Génesis 17:6 - Kashibo-Kakataibo Biblia

⁶ ꞌËn kana min rëbúnkinëxa ꞌaisamaira ꞌinun ꞌiminuxun ꞌain; min rëbúnki raírinëx ka ꞌapu bëtsi bëtsi ëmanu ꞌinuxun ꞌaia.

Nukën 'Ibu Diosan ain unikama 'inan ain bana

⁶ 'Ën kana min rëbúnkinëxa 'aisamaira 'inun 'iminuxun 'ain; min rëbúnki raírinëx ka 'apu bëtsi bëtsi ëmanu 'inuxun 'aia.

Génesis 17:6 Iomraidhean Croise

Génesis 13:16

ꞌËn kana min rëbúnkikama ꞌaisamaira menu ꞌikë masin bërusa ꞌinun ꞌimiti ꞌain. Usa ꞌaish ka masi bëru tupuntisama usaribi ꞌiti ꞌikën, ꞌianan ka tupuntisamaira min rëbúnkikama ꞌiti ꞌikën.

Génesis 17:16

ꞌËn kana upíokin sinánxunin, usa ꞌain kana achúshi tuá mi ꞌaxúnun ꞌimiti ꞌain. ꞌËn upíokin sinánxunkëx ka kamabi menu ꞌikë unikama aín rëbúnki ꞌiti ꞌikën. ꞌImainun ka aín rëbúnkinëx kamabi menu ꞌikë unikaman ꞌapu ꞌinuxun ꞌaia, kixun ka Nukën ꞌIbu Diosan kakëxa.

Génesis 17:20

Ësokin katankëxun ka aín bëchikë Ismael ñuikinribi ësakin kakëxa, ꞌën kana min bana kuan, usa ꞌain kana upíokin sinánxunuxun ꞌain; ꞌimainun kana ꞌaisamaira aín bëchikë ꞌinun ꞌimiti ꞌain usa ꞌain ka aín rëbúnkinëx ꞌuakamë ꞌëoti ꞌikën. ꞌImainun ka Ismael ax mapai rabë́ ꞌimainun rabë́ ꞌapukaman kushiira aín papa ꞌiti ꞌikën, ꞌimainun kana an achúshi ëma chaiira cha ꞌanun ꞌamiti ꞌain.

Génesis 17:4

—Ënë ñu kana mibëtan ꞌain kamina kuati ꞌain: Mix kamina ꞌaisamaira bëtsi bëtsi ëmanu ꞌikë unikaman rara ꞌinuxun ꞌain,

Génesis 26:22

Usaia aín unikama ꞌitëkënkëbë ka anuax Isaac ꞌura kuani chikíakëxa, usai chikíkin ka aín unikama ꞌimainun kamabi aín ñuina kamabi buani kuankëxa, kuantankëxun ka anua tsóti me anu bëbaxun achúshi kini anua ꞌumpax biti aín unikama naëmiakëxa, usa ꞌain ka anuax ꞌumpax kupín mëëananiama iskin Isaacnën anuax mëanantëkënima upitax tsoti kakin anëakëxa, usakin ꞌatankëx ka ësai kiakëxa: Bërí ka Nukën ꞌIbu ënu nu ëanxa, usa ꞌain kananuna ënë menuax nishananima ñuñuira ꞌiti ꞌain.

Génesis 28:3

Usa ꞌain ka Nukën ꞌIbu Dios kamabi kushiñu an mi upíokin sinánxunkin min rëbúnkinëxa ꞌaisamaira ꞌia timënun ꞌimiti ꞌikën, ꞌimianan ka min rëbúnki kamanuax ꞌaisamaira ëma ꞌai uni ꞌuakamë ꞌëoti ꞌikën.

Génesis 35:11

anëkin ka ësokin kakëxa: ꞌËx kana Dios kamabi kushiñuira a ꞌain; usa ꞌain kamina bëchipati mebi tsitsirui ꞌuakamë ꞌëoi bukuti ꞌain, min rëbúnkikamaribi ka bëtsi bëtsi ëma ꞌai aín ꞌapuñu ꞌapuñu bukuti ꞌikën.

Génesis 41:52

Usakin ꞌatankëxun ka bëchitëcëntancëxun Efraín kakin anëakëxa, anëtankëx ka kiakëxa: Nukën ꞌIbu Diosan ka anuax ꞌëx tëmërakë me ënuax ꞌëx bëchikëñu ꞌiti kuëanxa.

Génesis 47:27

Usa ꞌain ka israel unikamax Egipto menu tsóti bërúakëxa. Anu bërúax ka Gosen kakë me anuax ꞌaisamaira ꞌinun ꞌuakamë ꞌëokëxa.

Génesis 48:3

Usai ꞌikin ka aín bëchikë José anu bëbakë kakëxa: —Nukën ꞌIbu Dios kushiira kushi axa tirí kakë ëma Canaán me anuax ꞌëmi mërakin upíokin sinánxunkin,

Génesis 48:4

ënë bana ꞌë kakëxa: Ka kuat, ꞌën kana mixmi ꞌaisamaira min bakë bëchikë ꞌimainun min rëbúnki kamaxribi amami amami ëma oi bukunun ꞌimiti ꞌain. Usai ꞌia ꞌikë kana min rëbúnkikama ënë me ꞌinánti ꞌain. Atunan ka ënë me xënibua ꞌaínbi ꞌinuxun ꞌaia.