Génesis 24:44 - Kashibo-Kakataibo Biblia

⁴⁴ ësokin ꞌën kakëxun ka ꞌë kati ꞌikën: Asabi ka kamina min xëati ꞌai kixun ꞌë kanan min, camellokamaribi kana ꞌumpax bixunti ꞌai an ꞌë kakë xanu ax ka min kaískë uni a ꞌën ñu mëëxunkë uni aín bëchikënën xanu ꞌiti ꞌikën.

Nukën 'Ibu Diosan ain unikama 'inan ain bana

⁴⁴ ësokin 'ën kakëxun ka 'ë kati 'ikën: Asabi ka kamina min xëati 'ai kixun 'ë kanan min, camellokamaribi kana 'umpax bixunti 'ai an 'ë kakë xanu ax ka min kaískë uni a 'ën ñu mëëxunkë uni aín bëchikënën xanu 'iti 'ikën.

Génesis 24:44 Iomraidhean Croise

Génesis 2:22

A putúbi ka Nukën ꞌIbu Diosan achúshi xanu ꞌinun uniokëxa, uniotankëxun ka a uninu bëakëxa,

Génesis 24:14

Achúshi xanu chipash ꞌën kakëxuan sinánun kamina ꞌimiti ꞌain: Usama ka ꞌën min ꞌumpax ꞌanun karamina min chumu nanpatima ꞌain, kakëxun ka ꞌë kati ꞌikën: ꞌUmpax kamina ꞌati ꞌain, min camellokamaribi kana ꞌumpax ꞌamiti ꞌain, a xanux ka Isaac min kaískë uni aín xanu ꞌiti ꞌikën. Usa ꞌain kana ꞌën ꞌunánti ꞌain min kamina ꞌën ñu mëëxunkë uni upíokin nuibakin ꞌakinin kixun.

Génesis 24:43

usa ꞌain kana bërí anuxun ꞌumpax biti kini a rapasu ꞌixun mi ñukatin: uinu ꞌikë xanu chipash kara ꞌumpax bitsi aia akana ꞌën ësokin kati ꞌain: ꞌË kaina min ꞌumpax ñutëñu ꞌikë a ꞌamitima ꞌain,

Génesis 24:45

Ësokin ñukákin ꞌën këñúkë ꞌaímabi ka ꞌën iskëxbi Rebeca ñutë tuíanx uaxa. Ukin ka anua ꞌumpax biti anu nukúkin menu tsóntankëxun bitsia kana kan: Min ꞌumpax kaina ꞌë xëanun ꞌinántima ꞌain kixun.

Isaías 32:8

Usa ꞌaínbi ka upí uni an upiokin, sinánkin bëtsiokin sinántëkënkima an sinánkësabi okin ñu ꞌaia.

1 Timoteo 2:10

Usai ꞌiquinma ca uisoquin cara axa Nucën Papa Diosmi catamëti ami cushicë xanun ñu ꞌati ꞌicë, usoquinshi aín nuitu upí ꞌixun ꞌanan nuibaquin ꞌaquinsa ꞌicë raíri ꞌaquinti ꞌicën.

Hebreos 13:2

Mitsun ꞌunáncëma unibi camina mitsun xubunu bëbaia cuëënquin biti ꞌain. Usai ꞌiquin ca raírinën ꞌunánquinmabi ángel, unisaribi ꞌicë, biacëxa.

1 Pedro 3:8

Ënë banaribi cana mitsu cain, axa Jesucristomi catamëcë uni raírinën sináncësaribi oquin sinani camina atubë nuibananti ꞌain, atúxa mitsun xucë́nsaribi ꞌain. Camina bëtsibë camáxbi nuibanani ꞌaquianani rabítima ꞌain.