Génesis 22:12 - Kashibo-Kakataibo Biblia

¹² Kakëxun ka Nukën ꞌIbu Diosan ángelnën amiribishi kakëxa: —Min bëchikë uisabi oxuma ka ꞌat, bërí ka Nukën ꞌIbu Diosan mixmi asérabi ami sinánkëxun, min nuitu ꞌunánxa min kamina min bëchikë ñuñakima achúshira ꞌikëbi nuibakinma a rabikin ꞌakatsi ꞌian.

Nukën 'Ibu Diosan ain unikama 'inan ain bana

¹² Kakëxun ka Nukën 'Ibu Diosan ángelnën amiribishi kakëxa: —Min bëchikë uisabi oxuma ka 'at, bërí ka Nukën 'Ibu Diosan mixmi asérabi ami sinánkëxun, min nuitu 'unánxa min kamina min bëchikë ñuñakima achúshira 'ikëbi nuibakinma a rabikin 'akatsi 'ian.

Génesis 22:12 Iomraidhean Croise

Génesis 20:11

ësokian kakëxun ka Abrahamnën kakëxa: —ꞌËn kana ënë menu ꞌikë unikaman Nukën ꞌIbu Dios kikësama oi ꞌikësa sinan, usa ꞌixun ka ꞌën xanu Sara bikin ꞌë ꞌakánti ꞌikë kixun.

Génesis 22:13

Kakëx kaxú bësukin isi kuainakëkinbi ka Abrahamnën carnero achúshi i pëñanakëmi aín mancha utëanx a tanain nikë mërakëxa; usai ꞌikë mërakin ka Abrahamnën carnero bixun, aín bëchikë nëakë a tubuana rëtankëxun Nukën ꞌIbu Dios rabikin xaroxuankëxa.

Génesis 22:16

kuënkin ka kakëxa: —Nukën ꞌIbu ka kiaxa: Kana isa kamina min bëchikë achúshira ꞌikëbi mi ñukákëxun ꞌën mi kakësabiokin ꞌan, usa ꞌaish kana ꞌëxbi asérabi sinanatëkëntima oi kin,

Génesis 22:2

Ësokian kakëxun ka Nukën ꞌIbu Diosan kakëxa: —Min bëchikë Isaac, ami asérabi nuibairakë, a buani kamina kuanti ꞌain matán me Moria kakë anu. Buánxun kamina anu bëbakin, min bëchikë ꞌatankëxun ꞌë rabikin ñuina ꞌakësaribi okin xaroti ꞌain, ꞌën mi uinu ꞌikë matánuxun kaina ꞌati ꞌai kixun ismimainun.

Génesis 26:5

ësokinribi ꞌën kakëxun ka Abrahamnën ꞌën kakësokin ax kikësoibi ꞌiti banakama ꞌianan a tanti banakama ꞌën ꞌunánmikësabi okin ꞌakëxa.”

Génesis 42:18

usakin sipuaxunbi ka rabë́ ꞌimainun achúshi nëtë ꞌikëbëtan atu kakëxa: —ꞌËx kana Dios kikësabi oi ꞌikë uni ꞌain. Usa ꞌain kamina mitsun ꞌën kakësabiokin ꞌati ꞌain, mitsúxmi nu këmë kuatsinxun ꞌutuni ukë ꞌikëbi:

Job 1:1

Anu ka achúshi uni Job kakin anëkë ꞌiakëxa, ax ka Us kakë me anu tsóakëxa, usa ꞌixun ka uisa ñu ꞌatimabi ꞌati sinánkëma ꞌianan, Dios kuëënkësabi okinshi aín nuitu upí ꞌixun ñu ꞌakin bëtsi uni ꞌatima oti sinánkëma ꞌiakëxa.

Job 5:19

Uínsaran kaina ñu ꞌatima inuti ꞌai anun ka achúshira okin ꞌakintankëxun ënkinma mi ꞌakinti ꞌikën, ꞌianan ka uisa ñu inuti kaina tëmërati ꞌai usabi mi tsónun mi ꞌimitima ꞌikën.

