Génesis 20:3 - Kashibo-Kakataibo Biblia

³ ꞌaínbi ka a imë́bi ꞌapu Abimélec namámikin, Nukën ꞌIbu Diosan kakëxa: Mix kamina bamati ꞌain, xanumi bikë ax ka bënëñu ꞌikën.

Nukën 'Ibu Diosan ain unikama 'inan ain bana

³ 'aínbi ka a imë́bi 'apu Abimélec namámikin, Nukën 'Ibu Diosan kakëxa: Mix kamina bamati 'ain, xanumi bikë ax ka bënëñu 'ikën.

Génesis 20:3 Iomraidhean Croise

Génesis 12:17

ꞌAínbi ka Sarai kupí, Nukën ꞌIbun faraón ꞌatimokin tëmëramiakëxa aín aintsikama këñunbi ꞌanan kamabi unikamaribi ꞌinsínmiakëxa.

Génesis 12:18

Usai ꞌikin ka faraónën Abram kamiakëxa, kamikëxa aia ka kakëxa: ¿Uisa kupín karamina ësokin ꞌën ꞌan? ¿Uisa kupín karamina min xanu ꞌaínbi ax ka ꞌën xanuma ꞌikë kixun ꞌë kakëma ꞌain?

Génesis 20:7

ꞌAínbi kamina bërí, a xanu aín bënë ꞌinántëkënti ꞌain, ax ka an Dios kikë bana ñuixunkë ꞌikën, usa ꞌixun ka an mi ꞌë ñukáxunti ꞌikën, ñukáxunkëx kamina mix upitax tsóti ꞌain; usa ꞌain kamina bëríbi a uni aín xanu ꞌinántëkënti ꞌain, ami ꞌinankëbëma ka min xanu ꞌimainun min xubunu ꞌikë unikamaribi këñuti ꞌikën.

Génesis 28:12

Anuxun namákin, iskëxbi ka achúshi tapitinëx menuaxbi kuarutankëxa naínu sënën ꞌikë isakëxa, iskin ka anua Diosan ángelkama kuarumainun raírinëxribi ubuti nitsia isakëxa.

Génesis 31:24

ꞌAínbi ka a imë́ Nukën ꞌIbu Diosan Labán arameo uni a namámikin kakëxa: ꞌËn kakëxun kamina kuati ꞌain, min piaka Jacob kamina ꞌatima banan katima ꞌain.

Génesis 37:5

Usakin aín xukë́nkaman ꞌakëxun ka Josénën achúshi ñantan namákëxa, namáxun ka aín xukënkama ñuixuankëxa ñuixunkëxbi ka atiaira xuamati ami nishakëxa,

Génesis 37:9

Usokin namátankëxun ka basikëbëtan Josénën amirbishi namátëkënxun aín xukë́nkama ñuixuankëxa. Ñuixunkin ka ësokin kakëxa: —¿ꞌËn kana namátëkënkin bari, ꞌuxë, mapai rabë́ ꞌimainun achúshi ꞌispa akamaxa ꞌëmi ñanati shaíkia isan kixun kaina ꞌunánkaniman?

Génesis 40:5

Achúshi imë́ ka sipunu ꞌikë uni rabëtan namákëxa, an uvas baka ꞌapu xëati ꞌinánkë ꞌimainun ka an ꞌapu pán ꞌinánkë aín kushi a rabëxun namákëxa, a namákënëx ka achúshi achúshinëx usaía ꞌitiñu ꞌiakëxa.

Génesis 40:8

—Nu rabë́xun kananuna ënë imë́ ësokin namán, ꞌaínbi ka uisakin namákë kara ax ꞌikë kixun an nu ñuixunti ꞌaíma ꞌikën kakëxun ka Josénën. —¿Diosan kara uisakin namákë kara min namákë ax ꞌikë kixun mi ñuixuntima ꞌik? —Kixun atu kakëxa katankëxun ka Josénën—. ꞌË kamina min namákëkama ñuixunti ꞌai kixun kakëxa.

Génesis 46:2

A imë́bi ka Diosan abë banakin Jacob ꞌikëbia Israel kakin anëkë a kuënkin namámikësokin kakëxa. Kakëxun ka an: —Ënu kana ꞌain kixun ka kakëxa.

Salmos 105:14

Usai ꞌikëbëtan ka uínbi atu ubionun Diosan ꞌamiama ꞌikën ꞌianan ka ꞌapukamanribia uisabi atu oxuma ꞌanun ꞌamiama ꞌikën:

Jonás 3:4

Usa ꞌain ka Jonás kuanx a ëmanu atsíntankëx munuma banakin Diosan kakë banakama anu ꞌikë unikama kai achúshi nëtë ꞌimi niakëxa. Nikin ka ësokin kakëxa, ënuax cuarenta nëtë ꞌikëbë ka Nínive kakë ëma ënëx Diosan ꞌatimokin masókë ꞌianan ꞌaisama okë ꞌiti ꞌikë kixun ka kakëxa.

Números 22:9

ꞌAínbi ka Diosan ami mërakin ësokin Balaam ñukákëxa: —¿Uinu ꞌikë unikama kara min ꞌitinu bëbakë ax ꞌik?

Mateo 1:20

Usoquin sinántancëx ꞌuxun ca Josénën namáquin Nucën ꞌIbu Diosan xucë aín ángel achúshi isacëxa. Iscëxun ca cacëxa: —José, Davitan rëbúnqui, cana mi cain. Maríanën tuá ax ca Nucën Papa Diosan Bëru Ñunshin Upitan ꞌimicëxëshia ꞌicë ꞌicën. Usa ꞌain camina timaquinma min xanu ꞌinun María biti ꞌain.

Mateo 27:19

Pilatoa anuxun uni manania cuati, anu ꞌain ca aín xanun achúshi uni xuquin Pilato ësoquin camiacëxa: —Ënë uni cupí cana masáquin namáan. Ax ca ꞌuchañuma ꞌicën. Usa ꞌain camina a ꞌanun uni ꞌinántima ꞌain. Ësaquian aín xanun camicë banaribi sinánquin ca Pilatonën Jesús chiquíntisa tancëxa.