Génesis 17:1 - Kashibo-Kakataibo Biblia

¹ Usa ꞌain ka Abram axa noventa ꞌimainun nueve baritiañu ꞌikë, Nukën ꞌIbun amiribishi ami mëratëkënkin ësokin kakëxa: —ꞌËx kana min ꞌIbu Dios kamabi kushiñuira a ꞌain, usa ꞌain kamina ꞌëx kuëënkësabi ꞌoíshi tsóanan ꞌëx kikësabiokin kamabi ñu ꞌati ꞌain,

Nukën 'Ibu Diosan ain unikama 'inan ain bana

¹ Usa 'ain ka Abram axa noventa 'imainun nueve baritiañu 'ikë, Nukën 'Ibun amiribishi ami mëratëkënkin ësokin kakëxa: —'Ëx kana min 'Ibu Dios kamabi kushiñuira a 'ain, usa 'ain kamina 'ëx kuëënkësabi 'oíshi tsóanan 'ëx kikësabiokin kamabi ñu 'ati 'ain,

Génesis 17:1 Iomraidhean Croise

Génesis 12:1

Usa ꞌain ka Nukën ꞌIbun achúshi nëtë ꞌikëbëtan Abram kakëxa: min menuax ka kuantan, min aintsikama ëbiani kamina ënë menuax kuanti ꞌain, bëtsi menu kamina kuanti ꞌain, ꞌën mi ismimainun.

Génesis 12:7

A menuax ami mërakin ka Nukën ꞌIbun Abram kakëxa: Ënë me kana min rëbúnkikama ꞌinánti ꞌain. Usakian kakëxun ka Abramnën achúshi anuxun Nukën ꞌIbu asábi ka kixun kati maxax bukunrukin ꞌakëxa, anuaxa ami mërakë kupí.

Génesis 16:16

Abram ochenta ꞌimainun seis baritiañu ꞌain ka aín bëchikë Ismael bakë́ankëxa.

Génesis 18:1

Usa ꞌain ka Nukën ꞌIbu Abrahammi anua Mamré kakë uni aín me ni ꞌikë anuax mërakëxa, mëramainun ka Abraham bari xamaruti ꞌurama ꞌain aín chupa këxtú xubusa okin ꞌakë aín xëkuë rapasu, tsókë ꞌiakëxa.

Génesis 18:14

¿Nukën ꞌIbun ꞌakasmati ñu kara ꞌaíma ꞌik? bëtsi bari ꞌirukëbë kana ꞌëx mi istëkëni uti ꞌain, ꞌimainun ka Sara achúshi tuáñu ꞌiti ꞌikën kixun ka kakëxa.

Génesis 24:40

Kakëxun ka ësokin ꞌë kaxa: ꞌËx kana Nukën ꞌIbu kikësoi abë nitsin, usa ꞌain ka aín ángel xuti ꞌikën, mia kuania bërúanun bërúankëx kuanxun kamina achúshi xanu ꞌën aintsin bëchikë xanu ꞌën bëchikë bixunti ꞌain, ax ka ꞌiti ꞌikën, ꞌën papan aintsin ꞌibun bëchikëbi.

Génesis 26:2

Anu ꞌikë ꞌain ami chikirakëkin ka Nukën ꞌIbu ësokin kakëxa: “Kamina Egipto menu kuantima ꞌain. Uinu karamina ꞌiti ꞌai ꞌën mi kakë anu kamina ꞌiti ꞌain,

Génesis 28:3

Usa ꞌain ka Nukën ꞌIbu Dios kamabi kushiñu an mi upíokin sinánxunkin min rëbúnkinëxa ꞌaisamaira ꞌia timënun ꞌimiti ꞌikën, ꞌimianan ka min rëbúnki kamanuax ꞌaisamaira ëma ꞌai uni ꞌuakamë ꞌëoti ꞌikën.

Génesis 35:11

anëkin ka ësokin kakëxa: ꞌËx kana Dios kamabi kushiñuira a ꞌain; usa ꞌain kamina bëchipati mebi tsitsirui ꞌuakamë ꞌëoi bukuti ꞌain, min rëbúnkikamaribi ka bëtsi bëtsi ëma ꞌai aín ꞌapuñu ꞌapuñu bukuti ꞌikën.

Génesis 43:14

Usa ꞌaínbi ka Nukën ꞌIbu Dios ax kamabi kushiñu an mitsua uisabi okima nuibanun ꞌimianan, min xukë́n sipunu ꞌikë a ënun sinánmikin Benjamín utëkënun upíokin sinánmiti ꞌikën. Usa ꞌain kana ꞌën bëchikëkama nëtë́këbë, bëchikëñuma ꞌëx ꞌiti ꞌain.

Génesis 46:3

Kakëxun ka Diosan kakëxa: —ꞌËx kana Dios min papan rabia a ꞌain. Usa ꞌain kamina Egipto menu kuanti rakuë́tima ꞌain: Anuxun kana ꞌën min rëbúnkikama achúshi ëma kushiira ꞌianan chaiira ꞌitánun ꞌuákamë ꞌëomiti ꞌain.

