Génesis 26:22 - Kashibo-Kakataibo Biblia

²² Usaia aín unikama ꞌitëkënkëbë ka anuax Isaac ꞌura kuani chikíakëxa, usai chikíkin ka aín unikama ꞌimainun kamabi aín ñuina kamabi buani kuankëxa, kuantankëxun ka anua tsóti me anu bëbaxun achúshi kini anua ꞌumpax biti aín unikama naëmiakëxa, usa ꞌain ka anuax ꞌumpax kupín mëëananiama iskin Isaacnën anuax mëanantëkënima upitax tsoti kakin anëakëxa, usakin ꞌatankëx ka ësai kiakëxa: Bërí ka Nukën ꞌIbu ënu nu ëanxa, usa ꞌain kananuna ënë menuax nishananima ñuñuira ꞌiti ꞌain.

Nukën 'Ibu Diosan ain unikama 'inan ain bana

²² Usaia aín unikama 'itëkënkëbë ka anuax Isaac 'ura kuani chikíakëxa, usai chikíkin ka aín unikama 'imainun kamabi aín ñuina kamabi buani kuankëxa, kuantankëxun ka anua tsóti me anu bëbaxun achúshi kini anua 'umpax biti aín unikama naëmiakëxa, usa 'ain ka anuax 'umpax kupín mëëananiama iskin Isaacnën anuax mëanantëkënima upitax tsoti kakin anëakëxa, usakin 'atankëx ka ësai kiakëxa: Bërí ka Nukën 'Ibu ënu nu ëanxa, usa 'ain kananuna ënë menuax nishananima ñuñuira 'iti 'ain.

Génesis 26:22 Iomraidhean Croise

Génesis 17:6

ꞌËn kana min rëbúnkinëxa ꞌaisamaira ꞌinun ꞌiminuxun ꞌain; min rëbúnki raírinëx ka ꞌapu bëtsi bëtsi ëmanu ꞌinuxun ꞌaia.

Génesis 26:21

Usai anuax ꞌitankëxun ka Isaacnën unikaman amiribishi kini itsi anua ꞌumpax biti ꞌatëkëankëxa, usokin ꞌakëbi ka filisteo unikaman amiribishi ubiotëkënkëx ka amiribishi atubë nishanankë ka Isaacnën anuax bëtsibë “nishanax isanainsama tankë usokin anëakëxa.”

Génesis 28:3

Usa ꞌain ka Nukën ꞌIbu Dios kamabi kushiñu an mi upíokin sinánxunkin min rëbúnkinëxa ꞌaisamaira ꞌia timënun ꞌimiti ꞌikën, ꞌimianan ka min rëbúnki kamanuax ꞌaisamaira ëma ꞌai uni ꞌuakamë ꞌëoti ꞌikën.

Génesis 41:52

Usakin ꞌatankëxun ka bëchitëcëntancëxun Efraín kakin anëakëxa, anëtankëx ka kiakëxa: Nukën ꞌIbu Diosan ka anuax ꞌëx tëmërakë me ënuax ꞌëx bëchikëñu ꞌiti kuëanxa.

Salmos 118:5

Usa ꞌain kana masá sinani tëmërai bënë́kin Dios ñukákën; ñukákëxun kuakin ka ꞌë ꞌakiankëxa.

Éxodo 1:7

ꞌaínbi ka Israel unikama atun ꞌaisamaira ꞌinun Egipto menuxunbi bëchipakëxa, usa ꞌaish ka atux ꞌaisamaira ꞌinun ꞌuakamë ꞌëoi kushiirabu ꞌiakëxa. Usa ꞌain ka atu xëshi a menu ꞌuakamë ꞌëokëxa.

Isaías 54:2

Min xubusokin chupa ꞌakë akamina chooti ꞌain, ꞌanan kamina anun mapankë a rakuë́kimaishi anumi ꞌikë a pëninkin ꞌati ꞌain; ꞌanan kamina aín itsikama chaxkë́bu ꞌaxun aín ikama upíokin matáskin nitsintankëxun ami tëkërë kati ꞌain,

Isaías 54:3

min rëbúnkikamax ka mëkeu kuanan, mëmiu kuani me tsitsirui ꞌuakamë ꞌëoti ꞌikën; usai ꞌikin ka min rëbúnki kaman mekama anu ëma ꞌikëbia ënkan, anu uni ꞌikëma ëmakama anu kuantëkënti ꞌikën.