Génesis 19:5 - Kashibo-Kakataibo Biblia

⁵ usai ꞌikin ka munuma sharati kushin banakin Lot kakëxa: —¿Uinu kara mibëa ënë ñantan min xubunu ukë uni rabë́ ax ꞌik? ¡Kamina chikínti ꞌain! ¡Atubë kananuna ꞌisatanin ënë imë́ kamina nu bëxúnti ꞌain!

Nukën 'Ibu Diosan ain unikama 'inan ain bana

⁵ usai 'ikin ka munuma sharati kushin banakin Lot kakëxa: —¿Uinu kara mibëa ënë ñantan min xubunu ukë uni rabë́ ax 'ik? ¡Kamina chikínti 'ain! ¡Atubë kananuna 'isatanin ënë imë́ kamina nu bëxúnti 'ain!

Génesis 19:5 Iomraidhean Croise

Génesis 19:6

Usai sharati kikëbë ka Lot atu kai chikíkin, ka aín xubu xëputi xëpúakëxa, anun uni atsintisama okin,

Isaías 1:9

Nukën ꞌIbu Dios ax kamabi kushiñu ꞌixun ka nun chaitiokëkama ië́miama ꞌain sapi kananuna, nukamax bëríbi Sodoma ꞌimainun Gomorra ꞌiásai ꞌaíma ꞌitánun këñúkë ꞌitsían.

1 Corintios 6:9

¿Aín nëtënu abë ꞌiisa ꞌaíshbi ca an ñu ꞌaisama ꞌacë uni aín nëtënu Nucën Papa Diosbë ꞌitima ꞌicë quixun caramina ꞌunaniman? Camina ꞌunánti ꞌain, ainanmabi xanu cuëëncë unicama ꞌimainun an Nucën Papa Diosmi sinánquinma unin ꞌacë ñu rabicë unicama ꞌimainun aín xanuma ꞌaínbi bëtsi unin xanubë ꞌicë uni ꞌimainun xanúxmabi uni itsibë ꞌicë uni,

1 Timoteo 1:10

aín xanuma ꞌaínbi xanubë ꞌicë unicama, aín bënëma ꞌaínbi unibë ꞌicë xanucama, xanúxmabi unibë ꞌicë unicama, an ñu mëcamacë unicama, cëmëcë unicama, axa anun Nucën Papa Diosbë upí ꞌiti bana, ënë́xa quicë ñucama cuëëncëma unicama. Ësa ñu ꞌacë unicaman —usai ꞌiti ca ꞌaisama ꞌicë —quixun ꞌunánun ca Nucën Papa Diosan uni aín bana ꞌináncëxa.

2 Timoteo 3:13

Usaía ꞌimainun ca ꞌaisama unicama ꞌimainun an uni paráncë unicama, ax bëtsi unían paráncë ꞌixun atúnribi usaribi oquin uni paráncë ꞌaish axa ꞌiásamaira ꞌiti ꞌicën.

2 Pedro 2:2

A unicaman ꞌaia isquin ca ꞌitsa unin usaribi oquin ñu ꞌatima ꞌati ꞌicën. Atúxa usai ꞌicë cupí ca uni Jesucristo ñuicë bana ñui ꞌatimati banati ꞌicën.

2 Pedro 2:7

Sodomacëñun Gomorra nënquinbi ca Nucën Papa Diosan Lot cacë uni, axa upí ꞌaish unicaman ñu ꞌatima ꞌaia isi masá nuitucë, a ië́miacëxa.

Judas 1:7

A ángelcamaxa abë ꞌiisama tanan Nucën Papa Dios cuëëncësabi oi ꞌiisama tani ꞌiásaribiti ca Sodoma ꞌimainun Gomorra ꞌimainun a ꞌurama ꞌicë ëmacamanu ꞌicë unicamaxribi ꞌiacëxa. Nucën Papa Diosan ca aín xanubëishia ꞌiti uni ꞌanan xanuribi aín bënëbëishia ꞌiti uniocëxa. Usa ꞌaínbi ca a ëmacamanu ꞌicë unicama aín xanuma ꞌaínbi bëtsi xanubë ꞌimainun xanúxribi aín bënëma ꞌaínbi bëtsi unibë ꞌimainun uníxribi xanúxmabi bëtsi unibë ꞌi, ꞌaisamairai ꞌuchacëxa. Usaía ꞌicë ca Nucën Papa Diosan aín ꞌucha cupíbi, manë tsin nëancëxa, xënibua ꞌaínbi ainanma ꞌinun. Usaía ꞌiá a sinani cananuna nuxribi usai ꞌitin rabanan bërúancati ꞌain.