Génesis 48:15

Usa ꞌain ka ain bëchikë José a ësokin upíokin sinánxunkin kakëxa: “Nukën ꞌIbu Dios an kakësabi okían ꞌën xuta Abraham ꞌimainun ꞌën papa Isaacnën Dios an ka a nëtë́an ꞌën titan tuaia ꞌë bërúan ꞌixun bëríbi uinu karana kuani anuabi ꞌë bërúaia,

Génesis 48:3

Usai ꞌikin ka aín bëchikë José anu bëbakë kakëxa: —Nukën ꞌIbu Dios kushiira kushi axa tirí kakë ëma Canaán me anuax ꞌëmi mërakin upíokin sinánxunkin,

Génesis 5:22

Henoc ax ka Nukën ꞌIbu Dios kuëënkësabi oi tsóakëxa. Usa ꞌain ka aín rëkuën bëchikë Matusalén bëchitankëx, Henoc ax tsóakëxa trescientos baritia, ꞌimikin ka bëbu ꞌimainun xanuribiokin bakë bëchipatëkëankëxa;

Génesis 5:24

Henoc ax ka Nukën ꞌIbu Dios kuëënkësabi oi tsókë uni ꞌiakëxa, usa ꞌikë ka achúshi nëtë ꞌikëbëtan Nukën ꞌIbu Diosan bikëx nëtë́akëxa.

Génesis 6:9

Ënëx ka uisai kara Noé ꞌiakëxa, kixun ñuikë bana ꞌikën. Noé ax ka achúshi uni upí ꞌiakëxa, usa ꞌixun ka Diosan kakësabiokin ꞌakëxa. A uníxëshi ka raíri unikama ꞌikësama anúan tsóa nëtëkaman Diosan kuëënkësabi oi tsóakëxa.

1 Reyes 2:4

Usokin ꞌakëbëtan ka Diosan ꞌëbëtan achúshi ñu ꞌásabiokin nun rëbúnkikamaribi añu ꞌanun kara Diosan atu kaia usakinshi aín sinan upí ꞌixun ꞌati ꞌikën, usakin ꞌaia ka uínsaranbi nun aintsikamaxëshia Israel unibunën ꞌapu ꞌixun ꞌakinun ꞌimiti ꞌikën.

1 Reyes 3:6

Usakian kakëxun ka Salomónnën kakëxa: “Min kamina ꞌën papa David min uni ꞌikë, ꞌitsaira nuibakin ꞌakiankën, an ka minmi ꞌakinkëxun upíokin ñu ꞌanan, aín nuitunënbi sinani mimi katamëkin upíokin ñu ꞌakëxa. Usakin ꞌaia ꞌën papa ꞌitsaira nuiba ꞌixun kamina aín bakë bëchikë ꞌikë, ax ꞌiásaribiti ꞌapu ꞌinun bërí ꞌë ꞌimian.

1 Reyes 8:25

Usa ꞌain kamina mix Israelkaman Dios ꞌixun, minmi ꞌën papa David min uni ꞌikë kásabiokin asérabi: nun rëbúnkikamaxa min ꞌimikëx an ꞌakinti ꞌapuñua Israelkamax ꞌinun ꞌimiti ꞌain, usakin ꞌimikëx ka ain bëchikëkamax ain niti bërúankati ꞌikën, ain papan ain niti bëruansaribi okin.

Job 1:1

Anu ka achúshi uni Job kakin anëkë ꞌiakëxa, ax ka Us kakë me anu tsóakëxa, usa ꞌixun ka uisa ñu ꞌatimabi ꞌati sinánkëma ꞌianan, Dios kuëënkësabi okinshi aín nuitu upí ꞌixun ñu ꞌakin bëtsi uni ꞌatima oti sinánkëma ꞌiakëxa.

Salmos 115:3

Nun ꞌIbu Dios ax ka naínu ꞌikën; usa ꞌixun ka añu kara ꞌaisa tania akamabi ꞌakëxa.

Salmos 116:9

Usa ꞌain kana ꞌën Diosan kakëxun aín bana tankin an kakësabiokin, axa ënë menu tsókë unikamabë tsókë ꞌixunbi ꞌati ꞌain.

Éxodo 6:3

Usa ꞌikë ka min chaitiokë Abraham, Isaac ꞌimainun Jacob akaman ꞌëx kana kamabi kushiñu Dios a ꞌai kixun ꞌunánkëxa, ꞌaínbi kana asérabi ꞌën anëira a atu ꞌunánmiama ꞌain: ꞌËx kana min ꞌIbu a ꞌain.

Daniel 4:35

An iskëx ka kamabi menu tsókë unikama ñuumara ꞌikën. An ka uisakin kara ꞌaisatania usakin naínu ꞌanan menuribi ñu ꞌaia. Usa ꞌain ka an usakin kamina min kushi ñu ꞌatima ꞌai kixun kanan, uisa kupín kaina usakin ñu ꞌai kixun an kati uni ꞌaíma ꞌikën.

