Génesis 24:3 - Kashibo-Kakataibo Biblia

³ sinanatëkëntima okin Nukën ꞌIbu naí ꞌimainun ënë me bërúankë an ka ꞌën bëchikë Isaacnën ënë menu ꞌikë xanukama binun ëntima ꞌikën, anu ꞌëx tsókë Canaán kakë me ënua,

Nukën 'Ibu Diosan ain unikama 'inan ain bana

³ sinanatëkëntima okin Nukën 'Ibu naí 'imainun ënë me bërúankë an ka 'ën bëchikë Isaacnën ënë menu 'ikë xanukama binun ëntima 'ikën, anu 'ëx tsókë Canaán kakë me ënua,

Génesis 24:3 Iomraidhean Croise

Génesis 14:19

Upíokin sinánxunkin Abram ësokin kakëxa: Mi ka Nukën ꞌIbu Dios naí manámi ꞌikë an naí ꞌimainun mekama unio an ꞌupiokin sinánxunti ꞌikën;

Génesis 14:22

Usokin kakëxunbi ka Abramnën ësokin kakëxa: —ꞌËn kana ësokin kana ꞌanuxun ꞌai kixun Nukën ꞌIbu kushiira an naíkëñun me unio a kan,

Génesis 21:23

Usa ꞌain kamina, sinanatëkëntima okin Nukën ꞌIbu Diosan ismainun, ënë menuax, nukamabë ꞌatimonantima ꞌain, ꞌimainun kamina ꞌën bëchikëkama ꞌimainun ꞌën rëbúnkikamaribi ꞌain. Akima kamina sinanatëkënkinma ꞌën mi ꞌakësaribi okin ꞌëribi ꞌati ꞌain, ꞌanan kamina usaribiokin kamabi ënu ꞌikë unikama ꞌati ꞌain, anumi bërí tsókë me ënuxun.

Génesis 24:7

Nukën ꞌIbu Dios, naínu ꞌikë an ka ꞌën aintsikaman menua chikinbëtsinkin bëxun ꞌë ꞌimainun ꞌën rëbúnkikama ënë me ꞌinan, an ka aín ángel abë kuantankëxumi achúshi xanu ꞌën bëchikë bixunun mi ꞌakinti ꞌikën.

Génesis 27:46

Ësokin pain aín tuá katankëxun ka Rebecanën Isaac ësokin kakëxa: —ꞌËx kana ënë hitita xanu rabë́ Esaúnëa bia ënëbë tsóti atsan, usa ꞌain kana abë ꞌisamatanin. Jacobnën ribia achúshi hitita xanu Canaán ënua bikëbë karana ꞌëx uisari ënu tsóti ꞌain, kana ënu tsótima bamati ꞌain.

Génesis 28:1

Usakian aín xanun kakëxun ka Isaacnën aín bëchikë Jacob, kuënxun upíokin sinánxunkin ësokin kakëxa: Min kamina uisaxunbi, Canaán me ënua uinu ꞌikë xanubi bitima ꞌain.

Génesis 28:8

Usa ꞌain ka Esaúnën aín papan Canaán kakë me anua xanukama bikë a kuëëniama ꞌunánkëxa;

Génesis 34:9

usa ꞌain kananuna nukaman mitsun bëchikë xanukama biti ꞌain, bimainun kamina mitsunribi nukaman bëchikë xanukamaribi biti ꞌain.

Génesis 38:2

kuantankëx anu ꞌixun ka achúshi cananeo uni Súa kakë aín bëchikë ꞌunánkëxa, ꞌunántankëxun ka aín xanu ꞌiti biakëxa usakin bitankëx ka,

Génesis 47:31

—¡Sinanátëkëntima okin! kamina ashikin ꞌë kati ꞌain —kixun ka amiribishi aín papan kakëxa. Ësakian kakëxuan Josénën sinanatëkëntima okin kakëx, ka Jacob anua ꞌuxkë anuax aín tëpiti ami tëtuti ñanati ꞌiakëxa.

Génesis 50:25

Ësakin kakin ka José aín xukë́n kaman a sinanatëkëntima okin atun kanun kakëxa: Asérabi ka Nukën ꞌIbu Diosan mitsu ꞌakinti ꞌikën. Usa ꞌain kamina mitsun ꞌëx ñuia ënu maínkinma ënua ꞌë buánti ꞌain.

Génesis 6:2

usa ꞌain ka Diosan bëchikëkaman unin bëchikë xanukama upíirabu isakëxa. Usa ꞌain ka uinu ꞌikë xanu kara kuëënia abë kuëënani unikamax biranankëxa.

Génesis 6:4

Usa ꞌain ka chaxkë́irabu ꞌimainun chaiirabu uni ënë menu mërakëxa, Diosan bëchikëkaman unin bëchikë xanukama ami bëchipati biakëxa, bixun ka ami bëchipakëxa. Bëchipakëx ka a unikamax asérabi rakuëma kushiirabu bërámabi nëtë ióñu ꞌiakëxa.

2 Reyes 19:15

nantakëxun ka Dios abë banakin ësakin kakëxa: Israel unibunën Dios mix kamina min ángelkama a manami ꞌain, usa ꞌaishi kamina mix kamabi menu ꞌikë ꞌapukaman Dios ꞌain, min kamina naíkamë ꞌëokëñun me uniokën.

