Génesis 17:8 - Kashibo-Kakataibo Biblia

⁸ Mi ꞌimainun min rëbúnkikama kana kamabi Canaán me anumi bërí tsókë ënë ꞌinánti ꞌain, ax ka min rëbúnki kamaxa xënibua ꞌaínbi anu tsóti ꞌikë ꞌimainun kana ꞌëx atun Dios ꞌiti ꞌain.

Nukën 'Ibu Diosan ain unikama 'inan ain bana

⁸ Mi 'imainun min rëbúnkikama kana kamabi Canaán me anumi bërí tsókë ënë 'inánti 'ain, ax ka min rëbúnki kamaxa xënibua 'aínbi anu tsóti 'ikë 'imainun kana 'ëx atun Dios 'iti 'ain.

Génesis 17:8 Iomraidhean Croise

Génesis 12:7

A menuax ami mërakin ka Nukën ꞌIbun Abram kakëxa: Ënë me kana min rëbúnkikama ꞌinánti ꞌain. Usakian kakëxun ka Abramnën achúshi anuxun Nukën ꞌIbu asábi ka kixun kati maxax bukunrukin ꞌakëxa, anuaxa ami mërakë kupí.

Génesis 13:15

ꞌën kana kamabi me min iskë ënëkama mi ꞌinánti ꞌain, ax ka minan ꞌianan xënibua ꞌaínbi min rëbúnki kamanan ꞌiti ꞌikën.

Génesis 13:17

¡Usa ꞌain kamina bërí nirukiani kuanxun ꞌën mi ꞌinánuxun kakë me a pain isi kuanti ꞌain, iskin kamina aín chaxkë́ ꞌimainun aín pampa, akama pain isikuanti ꞌain akama kana mi ꞌinánti ꞌain!

Génesis 23:4

—Banakin ka ësokin kakëxa, ꞌëx kana bëtsi menu ꞌikë uni ꞌaíshbi mitsunu tsókë uni ꞌain, usa ꞌikëbi kamina anu uni ñuia maínti ꞌakë achúshi anu ꞌën xanu mëníonun ꞌë maruti ꞌain.

Génesis 26:24

“Anu bëbaxa ñantabukë a imë́ ami mërakin ka Nukën ꞌIbun kakëxa: ꞌËx kana min papa Abraham aín Dios ꞌain. Usa ꞌain kamina rakuë́tima ꞌain; ꞌëx kana mibë ꞌain. Usa ꞌain kana ꞌën uni Abraham a kupín upíokin sinánxunkin, min rëbúnkinëxa ꞌaisamaira ꞌuákamë ꞌëonun ꞌimiti ꞌain.”

Génesis 28:4

ꞌImianan ka mi ꞌinánan, min rëbúnkikamaribi upíokin sinánxunkin Abraham kásabiokin, ënë me ꞌibuanun anu nu bërí bëtsi menu ꞌikë uni ꞌikësai tsókë ënë mi ꞌinánti ꞌikën, Nukën ꞌIbu Diosan Abraham ꞌinánuxun kásabiokin.

Génesis 35:27

Achúshi nëtën ka Jacob aín papa Isaac isi Mamré kakë ëma ꞌikëbia Arbá kakin anëanan Hebrón kakinribi anëkë anu kuankëxa. A menu ka Abraham ꞌimainun Isaac tsóakëxa.

Génesis 36:7

usai a rabëtax anu ꞌikëbëbi ka aín ñuina ꞌitsaira ꞌain anu rabëtax ꞌisama ꞌianan, anuxun ñuinakaman piti pasto sënë́nma me ꞌiakëxa.

Génesis 37:1

Usa ꞌain ka Jacob Canaán kakë me anua aín papa ꞌitsama baritia tsóa me, anu tsóti bërúakëxa.

Génesis 48:4

ënë bana ꞌë kakëxa: Ka kuat, ꞌën kana mixmi ꞌaisamaira min bakë bëchikë ꞌimainun min rëbúnki kamaxribi amami amami ëma oi bukunun ꞌimiti ꞌain. Usai ꞌia ꞌikë kana min rëbúnkikama ënë me ꞌinánti ꞌain. Atunan ka ënë me xënibua ꞌaínbi ꞌinuxun ꞌaia.

