Génesis 32:10 - Kashibo-Kakataibo Biblia

¹⁰ ꞌëx kana upíma ꞌain minmi ꞌë bërúanan upíokin ꞌakinkë ꞌaínbi. ꞌËx kana Jordán kakë baka ënë, añu ñubi bëíma ꞌën tsatishi tuianx min kakëx sikákën, ꞌaínbi kana bërí ꞌaisamaira ñuina ꞌarakakëñu ꞌimainun an ꞌë ñu mëëxunkë uniñu ꞌain, akamax ka rabë́ ëmanu ꞌikë unisa ꞌikën.

Nukën 'Ibu Diosan ain unikama 'inan ain bana

¹⁰ 'ëx kana upíma 'ain minmi 'ë bërúanan upíokin 'akinkë 'aínbi. 'Ëx kana Jordán kakë baka ënë, añu ñubi bëíma 'ën tsatishi tuianx min kakëx sikákën, 'aínbi kana bërí 'aisamaira ñuina 'arakakëñu 'imainun an 'ë ñu mëëxunkë uniñu 'ain, akamax ka rabë́ ëmanu 'ikë unisa 'ikën.

Génesis 32:10 Iomraidhean Croise

Génesis 18:27

Usakian kakëxun ka Abrahamnën amiribishi katëkëankëxa: —ꞌËn ësokin mi kakëxun kamina ꞌë uisabi otima ꞌain, mix kamina Nukën ꞌIbu Dios ꞌimainun kana ꞌëx achúshi unishi ꞌain;

Génesis 24:12

usai anu bukuxun iskëxbia xanukama ukëbëtan ka Nukën ꞌIbu abë banakin kakëxa: ꞌËn ꞌIbu ꞌimainun ꞌën ñu mëëxunkë uni Abraham aín Dios kana ësokin mi ñukatin, usa ꞌain kamina bërí ꞌën ꞌati ñukama upí ꞌinun ꞌë ꞌakinti ꞌain, ꞌimainun kamina ꞌën a ñu mëëxunkë uni aribi nuibakin upíokin ꞌakinti ꞌain.

Génesis 24:27

asabi ka kakin: ¡ꞌËn ꞌibu Abraham aín Dios, ax ka abë upí ꞌianan a nuibakë ꞌixun ꞌëx aín aintsikaman xubunu bëbanun ꞌë bërúanxun bëaxa kiax kiakëxa!

Génesis 28:13

Usakin namákin isanan ka Nukën ꞌIbu a rapasu nixun ësokin kakëxun kuakëxa: ꞌËx kana min ꞌIbu ꞌain, ꞌianan kana min xuta Abraham aín Dios ꞌianan min papa Isaac ainanribi ꞌain. Usa ꞌixun kana mi ꞌimainun min rëbúnkikama anumi ꞌuxi rakákë me ënë ꞌinánti ꞌain.

Génesis 28:15

ꞌËx kana mibë ꞌain; usa ꞌixun kana uinu kaina kuani anuabi ꞌën mi bërúanti ꞌain, usa ꞌixun kana amiribishi ënë menubi mi bëtëkënti ꞌain. Mi kana usai ꞌia ꞌën kakësabiokin ꞌaxuntankëxuma ëntima ꞌain.

Génesis 30:43

Usokin ñu ꞌai ka Jacob ax ꞌaisamaira ñuñu ꞌaish kuríkiñuira ꞌianan, an ñu mëëxunkë uni ꞌimainun an ñu ꞌaxunkë xanu ꞌimainun an ꞌarakakë ñuina ovejakama, camello ꞌimainun asno ñuinakama ainan ꞌitsaira ꞌiakëxa.

Génesis 31:3

Usai ami ꞌikania iskin ka Nukën ꞌIbun Jacob kakëxa: Kamina kuantëkënti ꞌain min papan menubi, anua min aintsikama ꞌikë me anu, usai ꞌimi kuania kana ꞌën mi bërúanti ꞌain.

Génesis 32:5

usa ꞌaish kana vaca, asno, ovejakama ꞌimainun, an ñu mëëxunkë uni ꞌimainun xanu an ñu ꞌaxunkë kamañu ꞌain. Ësokin kana mi kamin mixmi ꞌën xukë́n ꞌIbu ꞌikë, kupin min karamina ꞌë upíokin kuania biti ꞌai kixun mi kamin.”

Génesis 32:7

Ësokian kakëxun kuati ka Jacob ꞌitsaira rakuë́kin, masá nuitukin sinánkëxa. Sinánkin ka rabë́ tsaman ꞌinun aín unikama amorabë́ sëtënakëxa, ꞌanan ka an ꞌarakakë ovejakama vaca ꞌimainun camello akamaribi usaribi okin amo rabë́ sëtënakëxa,

2 Samuel 17:24

Absalón Israel unikamabë nuibiani kuani, Jordán baka sikarakëmainun ka David aín unikamabë kuantakëx achúshi ëma upiokin bëararakin kënëkë Mahanaim anu bëbakëxa.

