Génesis 16:2 - Kashibo-Kakataibo Biblia

² Usa ꞌain ka aín xanu Sarainën Abram kakëxa: —Ka kuat, Nukën ꞌIbun ka ꞌëx tuáñu ꞌiti kuëënima, usa ꞌain kamina an nu ñu ꞌaxunkë xanu Agar abë ꞌiti ꞌain, usa ꞌain sapi ka an tuakëx aín tuákama ax ꞌën tuása ꞌiti ꞌikën. Ësokian kakëxun ka Abramnën aín xanu Sarai asábi ka kixun kakëxa.

Nukën 'Ibu Diosan ain unikama 'inan ain bana

² Usa 'ain ka aín xanu Sarainën Abram kakëxa: —Ka kuat, Nukën 'Ibun ka 'ëx tuáñu 'iti kuëënima, usa 'ain kamina an nu ñu 'axunkë xanu Agar abë 'iti 'ain, usa 'ain sapi ka an tuakëx aín tuákama ax 'ën tuása 'iti 'ikën. Ësokian kakëxun ka Abramnën aín xanu Sarai asábi ka kixun kakëxa.

Génesis 16:2 Iomraidhean Croise

Génesis 11:30

Usa ꞌain ka Sarai ax tuakëma xanu ꞌaish tuáñuma ꞌiakëxa.

Génesis 17:16

ꞌËn kana upíokin sinánxunin, usa ꞌain kana achúshi tuá mi ꞌaxúnun ꞌimiti ꞌain. ꞌËn upíokin sinánxunkëx ka kamabi menu ꞌikë unikama aín rëbúnki ꞌiti ꞌikën. ꞌImainun ka aín rëbúnkinëx kamabi menu ꞌikë unikaman ꞌapu ꞌinuxun ꞌaia, kixun ka Nukën ꞌIbu Diosan kakëxa.

Génesis 18:10

Usakian kakëxun ka a isia ukë uni achúshinën kakëxa: —Mi istëkëni kana bëtsi bari ꞌikëbë utëkënti ꞌain ꞌimainun ka min xanu Sara ax achúshi tuáñu ꞌiti ꞌikën. Usakian kaia ka Saran kamabi banakama kuakëxa, ax anu ꞌikë aín xubu xëkuë ꞌurama anuaxa banaia.

Génesis 19:31

Anu ꞌixun ka achúshi nëtën, aín bëchikë apanën sinánkëxa uisax karana tuáñu ꞌiti ꞌai kixun sinánxun ka aín xukë́n ꞌanáka kakëxa: —Nun papa ka xënira ꞌikën usa ꞌain ka ënë menu uni ꞌaíma ꞌikën an nu rabë́ xanuati ka ꞌaíma ꞌikën, kananuna ꞌunan kamabi menuxun ka unin xanu bixun bëchia;

Génesis 20:18

Nukën ꞌIbun ka Sara kupí, kamabi xanukama ꞌapu Abimélec aín xubunu ꞌikë kamaxa tuáñuma ꞌinun ꞌimiakëxa Sara aín xubunu buánkë kupí ka usakin Nukën ꞌIbu Diosan ꞌakëxa.

Génesis 25:21

Usa ꞌain ka Rebeca tuakëma xanu ꞌiakëxa, usa ꞌain Isaac an ami bëchikaskin ꞌain xanu ꞌitsaira ñukáxuankëxa. Usakian ñukákëxun ka Nukën ꞌIbun an ñukákë a kuakin Rebeca tuuñu ꞌinun ꞌimiakëxa.

Génesis 3:12

Kakëxun ka unin kakëxa: —Minmi abë ꞌinun ꞌinánkë xanu ënën ka i bimi ꞌë ꞌinánxa, ꞌinánkëxun kana ꞌën pian.

Génesis 3:17

Ësakin xanu katankëxun ka bëburibi kakëxa: —Min kamina min xanun kakëxun kuan. Usa ꞌixun kamina a pixunma ꞌanun ꞌën mi kakë i bimi a pian, ënë pixunma ka ꞌat ꞌën kakëxunbi, usa ꞌain ka bërí me ꞌaisama min ꞌucha kupí ꞌiti ꞌikën; usa ꞌain kamina ꞌitsaira ñu mëëkin menu ñu ꞌapáxun anun mix bamati nëtë ꞌitámainun pinuxun ꞌain.

Génesis 30:22

Usa ꞌain ka Nukën ꞌIbu Dios an ñukákëx Raquelmi sinánkëxa; sinánkin ka an ñukákëxun kuakin tuáñu ꞌinun ꞌimiakëxa.

Génesis 30:6

A mi bëchikë isi ka Raquel kiakëxa: Ënë tuá ka Dan kakin anëkë ꞌiti ꞌikën, Nukën ꞌIbu Diosan ka ꞌën ñukákëxun kuakin nuibakin ënë tuá ꞌë ꞌinánxa.

Salmos 127:3

Unin bakë bëchikë bakënkëkama ax ka upíokin sinánxunkian Diosanbi nu ꞌinánkë ꞌikën.

Rut 4:11

Ësai kia ka anu ꞌikë ꞌapukama ꞌimainun anua timë́kë unikama atúnribi kakëxa: —Usa ka nunbi kananuna ꞌunanin. ¡Usa ꞌain ka min xanu ꞌiti Rut a Nukën ꞌIbun Raquel ꞌimainun Lía ꞌasaribiokin ꞌakinti ꞌikën, ꞌakinkëxun ka ꞌitsaira tuapakëxa usa ꞌain kananuna israel unibu ain rëbúnki nux ꞌain! ꞌImainun kananuna mixmi bëtsi uni kamasamaira ꞌianan upí sinánñu ꞌain Efrata kakë ꞌikëbi Belén kakë ëma ënu ꞌiti kuëënin.