Génesis 20:7 - Kashibo-Kakataibo Biblia

⁷ ꞌAínbi kamina bërí, a xanu aín bënë ꞌinántëkënti ꞌain, ax ka an Dios kikë bana ñuixunkë ꞌikën, usa ꞌixun ka an mi ꞌë ñukáxunti ꞌikën, ñukáxunkëx kamina mix upitax tsóti ꞌain; usa ꞌain kamina bëríbi a uni aín xanu ꞌinántëkënti ꞌain, ami ꞌinankëbëma ka min xanu ꞌimainun min xubunu ꞌikë unikamaribi këñuti ꞌikën.

Nukën 'Ibu Diosan ain unikama 'inan ain bana

⁷ 'Aínbi kamina bërí, a xanu aín bënë 'inántëkënti 'ain, ax ka an Dios kikë bana ñuixunkë 'ikën, usa 'ixun ka an mi 'ë ñukáxunti 'ikën, ñukáxunkëx kamina mix upitax tsóti 'ain; usa 'ain kamina bëríbi a uni aín xanu 'inántëkënti 'ain, ami 'inankëbëma ka min xanu 'imainun min xubunu 'ikë unikamaribi këñuti 'ikën.

Génesis 20:7 Iomraidhean Croise

Génesis 12:15

Ismainun ka Egiptonu ꞌikë ꞌapu faraón an ñu mëëxunkë unikamanribi isakëxa, isiani ka anu ka achúshi xanu upíira uaxa kixun kai rikiankëxa. Kakëxun ka aín unikama aín ꞌikënu bëtánun kixun kakëxa kakëxun ka aín ꞌikënu.

Génesis 12:17

ꞌAínbi ka Sarai kupí, Nukën ꞌIbun faraón ꞌatimokin tëmëramiakëxa aín aintsikama këñunbi ꞌanan kamabi unikamaribi ꞌinsínmiakëxa.

Génesis 2:17

ꞌën kana mi kain, anun upí ꞌimainun ꞌaisama ñu ꞌunánti a i ain bimi kamina pitima ꞌain. Uisaran karamina a bimi pin a nëtënbi kamina bamakë ꞌiti ꞌain.

Génesis 20:18

Nukën ꞌIbun ka Sara kupí, kamabi xanukama ꞌapu Abimélec aín xubunu ꞌikë kamaxa tuáñuma ꞌinun ꞌimiakëxa Sara aín xubunu buánkë kupí ka usakin Nukën ꞌIbu Diosan ꞌakëxa.

Génesis 20:3

ꞌaínbi ka a imë́bi ꞌapu Abimélec namámikin, Nukën ꞌIbu Diosan kakëxa: Mix kamina bamati ꞌain, xanumi bikë ax ka bënëñu ꞌikën.

Génesis 20:8

Usakin koónkëxa pëkarakëma ꞌaínshi nirukin ka ꞌapu Abimélecnën an ñumëmikë unikama kuënxun ñuixuankëxa, kamabi an namákin iskëkama. Usokian ñuixunkëxun kuati ka an ñumëmikë unikama ꞌitsaira rakuë́akëxa.

Génesis 23:6

—¡Usama ka ꞌën ꞌIbu kamina! ꞌËn kakëxun kuati ꞌain. Mix kamina nubë ꞌikë uni ꞌain, usa ꞌaish kamina mix achúshi uni Nukën ꞌIbu Diosan kaískë ꞌain. Usa ꞌikë ka mi ꞌakinia ax kushiira ꞌixun usa ꞌain kamina min xanu ñukë a uinu ꞌikë ax kara upíira ꞌikë istankëxun anu mëníoti ꞌain, uinu ꞌikë unínbi ka ꞌanu ꞌaxuma ꞌanun kixun mi katima ꞌikën kamina ꞌati ꞌain.

2 Reyes 5:11

Ësokin kakëxbi ka Naamán ꞌaisamairai nishi ësai kikiani kuankëxa: —ꞌËn kana an bana ñuikë unia uisa kaina ꞌai kai chikíkin ꞌë bisa sinan, ꞌimainun kana ꞌëa aín ꞌIbu Dios ñukaxunkin aín mëkënan ꞌën ꞌinsínkë ramëkin an ꞌën nami chëkimikë pëxkutisa sinánkë ꞌian.

Job 42:8

Usa ꞌain kamina bërí ꞌëx mitsumi nishkë a nëtë́tanun, mapai achúshi ꞌimainun rabë́ vaca bërí kanikë këñun mapai achúshi ꞌimainun rabë́ carnero bibiani uinu kara ꞌën uni Job ꞌia anu a buani kuanti ꞌain, anuxun kamina a ñuinakama rëxun ꞌaímai këñutanun xaroti ꞌain. Usakin ꞌakëbëtan ka ꞌën uni Jobnën mitsu ꞌë ñukáxunti ꞌikën, ñukákëxun kana an ꞌë kakësabiokin, mitsu uisabi otima ꞌain, mitsun kamina asérabi ꞌë ñui upiti banaiman, ꞌën uni Job ax kikësai.

Éxodo 4:16

Min kamina abë banakin Aarón ꞌëxbi abë banakësa ꞌinun kati ꞌain, usa ꞌixun ka Aarónënbi kamabi bana minmi ñuixunkë kamabi unikama kati ꞌikën.

Éxodo 7:1

Usa ꞌain ka Nukën ꞌIbun Moisés katëkëankëxa: —Ka kuat, ꞌën kana mi ꞌësaribi ꞌixunmi Egiptonu ꞌikë ꞌapu faraónën ismainun ñu ꞌanun mi kain, ꞌimainun ka min xukë́n Aarón mix kikësa ꞌitanun banati ꞌikën.

