Génesis 16:1 - Kashibo-Kakataibo Biblia

¹ Sarai an ka aín bënë Abram tuaxunkëma pain ꞌiakëxa, usa ꞌaínbi ka achúshi xanu Agar kakë egipcia an ñu ꞌaxúnti bëkë ꞌiakëxa.

Nukën 'Ibu Diosan ain unikama 'inan ain bana

¹ Sarai an ka aín bënë Abram tuaxunkëma pain 'iakëxa, usa 'aínbi ka achúshi xanu Agar kakë egipcia an ñu 'axúnti bëkë 'iakëxa.

Génesis 16:1 Iomraidhean Croise

Génesis 11:30

Usa ꞌain ka Sarai ax tuakëma xanu ꞌaish tuáñuma ꞌiakëxa.

Génesis 12:16

Usa iskin ka faraónën Sarai kupí, Abram upíokin ꞌakinkin ꞌinaishiakëxa oveja, vaca ꞌimainun uni an ñu mëëxunti ꞌimainun xanu an ñu ꞌaxúnti akama ꞌinánkin asno, ꞌimainun camello akamaribi ꞌinánkëxa.

Génesis 15:21

amorreokama, cananeokama, gergeseokama ꞌimainun jebuseokama ënë unikaman me kana mi ꞌinánti ꞌain.

Génesis 21:12

Usai ia iskin ka Nukën ꞌIbu Diosan kakëxa: Kamina ꞌitsaira masá nuitutima ꞌain min bëchikë ꞌimainun an mi ñu ꞌaxunkë xanu kupín. Kamabi ñu min xanu Saran mi kakë kamina ꞌati ꞌain, min rëbúnkikamax ka ꞌën mi kakësabi oi min bëchikë Isaac aín rëbúnki ꞌiti ꞌikën.

Génesis 25:21

Usa ꞌain ka Rebeca tuakëma xanu ꞌiakëxa, usa ꞌain Isaac an ami bëchikaskin ꞌain xanu ꞌitsaira ñukáxuankëxa. Usakian ñukákëxun ka Nukën ꞌIbun an ñukákë a kuakin Rebeca tuuñu ꞌinun ꞌimiakëxa.

Lucas 1:36

Min xucën, Elisabet, anribi ca caniacëquinbi bëbu oquin tuaia. Ca tuaíma quicancëbëbi ca aín tuá mëcën achúshi ꞌimainun achúshi ꞌuxë́inshi chaia.

Lucas 1:7

Usa ꞌain ca Elisabet tuáñuma xanu ꞌianan a rabëtaxbi xëniira ꞌiacëxa.

Gálatas 4:24

Ënëx ca ësa ꞌicën. Ënë xanu rabë́ ꞌimainun tuá rabë́ ñui quicë bana isquin cananuna bëtsi bana rabë́ribi sinánti ꞌain, ësai quicë: A bana achúshinëx ca Cristo ñui quicë ꞌicën. A bana ca asérabi ꞌicë quixun sinani Cristomi catamëcë unicamax ca Saran rëbúnquisa ꞌicën. Bëtsix ca Nucën Papa Diosan Moisés cuënëomia bana a ñui quicë ꞌicën. Aín bashi Sinaí, anuax ꞌitsa nëtë abë banaquin ca Nucën Papa Diosan usai ca ꞌën uni ꞌiti ꞌicë quixun Moisés cacëxa. A bana quicësabi oquin aín unicaman ꞌanun ꞌinan ꞌaínbi ca ꞌitsa unin, a ꞌacë cupíshi cana Nucën Papa Diosan uni ꞌai quixun sinania. Usaquin sináncë unicama ax ca Agarnën rëbúnquisa ꞌicën.

Jueces 13:2

Sorá kakë ëma anua Dannën rëbúnkinën me ꞌikë anu ka achúshi uni Manoa kakë ꞌiakëxa. Aín xanu ax ka uínsaranbi tuama ꞌiakëxa.

1 Samuel 1:5

ꞌaínbi ka Ana a ira, nami ꞌitsaira an nuibakin ꞌinánkëxa, Nukën ꞌIbun ax tuáñu ꞌiti kuëënxunkë ꞌikëmabi.