Génesis 32:4 - Kashibo-Kakataibo Biblia

⁴ xukin ka ësokin katánun kakëxa: ꞌËn xukë́n apan Esaú kamina kati ꞌain: Min xukë́n Jacob ka ësokin mi kanun kiaxa: ꞌËx kana ꞌën kuku Labánbë ꞌitsa barin tsoókën,

Nukën 'Ibu Diosan ain unikama 'inan ain bana

⁴ xukin ka ësokin katánun kakëxa: 'Ën xukë́n apan Esaú kamina kati 'ain: Min xukë́n Jacob ka ësokin mi kanun kiaxa: 'Ëx kana 'ën kuku Labánbë 'itsa barin tsoókën,

Génesis 32:4 Iomraidhean Croise

Génesis 23:6

—¡Usama ka ꞌën ꞌIbu kamina! ꞌËn kakëxun kuati ꞌain. Mix kamina nubë ꞌikë uni ꞌain, usa ꞌaish kamina mix achúshi uni Nukën ꞌIbu Diosan kaískë ꞌain. Usa ꞌikë ka mi ꞌakinia ax kushiira ꞌixun usa ꞌain kamina min xanu ñukë a uinu ꞌikë ax kara upíira ꞌikë istankëxun anu mëníoti ꞌain, uinu ꞌikë unínbi ka ꞌanu ꞌaxuma ꞌanun kixun mi katima ꞌikën kamina ꞌati ꞌain.

Génesis 25:30

Ukin kakëxa: —ꞌË karamina min piti panshionkinmi ꞌakë tëxëra ꞌinántima ꞌain, kana numin bamatisa tanin. (Usa ꞌaish ka Esaú ax aín kuai anë Edom kakin anëkë ꞌiakëxa.)

Génesis 27:29

Usa ꞌikë ka ꞌaisamaira unin mi ñu mëëxunti ꞌikën; bëtsi menu ꞌikë unikamaxribi ka mi bëtánain rantinpuruni ꞌiti ꞌikën. Mix kamina min xukë́nkaman ꞌapu ꞌiti ꞌain; ¡Usa ꞌain ka atux mi bëmánon rantipuruni ꞌiti ꞌikën! Uin kara mi ꞌaisama oia ax ka ꞌatima okëribi ꞌiti ꞌikën, ꞌimainun ka uin kara mi upíokin sinánxunkin ꞌakinia axribi upiti bukui upíokin sinánxunkë ꞌiti ꞌikën.”

Génesis 27:37

Ësai kia ka aín bëchikë apan Isaacnën kakëxa: —Ka kuat, ꞌën kana kamabi ñu ꞌanuan kushi ꞌinánun Nukën ꞌIbu Dios Jacob ñukáxuan; usa ꞌain ka kamabi aín aintsikamax a ñu mëëxunkë ꞌiti ꞌikën, ꞌimainun ka an trigo ꞌapákë ꞌaisamaira ꞌianan ñu bimiñu aín baka xëati ꞌaisamairañu ꞌiti ꞌikën. ¿Añu karana ꞌën bërí mi ꞌinánti ꞌain ꞌën bakën?

Génesis 31:41

ꞌËx kana veinte baritia min xubunu ꞌiakën, ësai kana ꞌëx ꞌiakën: min bëchikë xanu rabë́ bixun kana catorce baritia mi ñu mëëxuankën; ꞌimainun kana min ñuinakama bërúankin mapai achúshi ꞌimainun achúshi baritia ñu mëakën; ꞌaínbi kamina usakin ꞌë kupíokatsi kixun ꞌë kupíoma ꞌain.

Génesis 32:18

kamina ësokin kati ꞌain: Ënëx ka mi ꞌinaishitia, ꞌën ñu mëëxunkë Jacobnën xukë ꞌikën, ꞌën ꞌIbu Esaú. Min xukë́n Jacob ax ka tsiankuatsini nu kaxú aia.

Génesis 32:5

usa ꞌaish kana vaca, asno, ovejakama ꞌimainun, an ñu mëëxunkë uni ꞌimainun xanu an ñu ꞌaxunkë kamañu ꞌain. Ësokin kana mi kamin mixmi ꞌën xukë́n ꞌIbu ꞌikë, kupin min karamina ꞌë upíokin kuania biti ꞌai kixun mi kamin.”

Génesis 33:14

Usa ꞌain kamina mix pain rëkuë́nkianti ꞌain; an mi ñu mëëxunti ënën ka munu kuankin aín ñuinakama ꞌimainun, uniakëkamaribi munu kuania ubamainun kamina kuanti ꞌain, usa ꞌain kananuna Seír kakë me ꞌikë anuax mërananti ꞌain.

Génesis 33:8

Usai ꞌia ka Esaúnën ñukákëxa: —¿Uisokin sinánxunmi xukë kara ñuinakama a pain mi rëkuë́mikin xukë ꞌën iskë ax ꞌik? —Ax ka uisokin kaina min ꞌëmi sinanin unántisa tankin kana usokin an —kixun ka Jacobnën kakëxa.

Génesis 36:8

Usa ꞌain ka Esaú ꞌikëbia aín kuai anë Edom kakë, ax anuax kuantankëx bashiñu me ami kikiani kuankë Seír kakë anu tsóti bërúakëxa.

Génesis 36:9

Ënëx ka Esaúnën rëbúnkinën anë kuënëokama ꞌikën, ꞌimainun edomitakaman chaitiokëkama axa bashi ami kikiani kuankë me Seír kakë anu tsókë a unikama ꞌiakëxa.

Génesis 4:7

Min upíokin ñu ꞌakin kamina upíokin sinántsian, ꞌaínbi kamina ꞌaiman, usa ꞌain ka min ꞌuchati ꞌuramara ꞌikën. Usa ꞌaínbi kamina min abi tënëkin ꞌatima ꞌain.

Éxodo 32:22

Kakëxun ka Aarónën kakëxa: —ꞌËmi kamina xuamati nishtima ꞌain. Minbi kamina ꞌunan ënë unikamax ka ꞌatima ñuishi ꞌati kuëënia.

Proverbios 15:1

Nishkë ꞌikëbia bëtsin sinanamikin kakë, an ka uni nishkëbi upí ꞌinun sinanamia; ꞌaínbi ka ꞌatimati banakin unin bëtsi atiaira nishnun ꞌimia.

Lucas 14:11

Usaribi oquin ca anbia rabíquin —ꞌëx cana cha ꞌai —quixun sináncë uni a Nucën Papa Diosan aín uni itsicamabëtan sënë́nmara ꞌimiti ꞌicën. ꞌImainun ca cha ꞌiti sinani rabícëma uni, a cuni Nucën Papa Diosan cha ꞌimiti ꞌicën.

1 Pedro 3:6

Usaribi oquin ca Saran aín bënë Abraham cuëëncësabi oquin ꞌanan aín bënë ꞌicëbi —ꞌën ꞌibu —cacëxa. Mitsúxribi ñu upíshi ꞌanan, Nucën Papa Diosmi catamëti, uisa ñu cara ꞌicëbëbi racuë́cëma ꞌaish camina Sara ꞌiásaribi ꞌiti ꞌain.

Jueces 5:4

Seír kakë me anuax chikíkiani mix kuankëbë ka me shaíkimainun naíkamë ꞌëo shaíkiakëxa, ꞌimainun ka naí kuin masákuatsinkë anuax ꞌuñe ꞌibúakëxa.