Génesis 3:16 - Kashibo-Kakataibo Biblia

¹⁶ Usakin runu katankëxun ka Nukën ꞌIbu Diosan xanuribi kakëxa: —ꞌËn kana min tuia chaiira paë tanimi bakënun ꞌimiti ꞌain, paën kamina bakënuxun ꞌain. ꞌAínbi kamina usai ꞌibi min bënëbë ꞌinuxun ꞌain, ꞌianan kamina, an kakësabiokin ꞌati ꞌain.

Nukën 'Ibu Diosan ain unikama 'inan ain bana

¹⁶ Usakin runu katankëxun ka Nukën 'Ibu Diosan xanuribi kakëxa: —'Ën kana min tuia chaiira paë tanimi bakënun 'imiti 'ain, paën kamina bakënuxun 'ain. 'Aínbi kamina usai 'ibi min bënëbë 'inuxun 'ain, 'ianan kamina, an kakësabiokin 'ati 'ain.

Génesis 3:16 Iomraidhean Croise

Génesis 4:7

Min upíokin ñu ꞌakin kamina upíokin sinántsian, ꞌaínbi kamina ꞌaiman, usa ꞌain ka min ꞌuchati ꞌuramara ꞌikën. Usa ꞌaínbi kamina min abi tënëkin ꞌatima ꞌain.

Isaías 53:11

Usai pain ꞌitsaira tëmëratankëxun ka asérabi kana Diosan kakësabiokin ꞌan kixun ꞌunani kuëënti ꞌikën; usa ꞌain ka Nukën ꞌIbun ka upí ꞌixun ꞌitsaira uni ië́miti ꞌikën, ꞌianan ka unikama ꞌatima ñu ꞌai ꞌuchakë kupín ainansa ꞌain, anun tëmërati ꞌikën.

Jeremías 6:24

Jerusalénnu tsókë unikamax ka ësai kia: Nun kananuna axa numi nishkë unikamaxa nu ꞌai unux mëníokakë a bana kuan, usa ꞌain kananuna a bana kuax rakuë́ti kushiñumasa tanin; usa ꞌain kananuna ꞌitsaira tëmërai xanuxa aín tuá bakënux paë tani tëmërakë usaribiti ꞌin.

Juan 16:21

Anúan bacë́nti nëtën ca xanu paë tani bënëtia. Usa ꞌaínbi ca nanipacëtancëxun aín tuáratsu isi —cana bacë́an —quixun sinani cuëëni, chuámashi tanquin, bëráma paë tancë a manuia.

1 Corintios 11:3

Ënë banaribi cana mitsúnmi ꞌunánun ësaquin mitsu cain, Cristonën aín Papan bana cuacësaribi oquin ca camabi unin Cristonën bana cuati ꞌicën. Usaribi oquin ca camabi xanun aín bënën bana cuati ꞌicën.

1 Corintios 14:34

Axa Jesucristomi catamëcë unicama timë́cë ꞌain ca xanu banatima ꞌicën. Usa ꞌixun ca bëbu uníxa banaiashi cuati ꞌicën, Nucën Papa Diosan bana cuënëo quicësabi oquin.

1 Corintios 7:4

Xanux ca axëshima ꞌicën, ax ca aín bënënanribi ꞌicën. Usaribiti ca uni axëshima ꞌicën, ax ca aín xanunanribi ꞌicën.

Colosenses 3:18

Asérabia ax Nucën ꞌIbu Jesucristomi sináncë xanux ca aín bënë́an cacëxun cuati ꞌatimaquin sinanima abë upíshi ꞌiti ꞌicën. Bënëñu xanucama, mitsux camina usai ꞌiti ꞌain.

1 Tesalonicenses 5:3

Axa Jesucristomi sináncëma unicamaxa: “Chuámashi cananuna bucuin, uisa ñunbi ca nu uisotima ꞌicë” quicëbëbi ca anúan cëñúcanti nëtë atun sináncë ꞌaímabi unuxun ꞌaia. Xanu tuñunën ca anúan ax bacë́nti nëtë sënéncëbëtan paë taníma ꞌima. Usaribiti ca axa usai banacë unicama anúan cëñúti nëtëa ucëbë ië́tima ꞌicën.

1 Timoteo 2:13

Nucën Papa Diosan ca uni achúshi, Adán, a pain uniotancëxun xanu achúshi, Eva, aribi uniocëxa.

1 Timoteo 2:15

Usa ꞌaínbi ca uinu ꞌicë xanun cara tuáñu ꞌianan Jesucristomi catamëcë ꞌixun, bëtsibë nuibananquin upí sinánñu ꞌixun ꞌatima ñu sinánquinma, tuáñu xanúan ꞌati ñucama upí oquin ꞌaia, a xanux Nucën Papa Diosan upí oquin ꞌaquincë ꞌiti ꞌicën.

Tito 2:5

Ñu ꞌaisama ꞌacëma ꞌianan ca bëcántapun ꞌitima ꞌicën. ꞌIanan ca aín xubu upí oquin bërúancë ꞌianan upiti abë cananquin bëtsi xanu ꞌaquincë ꞌiti ꞌicën. Aín bënën bana ca cuati ꞌicën. Unínma Nucën Papa Diosan bana ca upíma ꞌicë quixun caia, usa ꞌain ca an aín bana cuacë xanucamax usai ꞌi upí ꞌiti ꞌicën.