Génesis 26:3 - Kashibo-Kakataibo Biblia

³ usa ꞌain kamina ënë menu pain tsóti ꞌain. ꞌËx kana mibë ꞌiti ꞌain ꞌimainun kana mi upíokin sinánxukin mi ꞌimainun min rëbúnki kamaribi ënë mekama ꞌinánti ꞌain. Usakin kana ꞌën min papa Abraham kásabiokin ꞌati ꞌain.

Nukën 'Ibu Diosan ain unikama 'inan ain bana

³ usa 'ain kamina ënë menu pain tsóti 'ain. 'Ëx kana mibë 'iti 'ain 'imainun kana mi upíokin sinánxukin mi 'imainun min rëbúnki kamaribi ënë mekama 'inánti 'ain. Usakin kana 'ën min papa Abraham kásabiokin 'ati 'ain.

Génesis 26:3 Iomraidhean Croise

Génesis 12:7

A menuax ami mërakin ka Nukën ꞌIbun Abram kakëxa: Ënë me kana min rëbúnkikama ꞌinánti ꞌain. Usakian kakëxun ka Abramnën achúshi anuxun Nukën ꞌIbu asábi ka kixun kati maxax bukunrukin ꞌakëxa, anuaxa ami mërakë kupí.

Génesis 13:15

ꞌën kana kamabi me min iskë ënëkama mi ꞌinánti ꞌain, ax ka minan ꞌianan xënibua ꞌaínbi min rëbúnki kamanan ꞌiti ꞌikën.

Génesis 13:17

¡Usa ꞌain kamina bërí nirukiani kuanxun ꞌën mi ꞌinánuxun kakë me a pain isi kuanti ꞌain, iskin kamina aín chaxkë́ ꞌimainun aín pampa, akama pain isikuanti ꞌain akama kana mi ꞌinánti ꞌain!

Génesis 15:18

Usa ꞌain ka a nëtënbi Nukën ꞌIbun Abrambëtan achúshi ñu ꞌakin kakëxa: —Ënë mekama kana min rëbúnkikama ꞌinánti ꞌain, Egipto bakamiaxa ukë me anuax ꞌimainun baka chaiira Éufrates kakë anu sënë́nbi kana ꞌinánti ꞌain.

Génesis 17:19

Kakëxun ka Nukën ꞌIbu Diosan kakëxa: —ꞌËn mi kakë ax ka ësakin mi kakë ꞌiaxa min xanu Sara ax ka achúshi bëbu tuá bakënti ꞌikën, bakënia kamina min a tuá Isaac kakin anëti ꞌain. Abëtan kana ꞌën achúshi ñu asérabi ꞌati ꞌain, ax ka xënibua ꞌaínbia sinánun aín rëbúnki kamabëtan ꞌakë ꞌiti ꞌikën.

Génesis 17:8

Mi ꞌimainun min rëbúnkikama kana kamabi Canaán me anumi bërí tsókë ënë ꞌinánti ꞌain, ax ka min rëbúnki kamaxa xënibua ꞌaínbi anu tsóti ꞌikë ꞌimainun kana ꞌëx atun Dios ꞌiti ꞌain.

Génesis 20:1

Usa ꞌain ka anu pain ꞌikë me anuax Abraham Négueb kakë me, ami kikiani kuankëxa, kuantankëx ka Guerar kakë ëma ꞌimainua Cadés kakë ëman nëbëtsiokë me aín rëbumi ꞌikë me anu kuainbëkinishi bëtsi me kamanu tsókë uni ꞌaish usai ꞌiakëxa.

Génesis 25:11

Usaia Abraham ñua ꞌain ka Nukën ꞌIbu Diosan Isaac upíokin sinánxuankëxa, usa okían ꞌakëx ka anua ꞌumpax ꞌikë a rapasubi tsóti bërúakëxa. “Ax ka ꞌiakëxa, axa tsókë ꞌimainun an ꞌë iskë kakin anëkë anu.”

Génesis 26:12

Usa ꞌain ka a barin ñu ꞌapáxun Isaacnën ꞌaisamaira ꞌinuan aín bimi upíbu ꞌikë biakëxa, Nukën ꞌIbu upiokin sinánxunkëxun.

Génesis 26:14

ꞌImainun ka ꞌitsaira ovejañu ꞌianan, vaca ꞌimainun an ñu mëëxunkë uniñuribi ꞌiakëxa, usa ꞌain ka ax ñuñuira ꞌain, anu ꞌikë filisteo unikama nutsi ami nishkin ꞌatima okëxa.

Génesis 26:24

“Anu bëbaxa ñantabukë a imë́ ami mërakin ka Nukën ꞌIbun kakëxa: ꞌËx kana min papa Abraham aín Dios ꞌain. Usa ꞌain kamina rakuë́tima ꞌain; ꞌëx kana mibë ꞌain. Usa ꞌain kana ꞌën uni Abraham a kupín upíokin sinánxunkin, min rëbúnkinëxa ꞌaisamaira ꞌuákamë ꞌëonun ꞌimiti ꞌain.”