Salmos 1:6

Diosan ka an ñu upíshi ꞌakë unikama atun tsóti bërúaia, ꞌaínbi ka an ꞌatima ñu ꞌakë unikamax ꞌaisama ñu ꞌai anunbi ꞌatimatia.

Salmos 2:11

Dios rabikin kamina kuëëni shaíkikin rabikanti ꞌain; usakin ꞌai ka ami rakuë́kanti ꞌikën,

Éxodo 20:20

Ësai kiabi ka Moisésnën kakëxa: —Rakuë́axma ka ꞌik. Dios ax ka asérabi karanuna ami rakuë́ti ax kikësabi oi ami ꞌuchaima isnuxun nu tani uaxa.

Proverbios 1:7

Uikamax kara ñu ꞌunánkëira ꞌisatania an ka Diosan bana kikësabiokin ꞌakin; uisai kara a banakama kia usabi okin ꞌati ꞌikën; ꞌaínbi ka an bana kuakëma unikama ax uisabi okin kati kuëënima ꞌianan, uisa bana upibi ꞌunámikin kaisama ꞌikën.

Jeremías 19:5

ꞌAnan ka anuxun atun bakë bëchikëkama Baal kakë atun dios a ꞌaímai këñutanun xaroxunti ꞌakëxa, ꞌaínbi kana usakia ñu ꞌanun káma ꞌain, ꞌianan kana ꞌënbi usakin ka ñu ꞌati ꞌikë kixun sinánma ꞌain.

Malaquías 4:2

ꞌAínbi ka an ꞌëx kikësabiokin ꞌakë unikama mitsunan, ꞌën ꞌakë ñu upíkama ax. Barin urukin pë́kabëtsinkësa usaribi ꞌiti ꞌikën, an ka mitsu ië́miti ꞌikën. Usakin ꞌakëx kamina kuëëni vaca bakëkama anuxun pimikë xubunuax chikiti chirinkë usairibi ꞌikanti ꞌain.

Mateo 16:24

Catancëxun ca aín ꞌunánmicë unicama ësaquin Jesusan cacëxa: —Uix cara ꞌën uni ꞌiisa tania an ca a ꞌai bamanuxunbi ꞌëmi catamëti quicë bana ënquinma ꞌati ꞌicën.

Mateo 19:29

Ësaquinribi cana mitsu cain, uinu ꞌicë unin cara ꞌëx cuëëncësabi oquin ꞌanuxun aín xucën, aín chirabacë, aín papa, aín tita, aín bëchicë, aín naë, añu ñu cara, abi ëanxa, a unix ca ëncë ñuñu ꞌicësamaira oi ñuñu ꞌiti ꞌicën. ꞌIanan ca Nucën Papa Dios quicësabi oi aín nëtënu abë nëtë́timoi ꞌiti ꞌicën.

Mateo 5:16

Usaribi oquin camina mitsun mibë ꞌicë unicama upiti bucuti ꞌunánun ꞌaquincë ꞌaish lamparínsaribi ꞌiti ꞌain. Mitsun ñu upí ꞌaia isquin ca cuëënquin a unicaman min Papa Dios naínu ꞌicë a rabiti ꞌicën.

Juan 3:16

Camabi uni asérabi nuibaquin ca Nucën Papa Diosan aín Bëchicë achúshi ënë menu xuacëxa, uicamax cara ami catamëtia axa nëtë́timoi abë ꞌinun.

Hechos 9:31

Usa ꞌain ca Judea menu ꞌimainun Galilea menu ꞌimainun Samaria menuribi, axa Jesucristomi catamëcë unicama uínbi ubíocëma ꞌaish chuámarua bucüacëxa, usai ꞌi ca Jesucristomi catamëti ꞌitsarui cushiacëxa. Usaía ꞌicëbë ca raíri uniribi abë timëti Nucën ꞌIbu Diosan bana upí oquin cuati, aín Bëru Ñumshin Upitan ꞌaquincëx ꞌitsarui Jesúsmi sináncëxa.