2 Samuel 23:5

Usa ꞌain ka ꞌën rëbúnkikamax Diosanbi bërúankë unibu ꞌiti ꞌikën, an ka ëbëtan achúshi ñu sinántëkëntima okin ꞌakëxa, anbi ka usokin ꞌati sinánkëxa usa ꞌixun ka an kikësokinbi ꞌati ꞌikën. ꞌAkin ka axa ꞌëmi nishkë unikamabë ꞌakanankin ꞌën ꞌanun ꞌë ꞌamiti ꞌikën, ꞌamianan ka kamabi ꞌën ꞌaisatankë ñukamaribi ꞌanun ꞌë ꞌamiti ꞌikën.

Salmos 103:17

ꞌAínbi ka Diosan unikama nuibakë ax usabi nëtë́tima oi ꞌia, uikaman kara ax kikësabiokin ꞌaia a unikama; ꞌianan ka uin kara an kakësabiokin ꞌaia a nuibanan aín rëbúnkikamaribi aín chaitikama ꞌasaribiokin bëríbi nuibatia,

Salmos 105:11

usa ꞌain ka ësai kiakëxa: ꞌËn kana Canaán kakë me bëtsinanpan ꞌiá ꞌaísha ainan ꞌitánun ꞌinánti ꞌai kiakëxa.

Salmos 105:9

ꞌianan ka usakin ñu ꞌaxunuxun achúshi ñu mëníokinun Abraham kakin abëtan ꞌa ꞌixun, Isaac asérabi katëkënxuma ashikin kakëxa,

Éxodo 32:13

Min uni ꞌiakama Abraham, Isaac ꞌimainun Jacob akama kaimi kia bana akamina sinánti ꞌain, ꞌën kana min rëbúnkinëxa naínu ꞌikë ꞌispa tupuribi ꞌitánun, ꞌuákamë ꞌëomikin ꞌën mi ñuixunkë mekama min rëbúnki ꞌinánti ꞌain kixun kamina atu kakën.

Éxodo 6:4

Usa ꞌixun kana këñutima okin achúshi ñu atu ꞌaxuan, ꞌakin kana Canaán kakë me a ꞌinánuxun atu kakën, ax ka anu paian bëtsi menu ꞌikë unikama ꞌikësai ꞌitsama baritia anu tsóa a ꞌiakëxa.

Éxodo 6:7

tëmëramianan kana mi kamaxmi ꞌën uni ꞌikë mitsu ië́miti ꞌain, ꞌëx kana mikaman Dios ꞌain. Usakin ꞌakëbëtan ka ꞌëx kana mitsun ꞌIbu Dios ꞌain kixun ꞌunánti ꞌikën, usa ꞌain kana ꞌën egipcio unibunëan amiribishi tëmëramikin ñu mëëmitëkëntima okin mitsu ꞌimiti ꞌain.

Jeremías 31:1

Ësai ka Nukën ꞌIbu asérabi kiakëxa: “A nëtë́an ami nishkë unikaman Babilonia menu uan atun menubi utëkëan anun kana ꞌëx kamabi ñaká Israel unikaman Dios ꞌiti ꞌain, ꞌimainun ka atux ꞌën unikama ꞌiti ꞌikën.”

Ezequiel 33:24

“Axa ami nishkë unikaman rurupakin ꞌatimokë Israel ëmakamanu tsókë unikama ax ka ësai ki nitsia: ꞌAbraham ax ka achúshi unishi ꞌiakëxa, usa ꞌixunbi ka an ënë me ꞌibuakëxa; usa ꞌaínbi kananuna nuxira ꞌitsa ꞌixun ënë me ꞌibuati ꞌain kiax ka atux kikania.

Levítico 16:34

Ënëx ka uínsaranbi ënimami ax kikësabi oi mitsux ꞌiti achúshi bana ꞌiti ꞌikën: usa ꞌain ka achúshi achúshi baritia ꞌirukëbëtan a sinánkin ënë bana kikësabiokin Israel unikaman aín ꞌucha tërënun ꞌati ꞌikën. Usakin anua Nukën ꞌIbun Moisés kásabiokin ka usakin ꞌakëxa.