Nehemías 9:6

Ësokin unikama katankëxun ka Esdrasnën Dios ësokin kakëxa: “Mixmi Dios ira ꞌain ka misaribi Dios uixi ꞌitima ꞌikën. Min kamina naíkamë ꞌëo ꞌanan a manámia ꞌikë ñukama këñun anu ꞌikë ꞌispakamaribi uniokën; ꞌanan kamina meribi ꞌatankëxun anu ꞌikë ñukamaribi ꞌakën, ꞌatankëxun kamina parúmpapanu ꞌikë ñukamaribi ꞌakën. Usa ꞌain ka min ꞌimikëx kamabi ñukamax upiti tsotia. Usa ꞌikë ka min ángel naínu ꞌikë kaman rabimainun menuxunribi mi rabiti ꞌikën.

Salmos 115:15

¡ꞌËn kana kuëënin Dios an me, ꞌimainun naí kamë ꞌëo unio an ka upíokin sinánxunkin mitsu ꞌakinti ꞌikën!

Éxodo 20:7

Min Dios ꞌikë min rabiti ꞌikë ꞌë sinanimabi kamina ꞌën anë ñui kitima ꞌain. Ax ꞌën anë ñui ꞌatimati banakë ax ka ꞌatima okë ꞌiti ꞌikën.

Éxodo 34:16

usokin ꞌakima ka atun ꞌini bëchikë xanukama mitsun bëchikë bëbu aín xanu ꞌinun ꞌinánti ꞌikën, ꞌinánkëxun atun rabikë aín dios aribi rabi ka mitsun bëchikëkama ꞌëmi ꞌuchati ꞌikën.

Isaías 45:23

ꞌËx kana sinanatëkëntima oi ëbi kiakën, ki kana ꞌën kana ꞌëmi nishkë unikama kanankin ꞌati ꞌai kiakën, kia a banakama sënë́nmikin kana ꞌati ꞌain: usa ꞌain ka a bana sënë́nkëbë kamabi nëtënu ꞌikë unikama ꞌën ismainunbi rantinpuruni tsóbuti ꞌëmi ꞌikin, min kakësa okinbi kananuna sinanatëkëntima okin ꞌati ꞌai kiax atux,

Levítico 19:12

Unin asérabi ka kixun sinánun kamina ñu ꞌanuxma ꞌën anë ñui banatima ꞌain, usai banakin kamina ꞌëmi uni bananun ꞌimitima ꞌain, usai banakin kamina ꞌën anë ꞌatima oti ꞌain, ꞌëx kana min ꞌIbu ꞌain.

1 Corintios 7:39

Bënëñu xanu an ca usai uni ꞌiti quicësabi oquin, bamacëma ꞌicë aín bënë ëntima ꞌicën. Aín bënë bamacëbë cuni ca ꞌiisa tani bënuti ꞌicën, Nucën ꞌIbu Jesús cuëëncëbë.

Deuteronomio 10:20

Usa ꞌain kamina Nukën ꞌIbu Dios ashi rabianan ënkinma ax kuëënkësabi okinshi ꞌakánti ꞌain, ꞌimainun kamina sinántëkëntima asérabi aín anën ishi kana ñu ꞌati ꞌai kiti ꞌain.

Deuteronomio 6:13

Usa ꞌain kamina Nukën ꞌIbu ashi rabianan ax kuëënkësa okinshi ñu ꞌaxúnti ꞌain, ꞌimainun kamina sinanatëkënkinma asérabi aín anëinshi ñu ꞌati ꞌain.

Hebreos 6:16

Ënëx ca ësa ꞌicën. Unix ca uni itsían aín bana isa asérabi ꞌicë quixun ꞌunánun quiax, aín ꞌapu axa asamaira ꞌain, a ñui ësai quia: Nun ꞌapúnbi ca ꞌunania, ꞌën mi cacë bana ënëx ca asérabi ꞌicën. Usai quicëbëtan ca an aín bana ca asérabi ꞌicë quixun ꞌunánquin abë cuëbicanántima ꞌicën.

Josué 2:12

Usa ꞌain kana mi ñukatin ënuxunbi kamina Nukën ꞌIbun anën sinanátëkëntimokin asérabi ꞌë kati ꞌain, ꞌën aintsikama kamina mitsu bërí ꞌën ꞌakësaribi okin ënë ëmanu ꞌikë unikama ꞌakinbi ꞌatima ꞌain. Asérabi karamina këmëima ꞌunánnun kamina ꞌë kati ꞌain,

Jueces 14:3

Kixuan kakëxunbi ka aín papan kakëxa: —¿Uisokin sinánxun kaina an Dios ꞌunánkëma filisteo unikamanua min xanu ꞌiti xanu bisatanin? ¿Nun aintsi ꞌibukamanu ꞌianan kara raíri ñaká Israel unikamanuribi ami biti xanu chipash ꞌaíma ꞌik? Kakëxun ka Sansónnën aín papa kakëxa: —A xanu chipash ax ka ꞌën kuëënkë xanu ꞌiaxa, usa ꞌain kana ami ꞌën xanu ꞌiti binun ꞌë mëníoxunti kuëënin.

1 Samuel 20:17

ësai ka Jonatán ꞌitsaira David nuibakë ꞌixun, ax ꞌikësabiokin nuibakin bërúain, amiribishi uisaxi sinanatëkëntima oi kítëkëankëxa.