pian ñuoti ꞌikë kixun upíokin ꞌunánkëxa. Usai kania ka aín titan achúshi xanu Egipto menua bëxun aín xanu ꞌiti ꞌinánkëxa.

Génesis 21:22

Usai ꞌikë basirakëma ꞌaínshi ka ꞌapu Abimélec Abrahambë banai kuankëxa. Kuankëbë ka aín suntárunën kushi Ficol, axribi abë kuankëxa. Kuantankëxun ka Abimélecnën Abraham ësokin kakëxa: —Nun kananuna isan Nukën ꞌIbu Diosan ka kamabi añu ñukama karamina ꞌai akamabi mi ꞌakinia.

Génesis 26:24

“Anu bëbaxa ñantabukë a imë́ ami mërakin ka Nukën ꞌIbun kakëxa: ꞌËx kana min papa Abraham aín Dios ꞌain. Usa ꞌain kamina rakuë́tima ꞌain; ꞌëx kana mibë ꞌain. Usa ꞌain kana ꞌën uni Abraham a kupín upíokin sinánxunkin, min rëbúnkinëxa ꞌaisamaira ꞌuákamë ꞌëonun ꞌimiti ꞌain.”

Génesis 26:28

Ësokian kakëxunbi ka atun kakëxa: —Nun kananuna mi isan mix kamina Nukën ꞌIbu abë ꞌain, usa ꞌikë an mi ꞌakinia kananuna unan, usa ꞌain kananuna nukaman achúshi ñu mibëtan ꞌati ain. A achúshi ñu ꞌati ax ka ꞌikën:

Génesis 28:15

ꞌËx kana mibë ꞌain; usa ꞌixun kana uinu kaina kuani anuabi ꞌën mi bërúanti ꞌain, usa ꞌixun kana amiribishi ënë menubi mi bëtëkënti ꞌain. Mi kana usai ꞌia ꞌën kakësabiokin ꞌaxuntankëxuma ëntima ꞌain.

Génesis 39:23

usakin ꞌamainun an sipu bërúankë aín kushi an Josénën ꞌakë ñukama isama ꞌikën, usakin ka Nukën ꞌIbun ꞌakinkëxun aín ñu mëëtikama upíokin ꞌakëxa.

Génesis 39:3

ꞌAkinkëxuan upíokin Josénën ñu mëía ka a ñu mëxunkë unin, aín ꞌIbun ka Josébë ꞌixun ꞌakinia kixun. Usa ꞌain ka Josénën mëëkë ñukamax upí ꞌiakëxa.

Salmos 1:3

A unix ka baka ꞌurama nikë i aín tapun me ꞌukëmëu kuani nikë axa tuákësa ꞌianan, uínsarabi aín pëchi chushi rëukukëma usaribi ꞌikën. ¡Usa ꞌain ka kamabi an ꞌakë ñukamax upí ꞌia!

Salmos 46:11

¡Kamabi kushiiñu Nukën ꞌIbu ax ka nubë ꞌikën! ¡Usa ꞌaish ka Jacobnën Dios ꞌiá ꞌaish nun Diosribi ꞌixun nu ꞌakinia!

Salmos 46:7

¡Nukën ꞌlbu kamabi kushiñuira ax ka nukamabë ꞌikën! ¡Jacobnën rabia Dios ax ka aminu katamëkë ꞌikën!

Salmos 91:15

Uínsaran kara ꞌakinun kixun ꞌë kaia anun kana ꞌakinti ꞌain; ¡ꞌëxbi kana abë ꞌiti ꞌain! Usakin ꞌai kana ꞌëx abëbi ꞌiti ꞌain, ꞌënbi kana ꞌupiokin kamina ñu ꞌa kixun mi kati ꞌain;

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 43:2

Mitsux ꞌumpaxan ꞌinúkëbëbi kana ꞌëxribi anu ꞌiti ꞌain, usa ꞌain kamina bakaribi sikatibi bakami kitima ꞌain, ꞌianan ka tsi rëkirukënën anun inutiabi mi chuxtima ꞌikën, ꞌianan ka ꞌain rëkirukë anbi mi xanotima ꞌikën.

Jeremías 15:20

ꞌËn kana mixmi ënë unikamanan achúshi kënë manë panshianën kënëarakin kushiokin nitsinkë usaribi ꞌinun mi ꞌimiti ꞌain. Usa ꞌikë ka mibë ꞌakanankinbi uínbi mi kanantima ꞌikën, ꞌën kana mi bërúankin ië́miti ꞌain. ꞌËx kana Min ꞌIbu ꞌaish usai kin.

Mateo 1:23

Xanu achúshi unibë ꞌicëma pain ꞌaish ca tuñu ꞌitancëx bacë́nti ꞌicën. Aín tuá ax ca Emanuel caquin anëcë ꞌiti ꞌicën. Emanuel quicë ax ca “Nucën Papa Dios ca nubë ꞌicë” qui quicë ꞌicen.

Hechos 8:31

Cacëxun ca cacëxa: —Cana cuatiman. ¿Uni itsin ꞌë ꞌaquincëxunma carana uisaxun ꞌunánti ꞌain? Ësoquin caquin ca Felipe abë tsotia ꞌirunun quixun cacëxa.

1 Timoteo 6:1

An uni ñu mëëxuncë uni, ax Jesucristomi catamëcë ꞌixun ca an ñu mëëmicë uni ñuiquinma upíxuinshi ñu mëëxunti ꞌicën, unían Nucën Papa Dios ñuianan aín banaribi ꞌatimaquin ñuiti rabanan.

Josué 1:5

Uínbi ka uisaxunbi mibë ꞌakanankin mitsu kanantima ꞌikën, ꞌën kana Moisés ꞌasaribiokin, ꞌën kushínbi ꞌakianan uínsarabi ënkinma mi ꞌakinti ꞌain.

Josué 1:9

ꞌËn kana mi kain usa ꞌain kamina kushi sinani rakuë́tima ꞌain. Usa ꞌain kamina rakuë́kin kana ꞌaíma kixun sinántima ꞌain, min ꞌIbu Dios ꞌëx kana mibë uinu karamina kuani anubi ꞌiti ꞌain.

Josué 6:27

Usokin Nukën ꞌIbun ꞌakinkëxua Josuénën ñu ꞌaia ka ax ka kushiira uni ꞌikë kixun unin ñuia kamabi menu ꞌikë unin kuakëxa.

1 Samuel 16:18

Kakëxun ka an ñu mëëxunkë uni achúshitan kakëxa: —ꞌËn kana Jesé Belénnu tsókë aín bëchikë achúshinën upíokin arpa ꞌaia isan; ꞌimainun ka ax ꞌakánanti rakuëma ꞌianan, asérabi ax kikësabiokin ñu ꞌaia, usa ꞌikë ka Nukën ꞌIbun ꞌakinia.

1 Samuel 18:14

Usa ꞌain ka Nukën ꞌIbun ꞌakinkëbë kamabi Davidtan ꞌakë ñukama asábi ꞌiakëxa.

1 Samuel 18:28

Usakin ꞌinánkëxun ka Saúlnën Nukën ꞌIbun ka David ꞌakinia, usa ꞌikë ka ꞌën bëchikë Milcánën kuëënia kixun ꞌunánkëxa,

1 Samuel 3:19

Usa ꞌikë ka xura ꞌaish bërunania ënkinma ꞌakinkin Samuel ax kikësabiokin Nukën ꞌIbun ꞌakiankëxa.