Génesis 26:12 - Kashibo-Kakataibo Biblia

¹² Usa ꞌain ka a barin ñu ꞌapáxun Isaacnën ꞌaisamaira ꞌinuan aín bimi upíbu ꞌikë biakëxa, Nukën ꞌIbu upiokin sinánxunkëxun.

Nukën 'Ibu Diosan ain unikama 'inan ain bana

¹² Usa 'ain ka a barin ñu 'apáxun Isaacnën 'aisamaira 'inuan aín bimi upíbu 'ikë biakëxa, Nukën 'Ibu upiokin sinánxunkëxun.

Génesis 26:12 Iomraidhean Croise

Génesis 24:1

Usa ꞌain ka Abraham ax kaniakëkë ꞌikë, Nukën ꞌIbu an ꞌati kamabi ñu sinánxunkë ꞌiakëxa.

Génesis 24:35

Nukën ꞌIbun an ka an ꞌë ñu mëëmikë uni ꞌitsaira ñuñu ꞌinun ꞌimiaxa: usa ꞌixun ka ꞌinánxa ovejakama, vaca, kuri ꞌimainun manë panshian, uni an ñu mëëxunti, xanu an ñu ꞌaxúnti akama ꞌinánan ka camello ꞌimainun asno akama ꞌinánxa.

Génesis 25:11

Usaia Abraham ñua ꞌain ka Nukën ꞌIbu Diosan Isaac upíokin sinánxuankëxa, usa okían ꞌakëx ka anua ꞌumpax ꞌikë a rapasubi tsóti bërúakëxa. “Ax ka ꞌiakëxa, axa tsókë ꞌimainun an ꞌë iskë kakin anëkë anu.”

Génesis 26:29

min kamina nukama uisabi otima ꞌain, nunribi kananuna mi uisabi okëma ꞌain. ꞌAtima okinma, kananuna nun mi upíokin nuibakin ꞌakian, ꞌimainun kananuna upíokin mixmi ꞌën menuax chikiti ꞌaia mi xuan, usa ꞌikë ka bërí Nukën ꞌIbu mi upíokin sinánxunkin ꞌakinia.

Génesis 26:3

usa ꞌain kamina ënë menu pain tsóti ꞌain. ꞌËx kana mibë ꞌiti ꞌain ꞌimainun kana mi upíokin sinánxukin mi ꞌimainun min rëbúnki kamaribi ënë mekama ꞌinánti ꞌain. Usakin kana ꞌën min papa Abraham kásabiokin ꞌati ꞌain.

Génesis 30:30

ꞌëx ukëmapan ꞌain ka min ñuina ꞌarakakëkama ꞌitsamashi ꞌiakëxa, usa ꞌaínbi ka ꞌën bërúaia Nukën ꞌIbu ꞌakinkëx bërí ꞌaisamaira min ñuina ꞌikën; ꞌaínbi karana, ¿Uínsaran ꞌënanbi ñu mëi ꞌën xanu ꞌimainun ꞌën bëchikë kamanan ñu ꞌarakati ꞌain?

Job 42:12

Usa ꞌain ka Diosan upíokin Job sinánxunkin tëmërakëma ꞌaísha ꞌikësamairaia ñuñuira ꞌinun ꞌimikin. Ka catorce mil ovejakama, seis mil camellokama, mil vaca ain bënë rabë́, rabë́, ꞌimainun mil burro aín xanukamañu ꞌinun ꞌimiakëxa.

Salmos 72:16

¡Usa ꞌain ka a menu ꞌaisamaira trigo ꞌiti ꞌikën, ꞌianan ka bashi rëbu anubi trigo ꞌaisamaira ꞌiti ꞌikën! Usa ꞌain ka Líbano menu trigo ꞌapákëxa bimikë usaira aín bimi ꞌi xubi koia iskë usaira ꞌiti ꞌikën!

Eclesiastés 11:6

Min ñu ënxë ꞌapákin kamina ñantámashi ꞌati ꞌain, ꞌapunkin kamina xupinbukëbëtanribi ꞌapáti ꞌain, ꞌaínbi ka uin kara bari kuabuti ñantabukëbëtan ꞌaia an ka aín ñu bëru ꞌapákin këñuima, usa ꞌaínbi ka uínbi ꞌunanima uinu ꞌikë ax pain kara upiti bimiti ꞌikë, a pain ꞌapákë ax ꞌima kara tsiankin ꞌapákë ax ꞌiti ꞌikën, a pain ꞌapákë an ꞌakëbëtanma kara tsiankin ꞌapákë an upíokin tuati ꞌikën, ꞌakima kara ꞌaisamaira ꞌitánun a rabë́xunbi tuati ꞌikë kixun ka ꞌunanima.

Mateo 13:23

Me upí anua ñu bëru nipacëcë usaribi ca raíri unicama ꞌicën. A unicamax ca Nucën Papa Diosan bana asérabi cuaquin a bana quicësabi oquin ꞌacë ꞌaish me upínu ꞌapácë ñu bëru, axa coi canitancëxun upí oquin tuacë, asaribi ꞌia. Raírinëx ca ꞌitsaira, cien, bimiñusa ꞌia, ꞌimainun ca raírinëxribi ꞌitsa, sesenta, bimiñusa ꞌia, ꞌimainun ca raírinëxribishi ꞌitsamashi, treinta, bimiñusa ꞌia.

Mateo 13:8

Usa ꞌaínbi ca raíri ñu bëru ax me upínu nipacëaxa. Nipacëax coi canitancëxun ca upí oquin tuaxa. Tuacëx ca raírinëx aín bimi ꞌitsaira, cien ꞌiaxa, raírinëxribi ca aín bimi ꞌitsa, sesenta ꞌiaxa, raírinëxribishi ca aín bimi ꞌitsamashi, treintaishi ꞌiaxa.

Marcos 4:8

Usa ꞌaínbi ca raíri ñu bëru ax me upínu nipacëaxa. Nipacëax coi canitancëxun ca upí oquin tuaxa. Tuacëx ca raíri aín bimi ꞌitsamashi, treintaishi ꞌiaxa, raírinëxribi ca aín bimi ꞌitsa, sesenta, ꞌiaxa, raírinëxribishi ca aín bimi ꞌitsaira, cien, ꞌiaxa.

1 Corintios 3:6

Ënëx ca ësa ꞌicën: Unían ñu bëru anu ꞌapatia ca a me bëtsi unin ꞌumpaxan chabóia. Usoiabi ca Nucën Papa Diosainshi ñu bëru comia. Usaribi oquin cana ꞌën mitsu Nucën Papa Diosan bana ñuixunquin ꞌunánmiacën. ꞌËn mitsu ꞌunánmicë bana a ca Apólonën mitsu ñuixuntëcëancëxa. Usoquinu nu rabëtan ñuixuniabi ca Nucën Papa Diosainshi Jesucristomi catamënun mitsu sinánmiacëxa.