Génesis 15:2 - Kashibo-Kakataibo Biblia

^2-3 ꞌAínbi ka Abramnën kakëxa: —ꞌËn ꞌIbu ꞌimainun ꞌën Dios, ¿uisa karana minmi ñu ꞌinánkëxun, ñankáishibi bixun ꞌati ꞌain, minbi kamina ꞌëx kana achúshi bëchikëñumabi ꞌai kixun ꞌunanin minbi kamina achúshi bëchikëbi ꞌë ꞌinankëma ꞌain? Usa ꞌain ka kamabi ꞌën ñukama an biti Eliézer Damasconu ꞌikë uni ꞌën kaniokë, an ꞌëx ñukëbëtan ꞌën kasunania ñukama biti ꞌikën.

Nukën 'Ibu Diosan ain unikama 'inan ain bana

^2-3 'Aínbi ka Abramnën kakëxa: —'Ën 'Ibu 'imainun 'ën Dios, ¿uisa karana minmi ñu 'inánkëxun, ñankáishibi bixun 'ati 'ain, minbi kamina 'ëx kana achúshi bëchikëñumabi 'ai kixun 'unanin minbi kamina achúshi bëchikëbi 'ë 'inankëma 'ain? Usa 'ain ka kamabi 'ën ñukama an biti Eliézer Damasconu 'ikë uni 'ën kaniokë, an 'ëx ñukëbëtan 'ën kasunania ñukama biti 'ikën.

Génesis 15:2 Iomraidhean Croise

Génesis 14:15

Anu bëbax ñantabukëbëtan ka Abramnën aín unikamabëtan atun sinánkënumashi ratukinshi anu bukukë ami bëbarukin ꞌakëxa, abë ꞌakanankin ka a ꞌapukama abámikin Hobá anu sënën ꞌakëxa, ax ka Damasco ëma aín tsipumi ꞌikë au ꞌiakëxa,

Génesis 15:1

Ënë ñukama ꞌatankëxa ꞌinúkë ꞌain ka Nukën ꞌIbun Abram namákin iskësokian isia kakëxa: —Kamina rakuë́tima ꞌain Abram, ꞌëx kana an mi bërúankë a ꞌain. Min biti ñu ax ka chaiira ꞌinuxun ꞌaia.

Génesis 24:10

Usokian Abrahamnën kakëxun ka an ñu mëëxunkë unin, ñu upíbu kaiskin buánti an ñumëmikë unían nankë barikin biakëxa, xanu aín aintsikama ꞌináni kuanti akama bianan ka mëkën rabë́ camelloribi a ñu mëëxunkë uninan biakëxa, usakin ꞌinánkëxun bitankëx ka raíri unikama abë kuanti bibiani Nahor kakë ëma, Mesopotamia kakë menu ꞌikë anu kuankëxa.

Génesis 24:2

Achúshi nëtën ka Abrahamnën ax irapain a ñu mëëxuni abë tëkë an aín ñukama bërúankë a kuënxun kakëxa: —Min mëkën ꞌën kisinu nankin kamina,

Génesis 25:21

Usa ꞌain ka Rebeca tuakëma xanu ꞌiakëxa, usa ꞌain Isaac an ami bëchikaskin ꞌain xanu ꞌitsaira ñukáxuankëxa. Usakian ñukákëxun ka Nukën ꞌIbun an ñukákë a kuakin Rebeca tuuñu ꞌinun ꞌimiakëxa.

Génesis 39:9

Ënë xubunu ka ꞌësaribi uni ꞌaíma ꞌikën; usa ꞌain ka ꞌën ñu mëëxunkë unin a ñu kamina ꞌatima ꞌain kixun kakëma ꞌikën, mix kamina ꞌain xanu ꞌain; ¿usa ꞌain karana ꞌëx ꞌatima ñuira ꞌai Nukën ꞌIbu Diosmi ꞌuchati ꞌain?

Génesis 43:19

Usa ꞌain ka nukuti aín xubu xëputi ꞌurama oí a rapasu kuani nirakëkin an ñu bërúankë uni abë banakin.

Génesis 44:1

Usakin ꞌatankëxun ka Josénën an ñu bërúankë aín kushi kakëxa: —Ënë unikaman pishanu kamina trigo atun buántisabi ꞌitánun ꞌaruti ꞌain, ꞌanan kamina atun kuríki achúshi achúshi pishanu bërakankin ꞌaruxunti ꞌain.

Salmos 127:3

Unin bakë bëchikë bakënkëkama ax ka upíokin sinánxunkian Diosanbi nu ꞌinánkë ꞌikën.

Proverbios 13:12

A ꞌati sinánxun ꞌakë ñu ax ꞌikëbëma ka uni masánuitutia, ꞌaínbi ka usakin ꞌati sinánxun ꞌakë ñu ax ꞌikëbë kuni uni kuëënia.

Hechos 7:5

Usaía ucëbi ca ainanbia ꞌinun me Nucën Papa Diosan ꞌinánma ꞌicën, anua aín taën amátiratsubi. ꞌInánquinmabi ca sinanatëcënuxunma ësaquin Abraham cacëxa: “Ënë mecama cana mi ꞌimainun min rëbúnquicamaribi ꞌinánti ꞌain”. Bëchicëñuma pain ꞌicë ca Nucën Papa Diosan usaquin Abraham cacëxa.

Rut 2:6

Kixuan ñukákëxun ka an tëia uni bërúanti anëkë unin kakëxa: —Ax ka moabita xanu axa Noemíbë Moab kakë ëmanuax ukë a ꞌikën.

1 Samuel 1:11

banakin ka ësokin kakëxa: Min asérabi ꞌëx tëmëraia ꞌunánkin kamina an mi ñu ꞌaxunkë xanu ꞌikë ꞌëmi sinanakin, achúshi tuá ꞌë ꞌinánti ꞌain, ꞌinánkëxun kana kanikia an mi ñu ꞌaxúnun ꞌunánmiti ꞌain, ꞌimainun kana ꞌunántiokin aín bu tëatima ꞌain.