Génesis 18:8 - Kashibo-Kakataibo Biblia

⁸ Usakian vaca bëna piti ꞌamainun ka Abrahamnën vaca xuma mëtuakin ꞌakë a ꞌimainun aín xuma aribi kara ꞌati ꞌikë kixun ñukákëxa, usakian atun pimainun ka a ꞌuramaxun añu ñuribi kara kuëënia aribi ꞌinánuxun kaíankëxa, kainkëxun ka i achúshi nikë tëmúxun piakëxa.

Nukën 'Ibu Diosan ain unikama 'inan ain bana

⁸ Usakian vaca bëna piti 'amainun ka Abrahamnën vaca xuma mëtuakin 'akë a 'imainun aín xuma aribi kara 'ati 'ikë kixun ñukákëxa, usakian atun pimainun ka a 'uramaxun añu ñuribi kara kuëënia aribi 'inánuxun kaíankëxa, kainkëxun ka i achúshi nikë tëmúxun piakëxa.

Génesis 18:8 Iomraidhean Croise

Génesis 18:7

Usakin aín xanu kabiani ka Abraham abákiani anua aín vaca ꞌikë anu, anua ka vaca bërí kanikë kaískin bitankëxun aín uni achúshi ꞌinánkëxa, ꞌinánkëxun ka an bënë́kinshi piti ꞌakëxa.

Génesis 18:9

Usakin pitankëx sënë́nkin ka a isia kuankë unikama achúshinën Abraham ñukákëxa: —¿Uinu kara min xanu Sara ꞌik? Kakëxun ka kakëxa ka —anu ꞌëx ꞌikë chupa këxtú xubusa okin ꞌakë anu ꞌikën —kixun ka kakëxa.

Génesis 19:3

Kixun kakëxunbi ka, Lotnën amiribishi katëkëankëxa usama ka kamina kuantima ꞌain usakian ꞌuran kakëxun ka a rabëtan aín xubunu abë kuanti sinánkëxa. Usakin kabiani kuantankëx aín xubunu nukuxun ka Lotnën piti ꞌitsa ꞌanan pánribi anun chamiti ñu këñuma ꞌaxun a isia kuankë unikama a pikiankëxa.

Isaías 7:15

Anua bakëntankëx kanikë a baritiakaman ka a tuákën vaca xuma sëruakin ꞌakë ꞌimainun buna rëpa akama piti ꞌikën.

Isaías 7:22

ax aín ñuina xuma ꞌaisamairañu sëruakin ꞌakë a pitiñu ꞌiti ꞌikën. Usa ꞌain ka Asiria unikaman ꞌakin tëokë ꞌakëmakaman atun vaca xuma sëruakin ꞌakë a ꞌimainun buna rëpa a piti ꞌikën.

Lucas 12:37

A caíncëxuan an ñu mëëmicë unicaman ꞌuxcëma ꞌicë mëracëx ca an uni ñu mëëxuncë unicamax cuëëinra cuëënti ꞌicën. Cuëënia ca an atu ñu mëëmicë unin mesanu tsónun caquin piti ꞌinánti ꞌicën. Usaquin ꞌacëx ca an ñu mëëxuncë unicamax cuëëinra cuëënti ꞌicën. Ca usai asérabi ꞌiti ꞌicën.

Lucas 17:8

Usaquin caquinma ca ësaquin caia: ꞌËn piti ꞌaruanan a xëati ñuribi mëníotancëxun ca pinun ꞌë bëxun. ꞌËn pain pian camina minribi pianan xëati ꞌain. Usaquin ca caia.

Lucas 24:30

Atsíntancëx mesanu a uni rabë́bë tsóbuxun ca pán bixun —asábi ca —Nucën Papa Dios catancëxun, tucapaquin atu ꞌináncëxa.

Lucas 24:43

ꞌInáncëxun biquin ca atun ismainunbi Jesusan piacëxa.

Juan 12:2

Cuanxa Jesús atun ꞌitinu bëban ca Martanën piti ꞌaruacëxa. ꞌAruxuan ꞌináncëxun ca Jesúsbëtan Lázaro ꞌimainun anu ꞌicë unicaman mesanuxun piacëxa.

Hechos 10:41

Jesús baísquicëbi ca camabi uníinra isama ꞌicën. Nun cuni cananuna Nucën Papa Diosan, Jesús ñuiquin unicama bana ñuixunun bëráma caísa ꞌixun, baísquicë isanan abëtan pianan xëacën.

Gálatas 5:13

ꞌËn xucë́antu, mitsun ñu ꞌacë cupíma Cristomi catamëcë cupíshi an iscëx upí ꞌinun ca Nucën Papa Diosan mitsu caísaxa. Usa ꞌixun camina mitsux cuëëncësabi oquin ñu ꞌatima ꞌati sinántima ꞌain. Usaquin ꞌaíma camina bëtsibë nuibanani asérabi ꞌaquiananti ꞌain.

Deuteronomio 32:14

ꞌianan ka vaca xuma ꞌimainun sëruakin ꞌakë, akama ꞌimainun carnero aín upíirabu kaísun pinun ꞌamiakëxa, ꞌanan ka Basán kakë menu ꞌikë carnero ꞌimainun cabra aín bënëkama aín upíirabu aribi piakën; pianan kananuna trigo aín bimi upíbu pianan, uvas baka chëxëokin vino ꞌakë aribi xëakën.

Apocalipsis 3:20

Ënëx ca ësa ꞌicën. Bëtsi uni isi cuanxun ca unin aín xëpúti taxcaquin a xëocaxunun quixun caia. An aín xëpúti taxcaquin uni itsi cuëncë uni usaribi cana ꞌëx ꞌain. A unisaribi ꞌixun cana ui unin cara ꞌëmi sinánquin ꞌëx abë ꞌinun ꞌë caia a unibë ꞌiti ꞌain. Usai ꞌiquin cana unían abëtan piquin uni itsi ꞌunáncësaribi oquian ꞌë ꞌunánun a uni ꞌimiti ꞌain.

Jueces 13:15

A unix ka Diosan ángel ꞌikë kixun ꞌunánkinmabi ka Manoanën ësokin kakëxa: —Mi kuanun kamina ꞌën cabra bëna achúshi rëtankëxun piti ꞌarumimainun kaínti ꞌain. Kixun kakëxunbi ka Nukën ꞌIbun ángelnën kakëxa: —ꞌËx tikixunbi kana minmi ꞌamikë piti mibëtan pitima ꞌain. Usa ꞌaínbi kamina min cabra bëna a rëtankëxun Nukën ꞌIbu upíokin xaroxunti ꞌain.

Jueces 5:25

Jaelnën ka Sísaranën aín ꞌumpax ñukákëxunbi; aín vaca xuma ꞌinánxa. ¡ꞌInánan ka sëruakin vaca xuma ꞌakë aribi ain xampa upirami ꞌinánxa!