Jeremías 14:11

Nukën ꞌIbu Diosan ka ꞌë kakëxa: ꞌË kamina ënë unikama upiokin ꞌakinun kixun katima ꞌain.

Jeremías 15:1

Ësakin ka Nukën ꞌIbun ꞌë kakëxa: Mitsun chaitiokë Moisés ꞌimainun Samuelnën ꞌë bëtánain nirakëxun usakin kamina ꞌatima ꞌai kixun kakëxunbi kana ënë unikama nuibatima ꞌain. Usa ꞌain kamina anu ꞌëx ꞌikë ënuax chikíkiania kuantanun ënë unikama kati ꞌain.

Ezequiel 3:18

ꞌËx kana uni ꞌuchañukamax ka aín ꞌatima ñu ꞌakë anubi bamati ꞌikë kiax kiti ꞌain; usa ꞌaínbi min a uni ꞌatima sinánñukama aín ñu ꞌatima ꞌakëkama ëntankëxua ñu upí ꞌanun kakëma ꞌain ka ain ꞌucha kupíbi bamati ꞌikën, ꞌaínbi kana ꞌë mi aín bamakë kupí uisa kupí kara ax bamaxa kixun ñukáti ꞌain.

Ezequiel 33:8

ꞌËx kana uni ꞌatima sinánñu achúshi ka bamati ꞌikë kiax kiti ꞌain; ax ka asábi ꞌikën, usa ꞌaínbi kamina min abë banakin aín tsóti mëníokanun kati ꞌain, usakin kakëxubi ka a unin min kakë bana kuatima ꞌikën, usai ꞌika a uni aín ꞌuchakë anunbi bamati ꞌikën, usa ꞌaínbi kana ꞌën mi a uni bamakëbëtan uisa kupí kara a uni bamaxa kixun mi ñukáti ꞌain.

Hechos 8:24

Cacëxun ca Simonan Pedro cacëxa: —Min ꞌë cacë bana usai ꞌëx ꞌiaxma ꞌinun camina mitsun Nucën ꞌIbu Dios ꞌë ñucáxunti ꞌain.

1 Corintios 14:4

Axa Nucën Papa Dios rabi unin cuacëma banan banacë uni ax ca axbi Jesucristo upiti sinania. Usa ꞌaínbi ca an Nucën Papa Diosan sinánmicëxun aín bana unicama ñuixuncë uni an axa Jesucristomi catamëcë unicaman ami catamëquin an cacësabi oquin ꞌanun ꞌunánmia.

Hebreos 1:1

Bëráma ca Nucën Papa Diosan nucën raracaman aín cushi ꞌunánan uisai cara aín uni ꞌiti ꞌicë quixun ꞌunánun, Nucën Papa Dios, an sinánmicë bana uni ñuixuncë unicamabë bananan namámiquin canan, bëtsi bëtsi ñu ismiquin canan, bëtsi bëtsi ñu ꞌaquinribi atu ismiacëxa.

Hebreos 13:4

Min xanuma ꞌain camina xanu itsibë ꞌitima ꞌain. Xanu minan ꞌiti bitancëxun camina abë nuibananquin upí oxun ꞌiquinti ꞌain. Aín xanuma ꞌain bënëñuma xanubë ꞌiti ꞌimainun uni itsin xanubë ꞌiti ca Nucën Papa Dios cuëënima. Cuëënquinma ca usa uni ꞌimainun usa xanuribi ꞌuchoquin uisa cara oti ꞌicë usoquin ꞌati ꞌicën.

1 Juan 5:16

Abëa Jesucristomi catamëcë uni itsían ñu ꞌatima ꞌaia ꞌunánquin ca unin —tërë́ntisama ꞌinun ca ꞌuchacëma ꞌicë —quixun sinánquin aín ꞌucha tërë́nquin sinanaminun Nucën Papa Dios ñucáxunti ꞌicën. Ñucáxuncëxun ca Nucën Papa Diosan aín ꞌucha tërë́nquin a uni upí ꞌitëcënun ꞌimiti ꞌicën. Usa ꞌaínbi cana axa tërë́ntisama ꞌinun ꞌuchacë uni a Nucën Papa Dios ñucáxunun quixun mitsu caiman.

1 Samuel 12:19

Usai ꞌikin ka kamabi unikaman Samuel kakëxa: —Min kamina Dios ñukáti ꞌain, an mi ñu mëëxunti unikama nu kupí, an ka nu këñunun ꞌimitima ꞌikën; nun kananuna ami ꞌaisamairai ꞌuchakë ꞌixunbi amiribishi achúshi ꞌapu nu ꞌinánun kixunribi ñukan.

1 Samuel 12:23

ꞌËn kana mitsu Nukën ꞌIbu ñukaxunkin ëntima ꞌain, mitsu ñukáxunima kana ami ꞌuchakë ꞌiti ꞌain. ꞌIanan kana uisai kaina mitsux an kuëënkësabi ꞌoíshi tsóti ꞌain akama ꞌunánmiti ꞌain.

1 Samuel 7:5

Usokin ꞌatankëxun ka Samuelnën, an timë́kanun kixun kati uni xuakëxa: “Xukëxun kakëx uax Mispá kakë ëmanu timë́kankëxa, anuxun ka Nukën ꞌIbu ꞌakinun ñukáxuankëxa.”

1 Samuel 7:8

usai ꞌikin ka Samuel kakankëxa: “Nukën Ibu nu ñukaxunkin kamina ëntima ꞌain, an ka filisteo unikaman ꞌati ꞌikëbi nu ië́miti ꞌikën.”