Génesis 26:1 - Kashibo-Kakataibo Biblia

¹ Usa ꞌain ka Isaac ax anu ꞌumpax ꞌikë anu tsóakëxa, ax ka anu tsókë kakë ꞌimainun an iskë kakin anëkë ꞌiakëxa, a rapasu ꞌaínbi ka Abraham anu tsótan ꞌiásaribiti a piti ꞌaíma ꞌinun ñu ꞌapákëxbi ꞌiruama ꞌikën. Usaia ꞌikëbë ka panani Isaac aín xanu Rebecabë kanankiani an ñumëmikë unikama ꞌimainun aín ñukamabi buani anua Abimélec filisteokaman ꞌapu ꞌikë Guerar kakë ëma anu kuankëxa.

Nukën 'Ibu Diosan ain unikama 'inan ain bana

¹ Usa 'ain ka Isaac ax anu 'umpax 'ikë anu tsóakëxa, ax ka anu tsókë kakë 'imainun an iskë kakin anëkë 'iakëxa, a rapasu 'aínbi ka Abraham anu tsótan 'iásaribiti a piti 'aíma 'inun ñu 'apákëxbi 'iruama 'ikën. Usaia 'ikëbë ka panani Isaac aín xanu Rebecabë kanankiani an ñumëmikë unikama 'imainun aín ñukamabi buani anua Abimélec filisteokaman 'apu 'ikë Guerar kakë ëma anu kuankëxa.

Génesis 26:1 Iomraidhean Croise

Génesis 12:10

Usa ꞌain ka anua Abram tsótanbi a menu a piti ñu ꞌaimaira ꞌiakëxa, usa ꞌain ka Abram a menuax ꞌitsama baritia ishi, Egipto menu anua a piti ñu ꞌain anu tsóti kuankëxa, anua ꞌikë me anua a piti ñu a nëtënu ꞌaimaira ꞌain.

Génesis 25:11

Usaia Abraham ñua ꞌain ka Nukën ꞌIbu Diosan Isaac upíokin sinánxuankëxa, usa okían ꞌakëx ka anua ꞌumpax ꞌikë a rapasubi tsóti bërúakëxa. “Ax ka ꞌiakëxa, axa tsókë ꞌimainun an ꞌë iskë kakin anëkë anu.”

Génesis 25:34

Usakian kakëxun ka Jacobnën aín piti purutusa nëish okían ꞌarukë a këñun pán pinun kixun aín xukë́n Esaú ꞌinánkëxa, usakian ꞌinánkëxun pianan xëatankëx ka nirukiani a kaimashi ꞌën kana apan ꞌixun ñukama biti ꞌai kixun sinanima kuankëxa.

Génesis 42:5

Usa ꞌain ka Jacobnën bëchikë kamax anribia trigo marui kuankë unikamabë kuankëxa. A nëtë kaman ka kamabi Canaán menu a piti ñu ꞌaíma ain numi chaiira ꞌiakëxa.

Génesis 43:1

Usa ꞌain ka nëtëkamabi a piti ñu a menu ꞌaíma ꞌiakëxa,

Éxodo 33:1

Usotankëxun ka Nukën ꞌIbun Moisés anu kuantëkënkë kakëxa: —Ënuax kuankin kamina Egipto menuami chikínbëtsinkin bëkë unikama buánti ꞌain, ꞌën min chaitiokë Abraham, Isaac ꞌimainun Jacob akama aín rëbúnki ꞌinánuxun ká me anu kamina kuanti ꞌain.

Rut 1:1

A baritian Israelkama atun ꞌapuñuma ꞌain ka bëtsi uni raírinëx atun ꞌapu ꞌiakëxa, a baritiakaman ka a menu a piti ñu ꞌaíma ꞌain numi ꞌiakëxa. Usa ꞌain ka achúshi uni Judá kakë menua ꞌikë Belén kakë ëma anuax Elimélec ax Moab kakë me anu ꞌitsama baritia tsóti kuankëxa. Kuankin ka ain xanu Noimí ꞌimainun aín bakë bëchikë bëbu rabë́ Mahlón kakë a ꞌimainun Quilión a buánkëxa. A unikamax ka efrateo ꞌaíshbi Belén menu tsókë unibi ꞌiakëxa. Usa ꞌain ka anuax kuantankëx Moab kakë me anu tsóti bërúakëxa.