Génesis 32:5 - Kashibo-Kakataibo Biblia

⁵ usa ꞌaish kana vaca, asno, ovejakama ꞌimainun, an ñu mëëxunkë uni ꞌimainun xanu an ñu ꞌaxunkë kamañu ꞌain. Ësokin kana mi kamin mixmi ꞌën xukë́n ꞌIbu ꞌikë, kupin min karamina ꞌë upíokin kuania biti ꞌai kixun mi kamin.”

Nukën 'Ibu Diosan ain unikama 'inan ain bana

⁵ usa 'aish kana vaca, asno, ovejakama 'imainun, an ñu mëëxunkë uni 'imainun xanu an ñu 'axunkë kamañu 'ain. Ësokin kana mi kamin mixmi 'ën xukë́n 'Ibu 'ikë, kupin min karamina 'ë upíokin kuania biti 'ai kixun mi kamin.”

Génesis 32:5 Iomraidhean Croise

Génesis 30:43

Usokin ñu ꞌai ka Jacob ax ꞌaisamaira ñuñu ꞌaish kuríkiñuira ꞌianan, an ñu mëëxunkë uni ꞌimainun an ñu ꞌaxunkë xanu ꞌimainun an ꞌarakakë ñuina ovejakama, camello ꞌimainun asno ñuinakama ainan ꞌitsaira ꞌiakëxa.

Génesis 31:16

Asérabi ka kamabi aín ñukama Nukën ꞌIbu Diosan nun papa bichianxa ax ka nunan ꞌimainun nun tuá kamanan ꞌiti ꞌikën. Usa ꞌain kamina kamabi Nukën ꞌIbu Diosan mi kakësabiokin ꞌati ꞌain.

Génesis 31:3

Usai ami ꞌikania iskin ka Nukën ꞌIbun Jacob kakëxa: Kamina kuantëkënti ꞌain min papan menubi, anua min aintsikama ꞌikë me anu, usai ꞌimi kuania kana ꞌën mi bërúanti ꞌain.

Génesis 33:11

ꞌËn kana mi ꞌinaishiti ñukama bëkë ënëmi binun mi kain Nukën ꞌIbu Diosan ka ꞌitsaira ñuñuira ꞌinun ꞌë ꞌimiaxa, usa ꞌain kana ñuñumama ꞌain. Ësakian Jacobnën ꞌuran kakëxun ka Esaúnën an ꞌinánkë ñuinakama biakëxa.

Génesis 33:15

—Kia ka asábi ka —Esaúnën kakëxa—, usa ꞌain kana ꞌën uni raíri ꞌëbëa ukë ënë mibë kuanun mi ënxunbianti ꞌain. ꞌAínbi ka Jacobnën katëkëankëxa: —Usama ka ¿ꞌItsaira kaina ꞌëmi sinan?

Génesis 33:8

Usai ꞌia ka Esaúnën ñukákëxa: —¿Uisokin sinánxunmi xukë kara ñuinakama a pain mi rëkuë́mikin xukë ꞌën iskë ax ꞌik? —Ax ka uisokin kaina min ꞌëmi sinanin unántisa tankin kana usokin an —kixun ka Jacobnën kakëxa.

Génesis 47:25

Kakëxun ka atun kakëxa: —Mix kamina nubë upí ꞌain usa ꞌixun kamina numin bamati ꞌikëbi nukama ꞌakian. Usa ꞌaish kananuna faraón tëmërakin ñu mëëxuni nukama ꞌiti ꞌain, kiax ka kanankëxa.

2 Samuel 16:4

—Asabi ka —kixun ka ꞌapun kakëxa—, usa ꞌain kana an usakin sinánkëbëtan mi Mefi-bóset aín me ꞌia kamabi mi ꞌinánti ꞌain. —¡Usa ꞌain kana bërími ꞌakësokinbi ꞌë ꞌapu ꞌixun ꞌakinti kuëënin! —kixun kai ka Sibá ami ñanati ꞌapumi ꞌiakëxa.

Lucas 12:45

Usa ꞌaínbi ca a unix ꞌatima sinánñu ꞌixun, an ꞌë ñu mëëmicë uni ca panatia quixun sinánquin abëtan ñu mëëcë uni raíri mëëanan xëai paë́nti ꞌicën.

Rut 2:2

Achúshi nëtën ka Rutnën aín ñe Noemí kakëxa: —ꞌË kaina an ñu ꞌapákë bikë unikaman bikin tëoia cebada ꞌapákë atu kaxú kuankin binun kara ꞌë bimitima ꞌikë istánun xutima ꞌain. Kixuan kakëxun ka asabika. —Kamina isikuanti ꞌain —kixun ain ñen kakëxa.

1 Samuel 1:18

Kakëxun ka asábi ka kixun Anan kakëxa: —Usakin kabiani ka Ana anúan ukë anunbi kuankëxa, kuanxun ka piakëxa, usai ka uínsaranbi masá nuitutëkëntimoi ꞌiakëxa.