Génesis 16:7 - Kashibo-Kakataibo Biblia

⁷ Abákë ka Nukën ꞌIbun ángel achúshinën anu uni ꞌikëma menuxun mërakëxa, ax ka aín rëbumi kakin anëkë me anu kuanti bai rapasu ꞌumpax upíira ꞌikë anu ꞌiakëxa,

Nukën 'Ibu Diosan ain unikama 'inan ain bana

⁷ Abákë ka Nukën 'Ibun ángel achúshinën anu uni 'ikëma menuxun mërakëxa, ax ka aín rëbumi kakin anëkë me anu kuanti bai rapasu 'umpax upíira 'ikë anu 'iakëxa,

Génesis 16:7 Iomraidhean Croise

Génesis 20:1

Usa ꞌain ka anu pain ꞌikë me anuax Abraham Négueb kakë me, ami kikiani kuankëxa, kuantankëx ka Guerar kakë ëma ꞌimainua Cadés kakë ëman nëbëtsiokë me aín rëbumi ꞌikë me anu kuainbëkinishi bëtsi me kamanu tsókë uni ꞌaish usai ꞌiakëxa.

Génesis 21:17

Usai tuá ax inia ka Nukën ꞌIbu Diosan kuakëxa; kuakin ka Nukën ꞌIbu Diosan ángelnën naí manámixun Agar kuënkin ësokin kakëxa: ¿Uisai kaina ꞌian Agar? Kamina rakuë́tima ꞌain Nukën ꞌIbu Diosan ka mi ꞌimainun min tuá bëunan mëskuti inia kuaxa uinu kara min tuá ꞌikën.

Génesis 21:18

Bënëtishi nirukiani, kuanxun kamina min tuá barikin bitankëxun aín mëkënan mëinti ꞌain, ꞌën kana aín rëbúnkinëxa achúshi ëma chaiira ꞌinun ꞌiminuxun ꞌain.

Génesis 21:19

Ësokin katankëxun ka Nukën ꞌIbu Diosan Agar achúshi ꞌumpax upíira ꞌaish nëmin ꞌinánkëxa usakian ꞌinánkëxun ka ñuina xaká burasa ꞌakë, ami ubakakin bitankëxun aín tuá Ismael xëamiakëxa.

Génesis 22:11

nukën ꞌIbu ángelnën kuënkin naínuxun kakëxa: —¡Abraham! ¡Abraham! ësokian kakëxun ka. —Ënu kana ꞌain ꞌën ꞌIbu —kixun an kakëxa.

Génesis 22:15

Usa ꞌain ka Nukën ꞌIbu ángelnën Abraham naínuxun amiribishi kuëntëkëankëxa,

Génesis 24:7

Nukën ꞌIbu Dios, naínu ꞌikë an ka ꞌën aintsikaman menua chikinbëtsinkin bëxun ꞌë ꞌimainun ꞌën rëbúnkikama ënë me ꞌinan, an ka aín ángel abë kuantankëxumi achúshi xanu ꞌën bëchikë bixunun mi ꞌakinti ꞌikën.

Génesis 25:18

Usai ax ñua ain rëbúnki kamax anubi tsóti Havilá kakë me Egipto ꞌukëmanan anun, Asirianu kuani kuanti anubi tsóti buküakëxa. Usai ꞌi ka anuax aín xukë́n kamabëbi ꞌatimonani nishanani anubi buküakëxa.

Génesis 31:11

Usa ꞌain ka namákin iskëxun Nukën ꞌIbu Diosan ángelnën ꞌën anën ꞌë kuëanxa, kuënkëxun kana ësokin kan: Ënu kana ꞌain.

Éxodo 15:22

Usakin Dios pain an ië́mikëxun rabitankëx sënë́nkë ka Moisésnën israel unikama xónsa kakë parúmpapa kuëbí anuxun kabiankin tsuákarubiankin buánkëxa. Buánkëx ka anu uni ꞌikë me aín rëbumi kikiani kuankëxa, usai kuanika rabë́ ꞌimainun achúshi nëtë ꞌikiani kuankinbi ka a xëati ꞌumpax mërama ꞌikën.

Éxodo 3:2

Anuax ka Nukën ꞌIbun ángel tsi rëkirukësa ꞌinun mërakëxa, mëratika i muxañu pëñanakëkë a nëbëtsinuax ꞌiakëxa, ꞌia Moisésnën upíokin iskëxbi ka i pëñanakëkë rëkirukë ax këñutima usabi ꞌikë isakëxa.

Proverbios 15:3

Nukën ꞌIbu Diosan ka uinu kara ꞌikëbi, uni an upíokin sinánkë akama ꞌimainun an ꞌatima ñu ꞌakë akamanbi isia.

1 Samuel 15:7

Usa ꞌain ka Saúlnën aín suntárukamabëtan ꞌakin amalecitakama anua Havilá me ꞌikë anuxunbi pëuxun nuibiankin au bari kuabúkë Egipto me sënënakëkë anubi bëbarukin ꞌakëxa;