Génesis 2:8 - Kashibo-Kakataibo Biblia

⁸ Usokin ꞌatankëxun ka Nukën ꞌIbu Diosan Edén kakë naësa me, auküaxa bari urukë, anu achúshi naësa okin ꞌaxun anuxun kamabi ñu bëruánti anubi ëankëxa.

Nukën 'Ibu Diosan ain unikama 'inan ain bana

⁸ Usokin 'atankëxun ka Nukën 'Ibu Diosan Edén kakë naësa me, auküaxa bari urukë, anu achúshi naësa okin 'axun anuxun kamabi ñu bëruánti anubi ëankëxa.

Génesis 2:8 Iomraidhean Croise

Génesis 13:10

Usakian Abramnën kakëxun ka Lotnën me upí anu ꞌiisa Jordán kakë baka ꞌurama anua ꞌumpax ꞌitsaira ꞌikë a isakëxa, iskin ka Sóar ꞌurama ꞌikë ëma chukúma aribi isakëxa, usa ꞌain ka a menu ꞌitsaira ꞌumpax ꞌimainun naësa me chaiira ꞌikë isakëxa. Ax ka Egipto me iskësa ꞌiakëxa. (Ënëx ka Nukën ꞌIbun Sodoma ꞌimainun Gomorra ëma këñutisama pain ꞌain ꞌiakëxa.)

Génesis 3:23

Usakin katankëxun ka Nukën ꞌIbu Diosan uni Edénnua chikínkin, an uniokë ꞌixuan me naëoxun anu ñu mëënun kixun ëankëxa.

Génesis 3:24

Usakin uni chikíntankëxun ka Nukën ꞌIbu Diosan naësa amiaxa bari urukë au ain ángel raíri Edénu ꞌikë bainu nitsíankëxa. Ax ka ángel suntárusa ꞌiakëxa. An ka manë xëtokë tsi rëkirukësa ꞌixuan kuainakë bëkinkin anun bamatima i bimi anua uíxbi kuantirabanan bai bëarati anu nankëxa.

Génesis 4:16

Usakian Nukën ꞌIbu kakëx ka Caín anuaxa abë banakë me ëbiani kuankëxa, kuantankëx ka Nod, kakë me amiaxa bari urukë Edén ꞌikë anu ꞌiakëxa.

2 Reyes 19:12

¿Bëtsi dioskama kara ꞌën chaitiokëkama raíri ëma masókin ꞌaia Gozán, Harán, Résef ꞌimainun Bet-edén menua ꞌikë ëma Telasar anua bukukë unikama ië́miakëx?

Joel 2:3

A suntárukaman ka tsin ërë́nrukin bënë́kinshi, kamabi ñu këñukësa okin ꞌaia; usa ꞌain ka tsi rëkirukiantankëx ꞌinúkëbë ñankáishi ꞌikë usaribi ꞌiti ꞌikën. Atúxa kuankëmapain ꞌain ka me upíira ꞌaish, Edén kakë naësa ꞌiakëxa, ꞌaínbi ka atux kuankëbë anu uni ꞌikëma mesa ꞌiti ꞌikën. ¡ꞌAíma ka anuaxa abati ꞌiakëti ñu ꞌikën!