Génesis 23:5 - Kashibo-Kakataibo Biblia

⁵ Usaia kia kuakin ka hititanu ꞌikë unikaman kakëxa:

Nukën 'Ibu Diosan ain unikama 'inan ain bana

⁵ Usaia kia kuakin ka hititanu 'ikë unikaman kakëxa:

Génesis 23:5 Iomraidhean Croise

Génesis 10:15

Canaán ax ka rabë́ bëchikëñu ꞌiakëxa aín rëkuën ax ka ꞌiakëxa Sidón, kakë aín ꞌanáka ax ka ꞌiakëxa Het.

Génesis 23:3

Usa ꞌain ka anua aín xanu Sara ñukë anuax nirukiani kuankëxa, anu mëníoti ꞌaíma ꞌain, kuantankëx ka hititas unikamabë banakëxa:

Génesis 23:4

—Banakin ka ësokin kakëxa, ꞌëx kana bëtsi menu ꞌikë uni ꞌaíshbi mitsunu tsókë uni ꞌain, usa ꞌikëbi kamina anu uni ñuia maínti ꞌakë achúshi anu ꞌën xanu mëníonun ꞌë maruti ꞌain.

Génesis 23:6

—¡Usama ka ꞌën ꞌIbu kamina! ꞌËn kakëxun kuati ꞌain. Mix kamina nubë ꞌikë uni ꞌain, usa ꞌaish kamina mix achúshi uni Nukën ꞌIbu Diosan kaískë ꞌain. Usa ꞌikë ka mi ꞌakinia ax kushiira ꞌixun usa ꞌain kamina min xanu ñukë a uinu ꞌikë ax kara upíira ꞌikë istankëxun anu mëníoti ꞌain, uinu ꞌikë unínbi ka ꞌanu ꞌaxuma ꞌanun kixun mi katima ꞌikën kamina ꞌati ꞌain.

Salmos 107:41

Diosan ka uni ñuñukama a ꞌatimakin sinani masá nuitutiabi kuëënun ꞌimia; ¡ꞌimikin ka atun ꞌarakakë ñuinakama ꞌikësaribitia bëchipati ñuina ꞌarakakë ꞌikësai aín aintsikamabë ꞌinun ꞌimia!