Génesis 34:1 - Kashibo-Kakataibo Biblia

¹ Líamia Jacobnën bëchikë xanu xuntaku Dina ax ka achúshi nëtën Siquem kakë ëmanu ꞌikë abë xanu chipashkamabë isi kuankëxa;

Nukën 'Ibu Diosan ain unikama 'inan ain bana

¹ Líamia Jacobnën bëchikë xanu xuntaku Dina ax ka achúshi nëtën Siquem kakë ëmanu 'ikë abë xanu chipashkamabë isi kuankëxa;

Génesis 34:1 Iomraidhean Croise

Génesis 26:34

Usa ꞌain ka Esaú an cuarenta baritiañu ꞌixun Judit biakëxa, aín xanu ꞌinun ax ka Beerí kakë hitita ꞌain bëchikë xanu ꞌiakëxa. ꞌImainun ka bëtsi xanu Basemat kakë aribi biakëxa, ax ka Elón hitita uni aín bëchikë xanu ꞌiakëxa.

Génesis 27:46

Ësokin pain aín tuá katankëxun ka Rebecanën Isaac ësokin kakëxa: —ꞌËx kana ënë hitita xanu rabë́ Esaúnëa bia ënëbë tsóti atsan, usa ꞌain kana abë ꞌisamatanin. Jacobnën ribia achúshi hitita xanu Canaán ënua bikëbë karana ꞌëx uisari ënu tsóti ꞌain, kana ënu tsótima bamati ꞌain.

Génesis 28:6

Usa ꞌain ka Esaúnën aín papa Isaacnëan aín, xukë́n ꞌanáka Jacob a upíokin sinánxunkin mëníotankëxun Padán-aram anua aín xanu baritanun kixun xukë a ꞌunánkë ꞌiakëxa. ꞌImainun ka aín papan anu ꞌikë xanu bixuma ꞌanun kakë aribi sinánkëxa, upíokin sinánxunkian ënë Canaán menua kamina achúshira xanubi bitima ꞌain kixuan kakë aribi sinánkëxa,

Génesis 30:13

usakian bëchitëkëan ka Lía kiakëxa: ¡ꞌËx kana chúamarua tani kuëënin! Usa ꞌain ka xanu raíri kamaxribi ax ka ꞌitsaira kuëënia kiax kiti ꞌikën. Usa ꞌain ka ënë tuákën anë Aser kakë ꞌiti ꞌikën.

Génesis 30:21

Usokin nukëbënë okin pain tuapatankëxun ka, anuishi ñomëkin Lían xanu achúshi tuakëxa, a ka Dina kakin anëakëxa.

Génesis 33:20

Usa ꞌain ka anu ꞌixun basikëbëtan anuxun Dios rabiti achúshi ñu ꞌakëxa, ꞌatankëxun ka El-elohé-Israel kakin anëakëxa, (ax ka Israelnën a rabikë Dios ki kikë ꞌikën).

Génesis 46:15

Ënë kamax ka Lía bixúan Jacobnën ami bëchikëkama ꞌimainun aín bëchikë xanu achúshi Dina aribi ꞌiakëxa, ax ka Padán-aram, kakë me anu tsókëpan ꞌixuan bëchia ꞌiakëxa. Usa ꞌain ka kamabi aín rëbúnkinëx xanu ꞌimainun bëbu tupúnkëx ka treinta ꞌimainun tres uni ꞌiakëxa.

Jeremías 2:36

¿Uisa kupín kaina bëtsi unikamabë biranankatsi kixun bënë́kinshi sinanin? Usa ꞌaínbi ka Egipto menu tsókë unikaman ka mitsu ꞌakintima ꞌikën, Asiria menu tsókë unikaman mitsu ꞌakianmasa okin.

1 Timoteo 5:13

ꞌIanan ca usa xanux ñu mëëtisama tani chiquishi, bëtsi bëtsi xubunu atsínbëquinquin bana ñuibëquini niti ꞌicën. Nianan ca a ñuitima ñuribi ñuiti ꞌicën.

Tito 2:5

Ñu ꞌaisama ꞌacëma ꞌianan ca bëcántapun ꞌitima ꞌicën. ꞌIanan ca aín xubu upí oquin bërúancë ꞌianan upiti abë cananquin bëtsi xanu ꞌaquincë ꞌiti ꞌicën. Aín bënën bana ca cuati ꞌicën. Unínma Nucën Papa Diosan bana ca upíma ꞌicë quixun caia, usa ꞌain ca an aín bana cuacë xanucamax usai ꞌi upí ꞌiti ꞌicën.