Génesis 19:9 - Kashibo-Kakataibo Biblia

⁹ Ësokian kakëxunbi ka unikaman kakëxa: —¡Mix amo nirakëanan kamina min xubunu nu atsímiti ꞌain! Mix ënu ꞌikë uni ꞌixun kaina min kuëënkësokin nu ꞌati ꞌain. ¡Bërí kananuna a unikama ꞌakima mi ꞌatima oti ꞌain! Usakin kakinshi ka Lot xutunkin aín xëpútinubi rakankin ñatankankëxa,

Nukën 'Ibu Diosan ain unikama 'inan ain bana

⁹ Ësokian kakëxunbi ka unikaman kakëxa: —¡Mix amo nirakëanan kamina min xubunu nu atsímiti 'ain! Mix ënu 'ikë uni 'ixun kaina min kuëënkësokin nu 'ati 'ain. ¡Bërí kananuna a unikama 'akima mi 'atima oti 'ain! Usakin kakinshi ka Lot xutunkin aín xëpútinubi rakankin ñatankankëxa,

Génesis 19:9 Iomraidhean Croise

Génesis 11:6

Ësokin unikaman ꞌakëbëtan ka Diosan sinánkëxa: Atux ka achúshi ëma chaiira ꞌanan achúshi banáinshi banaia; usa ꞌixun ka ënë ñu mëëti ꞌati sinánxun ꞌaia, bërí ka uínbi ëmitisama ꞌinun ꞌaia.

Génesis 13:12

Usa ꞌain ka Abram axa Canaán kakë me anubi bërúmainun, Lot ax me sapan amia ꞌikë ëmakama Sodoma ꞌimainun Gomorra a ꞌurama tsóti kuankëxa,

Éxodo 2:14

Usakian kakëxunbi ka an bëtsi mëkë hebreo unin kakëxa: —¿Uin kara mi nun ꞌapu ꞌianan nun kushi ꞌinun mi ꞌimiax? ¿Min kaina egipcio unimi ꞌakësokin ꞌë ribi ꞌati sinanin? Ësokian kakëxun kuati ka Moisés rakuë́akëxa, rakuë́kin ka ꞌën egipcio uni rëonkë a ka ꞌunánxa kixun sinánkëxa.

Proverbios 27:3

Maxákama ꞌimainun masikama ax ka ꞌëñë ꞌikën, ꞌaínbi ka usamaira ꞌunántisa ꞌikëbia ñu ꞌunánkëma unikama atun nishkë ax ꞌikën.

Isaías 65:5

A unikamax ka ësai kiakëxa, nu ꞌurama oíma kamina ꞌuri bërúti ꞌain; numi ꞌurama onuma kananuna upíira upí ꞌain; usa ꞌain kamina nu ramëtima ꞌain. Usa ꞌain ka a unikamax tikakëxa tsi nëtë́timaira bari buini ërë́kë usaribi ꞌikën; usa ꞌixun ka tsin kuinan rëtunkakëx ubikë usai ꞌinun ꞌë ꞌimia.

Mateo 7:6

An Nucën Papa Dios timaquin aín bana cuaisama tancë uni camina ꞌën mitsu cacë banacama ñuixuntima ꞌain, ñuixuncëxbia atux Nucën Papa Dios ꞌusani ami ꞌatimati banai mitsumi nishquin mitsu ꞌatimoti rabanan. Usa unicamax ca an ñu upí pimicëxunbia uni ꞌuchítinën ami nishquin picësaribi ꞌicën. ꞌIanan ca unían aín cënënu niia cuchin ꞌaisamaira cupícë ñu a amáquin chuoórucësa ꞌicën.

1 Samuel 17:44

Usokin ꞌatankëxun ka ësokinribi kakëxa: —¡Ënu ꞌën mi ꞌaxun rakania ka ñuina pëchiñunën min nami pimainun raëkëma ñuinanënribi mi piti ꞌikën!

1 Samuel 2:16

Kakëxunbia an ñuina xarokë sacerdotenën Dios ꞌaxunkë ka aín xëni pain kana xaroti ꞌain, sënë́nkëbëtan kuni kamina uiti kaina kuëëni ati biti ꞌai kixun ka a ñukákë uni an kakëxa. Kakëxunbi ka: ¡Usama ka bëríbi kamina ꞌë ꞌinánti ꞌain! ꞌInánkëxuma kana mix kuëënkëbëtamabi mi bikuanti ꞌain.