Génesis 32:3 - Kashibo-Kakataibo Biblia

³ Usokin ꞌatankëxun ka Jacobnën aín unikama kuënxun Seír kakë me anua kuantanun xuakëxa, xukin ka min xukë́n Jacob ka aia kixuan aín xukë́n apan Esaú chaniotanun kixun xuakëxa, ax ka Edom kakë me anu tsókë uni ꞌiakëxa,

Nukën 'Ibu Diosan ain unikama 'inan ain bana

³ Usokin 'atankëxun ka Jacobnën aín unikama kuënxun Seír kakë me anua kuantanun xuakëxa, xukin ka min xukë́n Jacob ka aia kixuan aín xukë́n apan Esaú chaniotanun kixun xuakëxa, ax ka Edom kakë me anu tsókë uni 'iakëxa,

Génesis 32:3 Iomraidhean Croise

Génesis 14:6

ꞌanan ka ꞌakánanti ꞌunairakëkamaribi abë ꞌakanankin abámikin Seír me anu ꞌikë bashikama anubi nuibiankin ꞌakëxa, usakian ꞌakëxa kuania ka me anua El-Parán ꞌikë anubi, nuibiankin ꞌakëxa, ax ka anu uni ꞌikëma me a rapasu ꞌiakëxa.

Génesis 25:30

Ukin kakëxa: —ꞌË karamina min piti panshionkinmi ꞌakë tëxëra ꞌinántima ꞌain, kana numin bamatisa tanin. (Usa ꞌaish ka Esaú ax aín kuai anë Edom kakin anëkë ꞌiakëxa.)

Génesis 32:11

Usa ꞌain kamina mix kikësabiokin ꞌakianan ꞌë ië́miti ꞌain, ꞌën xukë́n Esaúnën ꞌë ꞌati sinani kana rakuë́tin. ꞌImainun ka ꞌë ꞌakin xanukama ꞌimainun tuákamaribi ꞌati ꞌikën.

Génesis 32:7

Ësokian kakëxun kuati ka Jacob ꞌitsaira rakuë́kin, masá nuitukin sinánkëxa. Sinánkin ka rabë́ tsaman ꞌinun aín unikama amorabë́ sëtënakëxa, ꞌanan ka an ꞌarakakë ovejakama vaca ꞌimainun camello akamaribi usaribi okin amo rabë́ sëtënakëxa,

Génesis 33:14

Usa ꞌain kamina mix pain rëkuë́nkianti ꞌain; an mi ñu mëëxunti ënën ka munu kuankin aín ñuinakama ꞌimainun, uniakëkamaribi munu kuania ubamainun kamina kuanti ꞌain, usa ꞌain kananuna Seír kakë me ꞌikë anuax mërananti ꞌain.

Génesis 33:16

Usa ꞌain ka Esaú a nëtënbi, Seír kakë me anu kuantëkëankëxa.

2 Reyes 6:17

Ësokin katankëxun ka Eliseonën Dios ësokin abë banakin kakëxa: “ꞌËn kana ësokin mi ñukatin, ꞌËn ꞌIbu an ꞌë ñu mëëxunkë uni kamina bërí min ismiti ꞌain.” Kixun kakëxun ka Diosan Eliseo an ñu mëëxunkë uni ismiakëxa, ismikëxun ain bashikama anua Diosan suntárukaman tsi rëkirukësa ꞌixun bëararakë isakëxa.

Malaquías 3:1

Nukën ꞌIbu kamabi kushiñu ax ka ësai kia: “ꞌËn kana an ꞌën bana ñuiti uni xutin, usa ꞌixun ka unikama ꞌën bana ñuixunkëx bai mëniokësa ꞌitánun sinanamikin ñuixunti ꞌikën. Nukën ꞌIbu Dios ami mitsun kainkë ax ka ënuax basimashi anuxun a rabiti xubunu bëbati ꞌikën. ¡A mitsun kainkë uni ax ka uisai kikë kara achúshi ñu ꞌakë kikë bana ax ꞌikë kixun, anbi mitsu ñuixuni aia!”

Números 24:18

ꞌAnan ka Edom menu ꞌikë unikamaribi ꞌati ꞌikën, ꞌakin ka anua axa ami nishkë unikama tsókë Seír kakë me aribi ꞌibuakin biti ꞌikë, usakin Israel unibunën ꞌaia ka bëtsi menu ꞌikë unikaman kuati ꞌikën.

Lucas 9:52

Cuanuxun ca uni raíri anpan rëcuë́nquiani cuanun xuacëxa. Xucëx cuanx Samaria menu ꞌicë ëma achúshinu bëbaxun ca uinu cara Jesús aín ꞌunánmicë unicamabë ꞌuxti ꞌicë quixun bariacëxa.

Deuteronomio 1:2

Aín bashi Sinaí anuax kuantankëx Cadés-barnea kakë anu bëbai kuani kuanti ka mapai rabë́ ꞌimainun achúshi nëtë niti ꞌiakëxa, ax ka anun Seír kakë me ꞌikëbia Edom kakinribi anëkë me anu kuanti bai a ꞌiakëxa.

Josué 24:4

ꞌamikëxun ka aín bakë bëchikë Isaacnën Jacob ꞌimainun Esaú a rabë́ pain bakë bëchiakëxa. Usoxun kana Esaú Seír kakë me anu tsónun ꞌinánkën, ꞌinámainun ka Jacobnëx aín bakë bëchikëkamabë Egipto kakë menu tsóti kuankëxa.