Romanos 5:8

Usa ꞌaínbi ca Nucën Papa Diosan nuxnu ꞌuchañu ꞌicëbi nu nuibaquin nun ꞌucha tërë́nuxa Cristo bamanun mëníocëxa. Usaquian mënío sinánquin cananuna ꞌunanin, uisaira oquin cara nu nuibatia quixun.

Romanos 8:32

An ca —ꞌën Bëchicë ca bamatima ꞌicë —quiquinma nun ꞌuchacama cupía bamanun ënë nëtënu aín Bëchicë xuacëxa. Usa ꞌixun ca aín Bëchicë cupínu nux upitax tsónun nu ꞌimianan anun nu upitax tsóti ñucamaribi nu ꞌinánti ꞌicën.

1 Corintios 10:13

Ñu ꞌatima ꞌati sinánquinbi camina ꞌunánti ꞌain, mitsúinshima uni itsínribi ca usaribi oquin sinani tëmëraia quixun. Usa ꞌaínbi ca Nucën Papa Diosan, ax quicësabi oquin mitsu ꞌaquinquin, ñunshin ꞌatimanën mitsu ꞌaisamaira oquin tanun ënima. An ca ami catamëquinmi min ñu ꞌatima ꞌati sináncë ënun mitsu cushioquin, uisaxun caramina ënti ꞌai quixun mitsu sinánmiti ꞌicën.

2 Corintios 8:12

Curíquiñu ꞌixun unin ꞌinántisa tanquin ꞌinánti ax ca Nucën Papa Diosan iscëx asábi ꞌicën. Usaribiti ca curíquiñuma ꞌixun unin ꞌinántisa tanquinbi ꞌináncëma, axribi Nucën Papa Diosan iscëx asábi ꞌicën.

Hebreos 11:19

Buánquin ca sináncëxa: —ꞌËn bëchicë achúshi, Isaac, aín rëbúnqui ca asérabi ꞌitsaira ꞌiti ꞌicën, Nucën Papa Diosan ꞌë cacësabi oi. Usaía ꞌinun ca bamacëbi baísquimiti ꞌicë —quixun. Usaquin sinánquian Nucën Papa Diosan cacësabi oquin Abrahamnën ꞌati ꞌaíshbi ca Nucën Papa Diosan xucëxun ángelnën Abraham cacëbë Isaac bamati ꞌaíshbi ië́acëxa.

Hebreos 12:28

Ax xënibua ꞌaínbi cëñútimoi nucën ꞌApuira ꞌain cananuna nux nëtëtima anu abë ꞌianan aín unicamabë ꞌiti ꞌain. Usai ꞌiti sinánquin cananuna Nucën Papa Diosmi sinánquin aín bana cuaquin —asábi ca —cai cuëënquin a rabiti ꞌain, ax cuëëncësabi oquin,

Santiago 2:18

Unin sapi ca uni itsi cati ꞌicën: Mixmi Jesucristomi cana catamëti quimainunbi cana ꞌën upí ñu ꞌain. Mixmi —Jesucristomi cana catamëti —quicëbëtanbi cana minmi upí ñu ꞌaia iscëma ꞌixun asérabi camina usa ꞌai quixun sinántima ꞌain. Usa ꞌaínbi cana ꞌën ñu upí ꞌacë ꞌixun mi ismiti ꞌain, ꞌëx cana asérabi Jesucristomi catamëcë ꞌai quixun. Usaía a uni quicë ax ca asérabi ꞌicën.

Apocalipsis 19:5

Cacë́xa anu Nucën Papa Dios ꞌicë anuax ësai banaia cana cuan: An axa cuëëncësabi oquin ꞌacë unicama, aín cushibu ꞌimainun aín cushimabu, mitsun camina camaxunbi Nucën Papa Dios rabiti ꞌain.

1 Samuel 15:22

Usokin kakëxunbi ka Samuelnën kakëxa: Nukën ꞌIbun ka kuëënia ax kikësokinshi ꞌaxúnti, usa ꞌain ka ñuina xaroxuntishi kuëënima; ax kikësabi okinshi ꞌati ax ka ñuina xaroxuanan carnero aín xëni xaroxunkë usamaira ꞌikën.