Miqueas 6:8

Ënë ñukama ꞌaxunti ka Dios kuëënima, an ka nukama kaxa uisa ñux kara upí ꞌikën, ꞌimainun uisa ñu nun ꞌaxunti kara ax kuëënia: ax ka ësa ꞌikën, bëtsi unikamabë upí ꞌiti, uisa ñu ꞌakatsi karanuna kia usakinbi ꞌati, ꞌimainun an kakësabiokin ꞌanan ax kikësabiokin ñu ꞌati.

Números 11:23

Ësai kiabi ka Nukën ꞌIbun kakëxa: —¿Min sinánkëx kara ꞌën kushi chamaratsu ꞌik? Bërí kamina asérabi kara ꞌëx kikësabi oi ꞌia kara ꞌima kixun isti ꞌain.

Números 24:16

usa ꞌixun kana Diosan bëru ñunshinan ꞌunánmikëxun upíokin ꞌën an ꞌakësaribi okin ñu ꞌunánin, usa ꞌikë ka an namámikësa okin ismianan añu kara ꞌiti ꞌikë a uni ñuixunun ꞌë ꞌunánmia.

Mateo 19:26

Usai quia isquin ca Jesusan cacëxa: —ꞌAisamaira ñuñu uníxa ië́tisama ꞌaínbi ca an ꞌacasmati ñu ꞌaíma ꞌain Nucën Papa Diosan ñuñu uniribi ainan ꞌinun ië́miti ꞌicën.

Mateo 5:48

Usa ꞌain camina mitsun Papa Dios, axa naínu ꞌicë, an sináncësaribi oquin sinánti ꞌain.

Lucas 1:6

Zacarías ꞌimainun Elisabet a rabëtax ca Nucën Papa Diosan iscëx aín nuitu upí ꞌiacëxa. Upí ꞌixun ca Nucën ꞌIbu Diosan banacama cuaquin an cacësabi oquin upí oquin ꞌacëxa. Usa ꞌain ca uinu ꞌicë uníxbi a ꞌatimaquin ñui ami manánma ꞌicën.

Hechos 23:1

Usa ꞌain ca suntárucaman bëcëxun isquin Pablonën judíos unibunën ꞌapucama cacëxa: —Mitsux judíos uni ꞌaish camina ꞌën xucë́antu ꞌain. ꞌIcë cana mitsu cain, ꞌën cana ñu ꞌatima ꞌacëma ꞌai quixun ca Nucën Papa Diosan ꞌë isia.

Hechos 24:16

Usaquin sináncë ꞌaish cana Nucën Papa Diosmi ꞌuchaima ꞌianan uisa unimibi ꞌuchaima ꞌiisa tanin. Usai ꞌinuxun cana camabi nëtën ñu ꞌatima ꞌaquinma ñu upíshi ꞌain.

Efesios 3:20

Ax cushiira ꞌaish nubë ꞌixun ca Nucën Papa Diosan nun ñucácësamaira oquin nu ꞌaxúanan nun sináncësamaira oquinribi sinánxunquin nu ꞌaquinti ꞌicën.

Deuteronomio 10:17

Nukën ꞌIbu Dios ax ka achúshi ꞌaish dios kamasamaira ꞌianan, ꞌibukaman ꞌIbu samaira ꞌikën; ax ka Dios kamabi ñu manámi ꞌikë ainan ꞌianan ꞌApuira ꞌaish kushiira ꞌikën, usa ꞌain kamina ami rakuë́ti ꞌain, an ka bëtsi unikama upionan bëtsi unikamaribi ꞌatima oíma, ꞌimainun ka upiokinshi ñu ꞌaxúnti kuëënia;

Deuteronomio 30:20

usa ꞌain kamina Nukën ꞌIbu Dios nuibati ami katamëkin ax kikësabiokin ꞌati ꞌain, usakin ꞌai kamina ꞌitsa baritia a me ꞌinánnuxua sinanatëkëntima okin Nukën ꞌIbun nun chaitiokë Abraham Isaac ꞌimainun Jacob ka a menu ꞌiti ꞌain kixun ka Moisésnën kakëxa.

Filipenses 4:13

Usa ꞌixun cana uisa ñu cara ꞌicëbëtanbi tënëquin Cristo cuëëncësabi oquin ꞌati ꞌain, usai ꞌinun an cushiocë ꞌixun.

Hebreos 12:28

Ax xënibua ꞌaínbi cëñútimoi nucën ꞌApuira ꞌain cananuna nux nëtëtima anu abë ꞌianan aín unicamabë ꞌiti ꞌain. Usai ꞌiti sinánquin cananuna Nucën Papa Diosmi sinánquin aín bana cuaquin —asábi ca —cai cuëënquin a rabiti ꞌain, ax cuëëncësabi oquin,

Hebreos 7:25

Ui unicaman cara a cupí abë upí ꞌiisa tanquin Nucën Papa Dios ñucatia, a ca Jesusan xënibua ꞌaínbi Nucën Papa Diosnan ꞌinun ië́mia. A unicama Nucën Papa Dios ñucáxunux ca bamatimoi tsotia.