Génesis 23:11 - Kashibo-Kakataibo Biblia

¹¹ —¡Usama ka ꞌën ꞌIbu, kana mi maruiman! ꞌËn kana mi me ꞌinainshitin, ꞌimainun kana anu uni ñuia maínti ꞌakë kini këñunbi me a mi ꞌinaishitin. ꞌËn aintsikamanribi ka kamaxunbi ꞌën me ënë mi ꞌinainshinuxun kaia kuatia. Usa ꞌain kamina min xanu anu maínti ꞌain.

Nukën 'Ibu Diosan ain unikama 'inan ain bana

¹¹ —¡Usama ka 'ën 'Ibu, kana mi maruiman! 'Ën kana mi me 'inainshitin, 'imainun kana anu uni ñuia maínti 'akë kini këñunbi me a mi 'inaishitin. 'Ën aintsikamanribi ka kamaxunbi 'ën me ënë mi 'inainshinuxun kaia kuatia. Usa 'ain kamina min xanu anu maínti 'ain.

Génesis 23:11 Iomraidhean Croise

Génesis 23:12

Ësokin kakëx ka unikamami ñanati ꞌitëkënkin ka Abrahamnën,

Génesis 23:18

usakian Abrahamnën bikëx ka a me ainan ꞌiakëxa. Usa ꞌain ka hitita unikama ꞌimainun raíri uni kamanribi anun inúkin iskë ꞌixun ënë mex ka nunama ꞌikë kixun ꞌunánkëxa.

Génesis 23:6

—¡Usama ka ꞌën ꞌIbu kamina! ꞌËn kakëxun kuati ꞌain. Mix kamina nubë ꞌikë uni ꞌain, usa ꞌaish kamina mix achúshi uni Nukën ꞌIbu Diosan kaískë ꞌain. Usa ꞌikë ka mi ꞌakinia ax kushiira ꞌixun usa ꞌain kamina min xanu ñukë a uinu ꞌikë ax kara upíira ꞌikë istankëxun anu mëníoti ꞌain, uinu ꞌikë unínbi ka ꞌanu ꞌaxuma ꞌanun kixun mi katima ꞌikën kamina ꞌati ꞌain.

Isaías 32:8

Usa ꞌaínbi ka upí uni an upiokin, sinánkin bëtsiokin sinántëkënkima an sinánkësabi okin ñu ꞌaia.

Lucas 19:24

Caxun ca ꞌapun anu ꞌicë unicama caxa: A curíqui ꞌën a ꞌinan, a camina a uninua bixun, an mëcën rabë́ sënën ꞌinun curíqui bicë uni a ꞌinánti ꞌain.

Deuteronomio 19:15

Ësokin ka Moisésnën Israel unikama katëkëankëxa: Achúshi uníxa këmëi banai a unin ka ꞌatima ñuira ꞌakin a tanti bana kikësokin ꞌakinma uni ꞌaxa kikëbëtan kamina asérabi ka ax ꞌikë kixun sinántima ꞌain. Usa ꞌaínbi kamina rabë́ ꞌimainun achúshi uni an usai ka asérabi ꞌiaxa kixun bana ñuiti bëkë axa asérabi ka usakin ꞌaxa kikëbëtan usa ka kixun kati ꞌain.

Rut 4:1

Usai ꞌikë basikëbë ka Booz kakë uni ax anun ëmanu atsínti xëkuënu tsóti kuankëxa, ax ka anuaxa uni timë́ax banakë ꞌiakëxa. Anua tsótanbi ka a ñuia Booz kikë aín aintsi ax inúakëxa. Inutiabi ka Booznën kuënkin kakëxa: —Ënupan ka tsóbuti ut kixun. Kakëx aí ka aín aintsi ax tsóbuakëxa.

Rut 4:11

Ësai kia ka anu ꞌikë ꞌapukama ꞌimainun anua timë́kë unikama atúnribi kakëxa: —Usa ka nunbi kananuna ꞌunanin. ¡Usa ꞌain ka min xanu ꞌiti Rut a Nukën ꞌIbun Raquel ꞌimainun Lía ꞌasaribiokin ꞌakinti ꞌikën, ꞌakinkëxun ka ꞌitsaira tuapakëxa usa ꞌain kananuna israel unibu ain rëbúnki nux ꞌain! ꞌImainun kananuna mixmi bëtsi uni kamasamaira ꞌianan upí sinánñu ꞌain Efrata kakë ꞌikëbi Belén kakë ëma ënu ꞌiti kuëënin.

Rut 4:4

ꞌËn kana ësokin minribimi ꞌunánun mi kain, min marutisa tankin kamina ꞌati ꞌain, usa ꞌain kana bërí ënë ëmanu ꞌikë aín kushibu ënëkaman kuamainunbi mi kain. Mix kamina Elimélecnën aintsi ꞌibu ꞌain, usa ꞌixun kamina min a me marutisa tankin maruti ꞌain. Min ꞌaiama kana ꞌën maruti ꞌain, usa ꞌain kamina ꞌën ꞌunánkë ꞌinun ꞌë kati ꞌain, mi ꞌimainun ꞌëxëshi kana a me maruti asábi ꞌain. Kakëx ka aín aintsi ꞌibu ax kana maruti ꞌai kiax kiakëxa.

Rut 4:9

Usakin ꞌinánkëxun ka Booznën anua ꞌikë uni apanbu ꞌimainun abë ꞌikë unikama kakëxa: —Mitsúnbi kamina ꞌunánin ꞌën kana Noemínën me Elimélec Quilión ꞌimainun Mahlónën me ꞌia a maruti ꞌain.