Génesis 28:13

Usakin namákin isanan ka Nukën ꞌIbu a rapasu nixun ësokin kakëxun kuakëxa: ꞌËx kana min ꞌIbu ꞌain, ꞌianan kana min xuta Abraham aín Dios ꞌianan min papa Isaac ainanribi ꞌain. Usa ꞌixun kana mi ꞌimainun min rëbúnkikama anumi ꞌuxi rakákë me ënë ꞌinánti ꞌain.

Génesis 28:15

ꞌËx kana mibë ꞌain; usa ꞌixun kana uinu kaina kuani anuabi ꞌën mi bërúanti ꞌain, usa ꞌixun kana amiribishi ënë menubi mi bëtëkënti ꞌain. Mi kana usai ꞌia ꞌën kakësabiokin ꞌaxuntankëxuma ëntima ꞌain.

Génesis 31:3

Usai ami ꞌikania iskin ka Nukën ꞌIbun Jacob kakëxa: Kamina kuantëkënti ꞌain min papan menubi, anua min aintsikama ꞌikë me anu, usai ꞌimi kuania kana ꞌën mi bërúanti ꞌain.

Génesis 35:12

ꞌËn kana kamabi me ënë min xuta Abraham ꞌimainun min papa Isaac ꞌinánkën, usa ꞌain kana mi ꞌinántankëxun min rëbúnki kamaribi ꞌinánti ꞌain.

Génesis 39:2

Usai an ñu mëëmikë uni egipcio uni, aín xubunu ꞌia ka Nukën ꞌIbun José ꞌitsaira bërúankin ꞌakiankëxa.

Génesis 39:21

Usakin José sipuakë ꞌaínbi ka Nukën ꞌIbu abë ꞌixun bërúankin ꞌakiankëxa, ꞌakinkëx ka upí nuituñu ꞌiakëxa, usa ꞌikë ka an sipu bërúankë aín kushi an ꞌunánkëxa,

Génesis 48:21

Usakin katankëx sënë́nkin ka José kakëxa: —Ka kuat, ꞌëx kana ñuti ꞌurama ꞌain; usa ꞌaínbi ka Nukën ꞌIbu Dios ax mitsubë ꞌixun ka amiribishi min chaitiokëkama anu tsóa me anubi mi buántëkënti ꞌikën.

Génesis 50:24

Achúshi nëtën ka Josénën aín xukë́nkama kakëxa: ꞌËx anun ñuti nëtë ka ꞌurama ꞌikën, usa ꞌain ka Nukën ꞌIbu Diosan mitsu ꞌakinti ꞌikën, usa ꞌixun ka ënë nëtënua anbi mitsu chikinbiakin a ꞌinánuxuan Abraham kanan Isaac ꞌimainun Jacob ka me anubi mitsu buánti ꞌikën.

Salmos 105:8

Usa ꞌixun ka uiti baribi kara inúa ꞌaínbi, axa usakin ñu ꞌakatsikikin achúshi ñu mënio ꞌa banakama a manutima ꞌikën,

Salmos 105:9

ꞌianan ka usakin ñu ꞌaxunuxun achúshi ñu mëníokinun Abraham kakin abëtan ꞌa ꞌixun, Isaac asérabi katëkënxuma ashikin kakëxa,

Salmos 32:8

Nukën ꞌIbu ka ësai kia: ꞌën kana mi usakinmi ñu ꞌati ꞌunánmiti ꞌain, ꞌianan kana ꞌën ꞌunánmikin bana ñuixunti ꞌain, kianan kamina uisa upí ñu karana ꞌati ꞌai ꞌë ismikatsi kian.

Éxodo 2:24

Usai atux kia kuakin ka Diosan achúshi ñua Abraham, Isaac ꞌimainun Jacob akamabëtan ꞌa a sinánkin ꞌakiankëxa.

Éxodo 3:12

Ësai kia ka Diosan kakëxa: —ꞌËx kana mibë ꞌiti ꞌain, ënëx ka ami unántiokin ꞌënbi mi xukë ꞌiti ꞌikën: Egipto menua ꞌën unikama chikínkë ꞌain kamina kamaxunbi mikaman ënë menuxun ꞌë rabiti ꞌain.

Éxodo 6:4

Usa ꞌixun kana këñutima okin achúshi ñu atu ꞌaxuan, ꞌakin kana Canaán kakë me a ꞌinánuxun atu kakën, ax ka anu paian bëtsi menu ꞌikë unikama ꞌikësai ꞌitsama baritia anu tsóa a ꞌiakëxa.

