Génesis 23:2 - Kashibo-Kakataibo Biblia

² ati baritia tsótankëx ka ñuakëxa Quiriat-arbá, kakëbia Hebrón kakin anëkë ëma anuax, ka Canaán me anu ꞌiakëxa. Usa ꞌain ka Abraham aín xanu ñukë ꞌain ꞌitsaira masá sinani iakëxa.

Nukën 'Ibu Diosan ain unikama 'inan ain bana

² ati baritia tsótankëx ka ñuakëxa Quiriat-arbá, kakëbia Hebrón kakin anëkë ëma anuax, ka Canaán me anu 'iakëxa. Usa 'ain ka Abraham aín xanu ñukë 'ain 'itsaira masá sinani iakëxa.

Génesis 23:2 Iomraidhean Croise

Génesis 13:18

Usa ꞌain ka Abram anua ꞌikë anuax aín ñukama mëniobiani niñu me Mamré kakë uni ainan ꞌain Hebrón kakë ëma ꞌurama ꞌikë anu ꞌi kuankëxa. Anuxun maxax bukunrukin ꞌatankëxun Nukën ꞌIbu rabiakëxa.

Génesis 23:1

Sara ka tsóakëxa ciento veintisiete baritia,

Génesis 23:19

Usokin marutankëxun ka Abrahamnën aín xanu Sara ñukë a Macpelá menu ꞌikë kini anu maíankëxa, au bari urukë Mamré kakë me anu, aín anë itsi ka Hebrón ꞌikëbia, Canaán kakë me anubi ꞌiakëxa.

Génesis 24:67

Usokin unikaman ñuia kuatankëxun ka Isaacnën Rebeca bibiankin aín xubusa okían chupa këxtú ꞌakë anua aín tita Sara ꞌikë anu buánkëxa, anu buánxun ka biakëxa, usakin bitankëxun ka Isaacnën Rebeca ꞌitsaira kuëëankëxa, usakin aín xanu Rebeca ꞌitsaira kuëëni ka aín tita ñukë sinania masá nuitukë a sinántëkënima manúakëxa.

Génesis 27:41

Usakian ꞌakë ꞌain ka Esaúnën ami xuamati nishkin Jacob istisama tankëxa aín papan upíokin sinánxunkin kakë kupín, ꞌimainun ka sinánkëxa: “Ënuax basiramashi kana ꞌën papa ñukëbë ꞌitsaira masá nuituti nitë́xëti ꞌain, usai ꞌikin kana ꞌën xukë́n Jacob rëti ꞌain.”

Génesis 35:27

Achúshi nëtën ka Jacob aín papa Isaac isi Mamré kakë ëma ꞌikëbia Arbá kakin anëanan Hebrón kakinribi anëkë anu kuankëxa. A menu ka Abraham ꞌimainun Isaac tsóakëxa.

Génesis 37:14

—Kakëxun ka Jacobnën asábi ka kixun kakëxa. Ka istan uisa kara min xukë́nkama ꞌikën, ꞌimainun nun ꞌarakakë ovejakama kara uisa ꞌikë kamina isi kuanti ꞌain, isbëtsini kamina ꞌë kai uti ꞌain. Ësokin kaxun ka Jacobnën aín bëchikë José Hebrón kakë me anuxun xuakëxa, xukëx kuanx ka Siquem kakë me anu bëbakëxa,

Génesis 50:1

Usaia ꞌain bana ñomëti nëtë́ti ñuia ka Josénën aín papa ꞌikúkin bikin bëtsuku kakëxa.

Génesis 50:10

Usakiani kuanx ka anua Goren-ha-atad, ꞌikë Jordán baka kuainakëkë anu bëbaxun ꞌaisamaira uni timëkamë ꞌëokë ax masánuituti ini rarumakëxa. ꞌImainun ka José mapai achúshi ꞌimainun rabë́ nëtë anuax ꞌitsaira iankëxa.

2 Samuel 1:12

ꞌitsaira ꞌatimokin sinani ini Saúl ꞌimainun ain bakë bëchikë Jonatán bamakë kuati ꞌianan ꞌakanankian israel suntárukama Diosan ꞌakinkë ꞌikëbi, bëtsi unikama abámikin ꞌakë a sinánkin bari kuantamainun añu ñubi pima samákankëxa.

2 Samuel 1:17

Ësai ki ka David Saúl ꞌimainun ꞌain bëchikë Jonatán bamakë kuatankëx rabiti kantai kiakëxa,

2 Samuel 5:3

Ësakian an ꞌaia, ꞌunánxun ka kamabi Israel unibunën Hebrónnua ꞌain anu rikianxun ësakin David kakëxa, kakëxun ka uisakin kara ax ꞌapu ꞌixun ꞌati ꞌikë a ñuixunkin Diosanbi unánun kakëxa. Usakin kakëxun ka atúnbi Israel unibunën ꞌapu ꞌinun anëakëxa.

2 Samuel 5:5

Hebrón menuax ka Judá unibunën ꞌapu mapai ꞌimainun rabë́ bari inúmi ꞌitankëx mapai achúshi ꞌimainun achúshi ꞌuxë ꞌimi ꞌapu, Jerusalénnuribi kamabi Israel unibunën ꞌapu ꞌianan, Judá menu ꞌikë unikaman ꞌapuribi treinta y tres baritia ꞌapu ꞌiakëxa.

Números 20:29

Ubukëbëtan Aarón abë aiama iskin ka ñuaxa kixun sinani ka israel unibu, nitë́xëti masá nuituti achúshi ꞌuxë ꞌimi inkankëxa.

Juan 11:31

Bënëtishi niruquiania xubunuax cuania isquin ca axa abë xubunu bucucë judíos unicaman, —sapi ca anua aín rarëbacë maíncënuax rarumati cuania —quixun sinánquin María nuibiancëxa.

Juan 11:35

Cacëx cuani ca Jesús bëunan mëscúacëxa.

Deuteronomio 34:8

Usai ꞌian ka israel unikama Moisés bënini ini achúshi ꞌuxë ꞌimi anu uni ꞌikëma me Moab kakë anuax rarumakëxa, usai ꞌi ka a nëtëkama sënë́mi Moisés ñukë ꞌain masá nuituti nitë́xëti inkankëxa.

1 Samuel 20:31

Usa ꞌain kamina axa ënë menu tsókëbë mi ꞌimainun min aintsikama uínsaranbi ꞌapu ꞌitima ꞌikën. ¡Usa ꞌain kamina baribëtsinkin ꞌë bëxunun uni xuti ꞌain, a kana ꞌakë istisatanin!

1 Samuel 25:1

Usa ꞌain ka Samuel ñukë ꞌain kamabi israel unikama timëkamë ꞌëox masá nuituti inkankëxa. Usai pain ꞌitankëxun ka anua aín xubu ꞌikë Ramá kakë me anubi maínkankëxa. Usokin ꞌan ka anu uni ꞌikëma me Parán kakë anu David kuankëxa.

1 Samuel 28:3

Usa ꞌain ka Samuel ñukë ꞌain kamabi Israel menua ꞌikë unikama anun rabanan masá nuituti ꞌikankëxa, usai anun rabanan ꞌitankëxun ka anuaxa bakëan aín me Ramá kakë anubi maínkankëxa. ꞌImainun ka Saúlnën an ñu tankë unikama ꞌimainun an ñukë uni ain ñunshin abë banati kuëënkë a kamabi a menua chikínkë ꞌiakëxa.