Génesis 27:4 - Kashibo-Kakataibo Biblia

⁴ ꞌAbëtsinxun kamina nëishokin ꞌarubëtsinkin, uisakin ꞌarukë karana písa tani usakin ꞌabëtsinkin ꞌë bëxúnti ꞌain. Usokin ꞌabëtsinkin bëkë pitankëxun ñukëmapain ꞌixun kana mi upíokin sinánxunti ꞌain.

Nukën 'Ibu Diosan ain unikama 'inan ain bana

⁴ 'Abëtsinxun kamina nëishokin 'arubëtsinkin, uisakin 'arukë karana písa tani usakin 'abëtsinkin 'ë bëxúnti 'ain. Usokin 'abëtsinkin bëkë pitankëxun ñukëmapain 'ixun kana mi upíokin sinánxunti 'ain.

Génesis 27:4 Iomraidhean Croise

Génesis 14:19

Upíokin sinánxunkin Abram ësokin kakëxa: Mi ka Nukën ꞌIbu Dios naí manámi ꞌikë an naí ꞌimainun mekama unio an ꞌupiokin sinánxunti ꞌikën;

Génesis 24:60

Usai kuania ka Rebeca upíokin sinánxunkin ësokin kakëxa: “Nukaman chirabakë, ¡min rëbúnkinëx ka ꞌaisamaira tupuntisama ꞌiti ꞌikën! ¡usa ꞌixun ka min rëbúnki kaman axa ami nishkë unikama abámikin ꞌatankëxun atun ëmakama biti ꞌikën!”

Génesis 27:14

Kakëx kuanxun ka Jacobnën cabra bërí kanikë rabë́ bitsínkin aín tita bëxúankëxa. Bëxunkëxun ka aín titan piti nëishira ꞌinun upíokin ꞌaruxuankëxa, usakin ꞌarukëa Isaacnën pisatankë usakinbi ákëxa,

Génesis 27:17

usakin ꞌatankëxun ka aín titan piti nëish okin ꞌakë a ꞌimainun pánribi ꞌinánkëxa.

Génesis 27:19

—ꞌËx kana Esaú, min rëkuë́n bëchikë a ꞌain —kixun ka Jacobnën aín papa kakëxa—. ꞌËmi ꞌanun kakë kana mi ꞌaxun bëxuan. Usa ꞌain kamina; nirutankëxun ꞌën ꞌabëtsinkë ñuina nami piti ꞌain, pitankëxun kamina ꞌë min upíokin sinánxunkin kati ꞌain.

Génesis 27:23

Usai ꞌikë ka Isaacnën ꞌunánma ꞌikën, ꞌunánkima ka aín pëñanu aín rani ꞌitsa ꞌikë, aín xukë́n apan Esaúnën pëñansa ꞌikë tankëxa. ꞌAínbi ka upíokin sinánxunuxun pain,

Génesis 27:25

Ësokian kakëxun ka aín papan Jacob kakëxa: —ꞌËn bakë bëchikë, pinun kamina mi ꞌabëtsinkë ñuina nami ꞌarukë ꞌë ꞌinánti ꞌain, a pitankëxun kana mi upíokin sinánxunkin kati ꞌain. Usa ꞌain ka mëtëxtankëxun pinun aín papa ꞌinánkin Jacobnën, uvas baka ꞌakë aribi ꞌinánkëxa. ꞌInánkëxun ka Isaacnën pianan xëakëxa,

Génesis 27:27

Ësokin kakëx bëtsuku kanux a ꞌurama oi tsóbutia ka Jacobnën chupa Isaacnën xëakëxa. Xëkin ka ësokin kakin upíokin sinánxuankëxa: “Ënë chupan ꞌishax ka ꞌën bëchikënan ꞌaish. Abë ninu nikë ꞌishasa ꞌikëa, Nukën ꞌIbu upíokin sinánxunkë ꞌiti ꞌikën.