Éxodo 6:7

tëmëramianan kana mi kamaxmi ꞌën uni ꞌikë mitsu ië́miti ꞌain, ꞌëx kana mikaman Dios ꞌain. Usakin ꞌakëbëtan ka ꞌëx kana mitsun ꞌIbu Dios ꞌain kixun ꞌunánti ꞌikën, usa ꞌain kana ꞌën egipcio unibunëan amiribishi tëmëramikin ñu mëëmitëkëntima okin mitsu ꞌimiti ꞌain.

Éxodo 6:8

Usa ꞌain kana a me ꞌinánuxun ꞌën Abraham, Isaac ꞌimainun Jacob akama ká me mitsunanbi ꞌinun ꞌinánti ꞌain. ꞌËx kana mitsun ꞌIbu ꞌain.

Isaías 43:2

Mitsux ꞌumpaxan ꞌinúkëbëbi kana ꞌëxribi anu ꞌiti ꞌain, usa ꞌain kamina bakaribi sikatibi bakami kitima ꞌain, ꞌianan ka tsi rëkirukënën anun inutiabi mi chuxtima ꞌikën, ꞌianan ka ꞌain rëkirukë anbi mi xanotima ꞌikën.

Isaías 43:5

Mitsux kamina rakuë́tima ꞌain, ꞌëx kana mitsubë ꞌain. Usa ꞌain kana amiaxa bari urukë ꞌimainun amia bari kuabúkë, anuabi min unikama amiribishi timë́tëkënun ꞌimiti ꞌain.

Miqueas 7:20

¡ꞌËn ꞌIbu mix upí ꞌixun nu nuibakin kamina bërámami nun chaitiokëkama Abraham ꞌimainun Jacob kásabiokin nuribi ꞌakinti ꞌain!

Números 23:19

Dios ax ka nusama ꞌikën: ax ka këmëi bananan bëtsi okin sinántëkëkini kima. Uisa ñu ꞌakatsi kara ax kia a ka asérabi ꞌaia. Uisa ñu ꞌanux kara kiáxa a ka asérabi ax kikësabiokin ꞌaia.

Deuteronomio 1:8

ꞌËn kana a mekama mitsu ꞌinánuxun sinánkën; usa ꞌain kamina kuantankëxun a mekama biti ꞌain bikëkana ꞌën mitsun bikë kuati ꞌain, ax ka mitsun chaitiokëkama sinanatëkëntima okin ꞌinánuxun ꞌën ka a ꞌikën, akamax ka Abraham Isaac ꞌimainun Jacob aín rëbúnkikama ꞌinánuxun ka me a ꞌikën.

Deuteronomio 34:4

Ismikin ka Nukën ꞌIbun ësokin kakëxa: Ënë mekama ñuikin kana ꞌën min chaitiokë Abraham, Isaac ꞌimainun Jacob akama kakën, a me kama kana min rëbúnki ꞌinánuxun ꞌain kixun. Usa ꞌain kana anu bëbanuxumabi min bërúnbi isti ꞌën kuëëan.

Filipenses 4:9

ꞌËn mitsu ꞌunánmicë banacama quicësabi oquin ꞌanan camina, ꞌën ꞌunánmicëxunmi ꞌacësabi oquin ꞌanan ꞌën mitsu ñuixuncëxunmi cuacë banacama quicësabi oquinribi ꞌanan ꞌën ꞌaiami iscësabi oquin ꞌati ꞌain. Usoquinmi ꞌacëbë ca Nucën Papa Dios, an aín unicama bënëtima chuámarua ꞌinun ꞌimicë, ax mitsubë ꞌiti ꞌicën.

Hebreos 11:9

Nucën Papa Diosmi catamëcë ꞌaish ca Abraham a me, a Nucën Papa Diosan a ñuixuncë, anu bëbatancëx anu tsoócëxa. Anu ꞌaísh ca aín menumabia uni tsócësa ꞌiacëxa. Anu ꞌaíshbi ca upí oquin xubuoíma, chupa ꞌacë xubunuishi ꞌiacëxa. Usaribiti ca aín bëchicë Isaac ꞌimainun Isaacnën bëchicë Jacob, acamaxribi ꞌiacëxa. —Abraham, mix camina ꞌënan ꞌiti ꞌain, min rëbúnquicamaribi ca ꞌën uni ꞌiti ꞌicë —quixun ca Nucën Papa Diosan Abraham cacëxa. Usaribi oquin ca Nucën Papa Diosan Abrahamnën bëchicë, Isaac, ꞌimainun Isaacnën bëchicë, Jacob, cacëxa.

Hebreos 6:17

Usaribiti ca Nucën Papa Dios axribi, axa ami catamëti ainan ꞌiti unicaman —aín quicësabi oi ca asérabi ꞌiti ꞌicë —quixun ꞌunánun, —xënibua ꞌaínbia sinanatëcëntimoi usabi ꞌiti ca ënë bana ꞌicë —quiax quiacëxa.