2 Samuel 7:18

Usakian ñuixunkë anu atsíanx abë banati ꞌakë anu atsíanx abë banakin ka, Davidtan Dios kakëxa: ꞌËn ꞌIbu Dios kushiira, ¿ui karana ꞌëx ꞌain, ꞌën aintsi ꞌibukamaribi ka ñuma ꞌikë unin isia, usa ꞌaínbi kaina uisaxun ꞌë ꞌapu ꞌinun ꞌimian?

Salmos 16:2

ꞌËn kana mi kan: Mix kamina ꞌën Dios ꞌain usa ꞌixun kamina min ꞌë upí ꞌimin; usa ꞌain ka min ꞌakinkësaribi okin an ꞌë ꞌakinti bëtsi ñu ka ꞌaíma ꞌikën.

Salmos 8:5

Nukama kamina mi ꞌiskësaribi ꞌitánun uniokën, ꞌanan kamina ꞌapu ꞌakësaribi okin nu bërúankën.

Salmos 84:7

usai anun kuani ka atux atiainra kushiñuira ꞌikanti ꞌikën, ꞌianan ka Jerusalénnu bëbakin anuxun a rabiti anua Dios kushiira a isti ꞌikën.

Isaías 6:5

Usakin ꞌaia iskin sinani kana ësai kian: “¡Uisai karana ꞌiti ꞌain, bërí sapi kana bamati ꞌain! ꞌËnbi kana ꞌapu ꞌaish kamabi kushiñu Dios a isan; ꞌëx kana achúshi uni ꞌën kuëbitan ꞌatimati banakë ꞌimainun, kana achúshi ëma ꞌatimati banakë unikama nëbëtsi tsotin.”

Isaías 63:7

ꞌËn kana ñuitisa tanin uisakin kara Nukën ꞌIbun nu nuibatia kixun, ꞌianan kana a rabi kantatisa tanin, kamabi ñu an nukama ꞌaxunkë a kupín, an ka Israel ꞌaintsikama ꞌitsaira nu nuibakin, ax nuibanankëira ꞌixun usakin ꞌaxa usa ꞌain, axëshi nuibanankë a ꞌikën.

Miqueas 7:20

¡ꞌËn ꞌIbu mix upí ꞌixun nu nuibakin kamina bërámami nun chaitiokëkama Abraham ꞌimainun Jacob kásabiokin nuribi ꞌakinti ꞌain!

Lucas 17:10

Usaribi oquin Nucën Papa Diosan a ꞌanun mitsu cacë ñu ꞌatancëx camina mitsux raíribë ësai cananti ꞌain: “Cananuna an nu ꞌamicëxun ꞌati ñucamaishi ꞌan. Usa ꞌaían Nucën Papa Diosan ꞌaisamaira oquin nu rabitima ca asábi ꞌicën”.

Lucas 5:8

Usoquian ꞌaia isi ratúquin ca Simón Pedronën aín bëmánon rantin purúnquin —ꞌëx cana ꞌuchañu uni ꞌain. Usa ꞌain camina ꞌë ëbiani cuanti ꞌai —quixun Jesús cacëxa.

2 Corintios 12:11

Mitsúnmi ꞌë rabicëma cupí cana sinánñuma uni banacësari rabiacan. Mitsúxira ꞌë rabi upiti banatisa ꞌixunbi camina —Pablosamaira ꞌaish ca an Pablo ñuicë unicama ënëx Nucën Papa Diosan uni ꞌicë —quixun sinánan ꞌën bana isa ñancáishi ꞌicë quixun sinánquin a unicaman mitsu ñuixuncë bana cuacanin. Usaquinmi mitsun sináncëbëbi cana ꞌëx a unicama meuma ꞌain, ꞌënbi ꞌaquinma, Nucën Papa Diosan aín cushin ꞌamicëxuinshi ꞌën ꞌacë cupí.

Deuteronomio 8:18

Usa ꞌain kamina mitsun Diosmishi sinánti ꞌain, an ka kushi okin mitsux mi kamabi ñu binux kushinun mitsu ꞌimiaxa, ꞌimikin ka ax kikësabiokin achúshiñu nukën chaitiokë kamabëtan ꞌasaribiokin ꞌaxa.

1 Pedro 5:5

Usaribi oquin cana bëná unicama ësaquin cain, mitsun cushicaman bana camina timaquinma cuati ꞌain: Nucën Papa Dios ca unia rabíti cuëënima. Usa ꞌixunbi ca axa rabícëma unicama nuibaquin ꞌaquinia. Usa ꞌain camina —ꞌëx cana bëtsi unisamaira ꞌai —quixun sinanima camáxbi bëtsin sináncësaribi oquin sinani upiti ꞌësëananti ꞌain.