Génesis 27:31

Utankëxun ka anribi ñuina nami nëish okin ꞌaruakëxa, ꞌarubëtsinkin bëxun ka aín papa ësokin kakëxa: —Papan kamina niruti ꞌain, nirukin kamina min bëchikënëan ꞌabëtsinkin bëxun mi ꞌaruxunkë nami ënë piti ꞌain, pitankëxun kamina min upíokin sinánxunkin ꞌë kati ꞌain.

Génesis 27:5

ꞌAínbi ka ësokian kaia ax anu ꞌixun Rebecanën uisakin karaisa Isaacnën Esaú kaia kixun kuakëxa. Usakian aín papa kakëxa, ninu ñuina barixuni kuankëbëtan ishi ka,

Génesis 27:7

Ñuina ꞌatankëxun kamina nëishokin, uisa okin ꞌarukë karana písa tani usakin ꞌarubëtsinkin ꞌë pinun bëxúnti ꞌain, usakin ꞌakë pitankëxun kana Nukën ꞌIbu ismainunbi ñukëmapain ꞌixun mi ꞌupiokin sinánxunti ꞌain.

Génesis 27:9

Kamina anua ñuina ꞌarakakëkama ꞌikë anu kuanxun, cabra bërí kanikë, aín upí rabë́ kaisbëtsinkin ꞌë bëxúnti ꞌain; ꞌën kana min papa ax kuëënkësa okin, pinun nëish okin ꞌaruxunti ꞌain kixun ka aín titan kakëxa.

Génesis 28:3

Usa ꞌain ka Nukën ꞌIbu Dios kamabi kushiñu an mi upíokin sinánxunkin min rëbúnkinëxa ꞌaisamaira ꞌia timënun ꞌimiti ꞌikën, ꞌimianan ka min rëbúnki kamanuax ꞌaisamaira ëma ꞌai uni ꞌuakamë ꞌëoti ꞌikën.

Génesis 48:9

—Ënëx ka ꞌën bëchikë rabë́ Nukën ꞌIbu Diosan Egipto me ënuxun ꞌë ꞌinánkë ꞌikë —kixun ka Josénën kakëxa. Ësakian kakëxun ka aín papan kakëxa: —ꞌË ꞌurama kamina min bëchikë bëti ꞌain, ꞌën kana Dios an ꞌë sinánxuan usaribi okin upíokin sinánxunti ꞌain.

Génesis 49:28

Ënëkamax ka mapai rabë́ ꞌimainun rabë́ ñaká Jacobnën bakë bëchikëkama ꞌiakëxa, usa ꞌikë ka aín papan achúshi achúshi upíokin sinánxunkin kakëxa.

Lucas 2:34

Sináncasmaiabi ca Simeónën acama Nucën Papa Dios ñucáxuntancëxun Jesusan tita, María, cacëxa: —Ënë tuá cania aín bana cuaisama tani ca ꞌitsaira Israel uni Nucën Papa Diosbë upíma ꞌiti ꞌicën. Usai ꞌicëbëbi ca ꞌitsa uníxribi aín bana cuati abë upíira ꞌiti ꞌicën. Uisai cara Nucën Papa Dios cuëënia quixuan unicaman ꞌunánun xucë ꞌaínbi ca ꞌitsa unix aín bana cuati cuëënima a ñui ꞌatimati banati ꞌicën.

Lucas 24:51

Usaquin ñucáxuntancëxun acama ëbiani ca anua Nucën Papa Dios ꞌicë anu cuancëxa.

Hebreos 11:20

Usa ꞌain ca Isaacnënribi, —Nucën Papa Diosan ca aín quicësabi oquin ꞌati ꞌicë —quixun ꞌunánquin, aín bëchicë rabë́, Jacob ꞌimainun Esaú, —Nucën Papa Diosan ca an ꞌë cacësabi oquin mitsu ꞌaquinti ꞌicë —quixun caquin atu Nucën Papa Dios ñucáxuancëxa.