Números 27:12

Ësokin ka Nukën ꞌIbun Moisés kakëxa: —Aín bashi Abarim kakë anu mapërakëtankëxun kamina anuxun ꞌën Israel unikama ꞌinánti me a min bërúnbi isti ꞌain.

Hechos 7:5

Usaía ucëbi ca ainanbia ꞌinun me Nucën Papa Diosan ꞌinánma ꞌicën, anua aín taën amátiratsubi. ꞌInánquinmabi ca sinanatëcënuxunma ësaquin Abraham cacëxa: “Ënë mecama cana mi ꞌimainun min rëbúnquicamaribi ꞌinánti ꞌain”. Bëchicëñuma pain ꞌicë ca Nucën Papa Diosan usaquin Abraham cacëxa.

Deuteronomio 26:18

ꞌImainun ka Nukën ꞌIbu ësai kiaxa Israel unibu mitsux kamina achúshi ëma asérabi bërí ꞌën unibu ꞌiti ꞌain, ꞌëx kiásabiokin kana ꞌën mitsu kaisakën, usa ꞌain kamina ax kikësabira oi ꞌiti bana a tanti ꞌain.

Deuteronomio 32:49

Anuxun kamina Abarim kakë me anu pain bëbatankëx aín bashi Nebo kakë moabitakaman me Jericó ꞌukëmanan ꞌikë anuxun, kamina israel unikama ꞌën ꞌinánti Canaán kakë me a isi kuanti ꞌain.

Deuteronomio 32:8

Achúshi okin ka Diosan ax kushiira ꞌixun unikama amanu amanu kuani bëtsi bëtsi menu tsóti kuanun ꞌimiakëxa, ꞌimianan ka uinu kara atun me sënë́nti ꞌikë aribi kamabi menu ꞌikë unikama ꞌunánmiakëxa. ꞌAínbi ka usakin atu ꞌanan Israel unibu aín uni ꞌiti kaisakëxa,

Deuteronomio 34:4

Ismikin ka Nukën ꞌIbun ësokin kakëxa: Ënë mekama ñuikin kana ꞌën min chaitiokë Abraham, Isaac ꞌimainun Jacob akama kakën, a me kama kana min rëbúnki ꞌinánuxun ꞌain kixun. Usa ꞌain kana anu bëbanuxumabi min bërúnbi isti ꞌën kuëëan.

Deuteronomio 4:37

An ka nun chaitiokëkama nuibakëxa, ꞌimainun ka aín rëbúnkikamaribi ainan ꞌinun kaískin, aín kushínbi Egipto menua chikíankëxa.

Deuteronomio 9:5

Usa ꞌain ka mitsun upí ꞌixun biti kupíma a memi binun; atun ꞌucha kupín mitsun ismainunbi atun menua a unikama Nukën ꞌIbun chikínti ꞌikën, ꞌimainun ka anbia nun chaitiokë Abraham Isaac ꞌimainun Jacob akama kásabiokin ꞌati ꞌikën.

Hebreos 9:15

Usa ꞌain ca Nucën Papa Dios quiásabi oi, an Cristomi catamënun sinánmicë unicama xënibua ꞌaínbi abë ꞌinun Cristo bamacëxa. An Moisésnën cuënëo bana cua nucën raracaman ꞌucharibi ca Cristo bama cupí, tërë́ncë ꞌicën. Usa ꞌain ca Moisésnën cuënëo bana ꞌiásama Cristo ñui quicë bana ꞌicën.

Josué 1:2

ꞌËn kaisa uni Moisés ka ñuaxa, usa ꞌain kamina bërí min Jordán kakë baka kamabi Israel unikama shitákinbiani, a ꞌinánuxun ꞌën ká me a mitsu ꞌinánun kuanti ꞌain.

Apocalipsis 21:7

Uicaman cara ꞌëmi catamëquin ꞌëx cuëëncësabi oi ꞌiti ëncëma ꞌicë, acama cana ꞌënan ꞌaish ꞌëbë tsóti ꞌimiti ꞌain. ꞌImainun cana ꞌëx aín Dios ꞌiti ꞌain. ꞌImainun ca ax ꞌën bëchicë ꞌiti ꞌicën.