Génesis 3:18 - Kashibo-Kakataibo Biblia

¹⁸ ꞌIanan ka menu ñu muxañu tubënrui ꞌirunuxun ꞌaia, ꞌimainun kamina barixun ninu ꞌikë ñukamabi piti ꞌain.

Nukën 'Ibu Diosan ain unikama 'inan ain bana

¹⁸ 'Ianan ka menu ñu muxañu tubënrui 'irunuxun 'aia, 'imainun kamina barixun ninu 'ikë ñukamabi piti 'ain.

Génesis 3:18 Iomraidhean Croise

Génesis 3:17

Ësakin xanu katankëxun ka bëburibi kakëxa: —Min kamina min xanun kakëxun kuan. Usa ꞌixun kamina a pixunma ꞌanun ꞌën mi kakë i bimi a pian, ënë pixunma ka ꞌat ꞌën kakëxunbi, usa ꞌain ka bërí me ꞌaisama min ꞌucha kupí ꞌiti ꞌikën; usa ꞌain kamina ꞌitsaira ñu mëëkin menu ñu ꞌapáxun anun mix bamati nëtë ꞌitámainun pinuxun ꞌain.

Génesis 3:19

Min nichakin ꞌitsaira ñu mëëtankëxun kamina pinuxun ꞌain, me ꞌakë kamina ꞌain, usa ꞌain kamina anúnmi me ꞌitëkënti ꞌitámainun ñu menuxun ꞌain, me ꞌakë kamina ꞌain, usa ꞌaish kamina me ꞌitëkënuxun ꞌain.

Job 1:21

Usai ꞌika ësai kiakëxa: —Ñuñu kana ënë menu ꞌëx bakë́anma ꞌain, usa ꞌain kana ñukin ënë menu ꞌikë ꞌën ñukama uantima ꞌain, usa ꞌain kana ënë menubi ꞌën ñukama ëbiani ñuti ꞌain, Diosan ka kamabi ꞌën ñukama ꞌë ꞌinánkëxa, usa ꞌixun ka anbi ꞌën ñukama kamabi ꞌë bikuantëkëanxa; ¡Nukën ꞌIbu Dios ax ka ꞌupiokin rabikë ꞌiti ꞌikën!

Job 31:40

¡ꞌën menu ꞌapákëxbi trigo ꞌiruima muxa ꞌiruti ꞌikën, ꞌianan ka cebada ꞌapákëxi ꞌiruima xubi ꞌatima ꞌiruti ꞌikën! Ësai kikin ka Jobnënribi aín ꞌunánkë unikama kakin sënëonkëxa.

Job 5:5

ꞌImainun ka atun ñu ꞌapakëkamaribi pitiñuma axa numin ꞌi bukukë unikaman aín inuabi bixun pikania, usakin ꞌamainun ka an bëtsin ñuishi kuëënkë unikama atux ñuñuira ꞌikëbë ami nutsia.

Salmos 104:2

ꞌianan kamina tirítan pëkakë chupan rabumëkësaira ꞌain. ¡Min kamina chupa pëninkësa usa okinshi naí kamë ꞌëo uniokën!

Salmos 90:3

Usa ꞌain ka mixmi unix ka me putu ꞌakë ꞌaish me ꞌitëkënun ꞌimin; usai ka unix ñui me ꞌitëkënia:

Proverbios 22:5

An ñu ꞌatimashi ꞌati sinánkë unikama aín tsóti ax ka anu ñu pakëti unin unëkin ꞌakë usarabi ꞌikën; ꞌaínbi ka axa bërúankati nikë uni ax añu ꞌati kuëënima.

Isaías 32:13

Usai ꞌimainun ka anu ꞌëx ꞌikë menua ꞌikë ꞌën ëmanu xubi muxañu ꞌimainun me ꞌatima ꞌiti ꞌikën, usai ꞌikëbë ka anuaxa unikama kuëënkë xubu ëmanu ꞌikë anuribi muxa kóti ꞌikën.

Isaías 5:6

usokin ꞌaxun kana rakanti ꞌain. Rakanxun kana chuku ꞌiruiabi mëníokin ëchimitima ꞌain, usokëx ka muxa ꞌirumainun chuku ꞌaisamaribi anu ꞌiruti ꞌikën. Usokin ꞌatankëxun kana nëtë kuínuaxa, ꞌuí a chabói ꞌibúnun ꞌimitima ꞌain.

Isaías 7:23

A nëtë́an a menu naëoxun mil uvas i ꞌapákë ax ka mil kuríki manë ꞌakë aín kupí ꞌiakëxa, usa ꞌaínbi ka bërí a menu muxaishi ꞌimainun ꞌaisama me ꞌiti ꞌikën.

Isaías 7:24

Usa ꞌain ka a menu uni aín kanti ꞌimainun aín piakama buani ñu ꞌoíshi anu kuanti ꞌikën, a mexa muxa ꞌirui ni tubënrukë ꞌain.

Mateo 13:7

Raírinëx ca muxañu menu nipacëaxa. Nipacëax coi ca ꞌiruaxa. ꞌIruxunbi ca muxan abë coquin mapurucëxun tuacëma ꞌicën.

Romanos 14:2

Bëtsi bëtsi unin ca uisa ñux cara piti ꞌicë, a cananuna ꞌaisa tanquin piti ꞌai quixun sinánquin usaquin piia. Bëtsi bëtsi unin ca camabi ñu piti ca asábi ꞌicë quixun ꞌunánquinma nami piquinma bëtsi ñuishi piia.

Hebreos 6:8

Usa ꞌaínbi ca bëtsi me camabi ñu ꞌatima, muxa, chucu, acama anu coi canicëbë anu upí ñu ꞌiruima. Usa ꞌaish ca Nucën Papa Diosan iscëx a me ꞌaisama ꞌicën. Usa ꞌicë ca aín ꞌibun axa corucë ñucama nëënia.