Génesis 15:1 - Kashibo-Kakataibo Biblia

¹ Ënë ñukama ꞌatankëxa ꞌinúkë ꞌain ka Nukën ꞌIbun Abram namákin iskësokian isia kakëxa: —Kamina rakuë́tima ꞌain Abram, ꞌëx kana an mi bërúankë a ꞌain. Min biti ñu ax ka chaiira ꞌinuxun ꞌaia.

Nukën 'Ibu Diosan ain unikama 'inan ain bana

¹ Ënë ñukama 'atankëxa 'inúkë 'ain ka Nukën 'Ibun Abram namákin iskësokian isia kakëxa: —Kamina rakuë́tima 'ain Abram, 'ëx kana an mi bërúankë a 'ain. Min biti ñu ax ka chaiira 'inuxun 'aia.

Génesis 15:1 Iomraidhean Croise

Génesis 15:2

ꞌAínbi ka Abramnën kakëxa: —ꞌËn ꞌIbu ꞌimainun ꞌën Dios, ¿uisa karana minmi ñu ꞌinánkëxun, ñankáishibi bixun ꞌati ꞌain, minbi kamina ꞌëx kana achúshi bëchikëñumabi ꞌai kixun ꞌunanin minbi kamina achúshi bëchikëbi ꞌë ꞌinankëma ꞌain? Usa ꞌain ka kamabi ꞌën ñukama an biti Eliézer Damasconu ꞌikë uni ꞌën kaniokë, an ꞌëx ñukëbëtan ꞌën kasunania ñukama biti ꞌikën.

Génesis 15:4

Ësokin kakëxun ka Nukën ꞌIbun kakëxa: —Ësakin min bëchikënënbi ka mix ñukëbëtan min ñukamabi biti ꞌikën, bëtsi unin ka min ñu bitima ꞌikën.

Génesis 21:17

Usai tuá ax inia ka Nukën ꞌIbu Diosan kuakëxa; kuakin ka Nukën ꞌIbu Diosan ángelnën naí manámixun Agar kuënkin ësokin kakëxa: ¿Uisai kaina ꞌian Agar? Kamina rakuë́tima ꞌain Nukën ꞌIbu Diosan ka mi ꞌimainun min tuá bëunan mëskuti inia kuaxa uinu kara min tuá ꞌikën.

Génesis 22:1

Usa ꞌain ka Nukën ꞌIbu Diosan ꞌitsa baritia ami panatankëxun, Abraham karaisa ënima ami manutima asérabi sinania kixun tankin. Aín anën kuëankëxa, usakin kuënkëxun ka Abrahamnën kakëxa: —Ënu kana ꞌain ꞌën ꞌIbu.

Génesis 22:20

Usa ꞌain ka a basikëbëtan, Abrahamnën uni itsia Milcánënribi aín xukë́n Nahor tuaxunkë a ñuia kuakëxa.

Génesis 26:24

“Anu bëbaxa ñantabukë a imë́ ami mërakin ka Nukën ꞌIbun kakëxa: ꞌËx kana min papa Abraham aín Dios ꞌain. Usa ꞌain kamina rakuë́tima ꞌain; ꞌëx kana mibë ꞌain. Usa ꞌain kana ꞌën uni Abraham a kupín upíokin sinánxunkin, min rëbúnkinëxa ꞌaisamaira ꞌuákamë ꞌëonun ꞌimiti ꞌain.”

Génesis 31:7

ꞌimainun kamina mi rabë́xunbi ꞌunan an ka ꞌë ꞌitsokin paránxun ñu mëëmixunbi ꞌitsamashi kupíokian. Usakin ꞌaiabi ka Nukën ꞌIbu Diosan an sinánkësokian ꞌanun ꞌë ꞌamikëma ꞌikën;

2 Samuel 22:3

mix kamina ꞌën Dios ꞌain, usa ꞌaish kamina ami ꞌëx katamëkë ꞌaish mapara chaiira usaribi ꞌain, ꞌimainun kamina axa ꞌëmi nishkë unikaman ꞌati rabanan ami ꞌëx katamëkë manë pará usaribi ꞌain, usa ꞌixun kamina mix kushiira ꞌixun ꞌë ꞌiëmiakën ꞌimainun kamina ñu chaiirasa ꞌëx ami unëtisabi ꞌain, ꞌianan kamina mix ami ꞌëx katamëkë ꞌain, usa ꞌixun kamina mix chaiira ꞌixun ꞌë ꞌiëmiakën ax ꞌëmi nishkë unikaman ꞌati ꞌikëbi. ¡Uni axa ꞌakanantishi sinánkë unikaman ꞌaisataniabi kamina ꞌë ië́miakën!

Salmos 115:10

Sacerdotekama, ¡mitsúxribi kamina Diosmi katamëti ꞌain! An ka nu ꞌakianan bërúaia.

Salmos 27:1

Nukën ꞌIbun ka ꞌë ꞌakianan bërúaia, ¿uimi karana ꞌëx rakuë́ti ꞌain? Nukën ꞌIbuinshi ka ꞌën tsoti bërúaia, usa ꞌain ka ꞌëx ami rakuë́ti uni ꞌaíma ꞌikën.

Salmos 84:11

Nukën ꞌIbu Dios an ka ꞌakianan nu bërúaia; Diosan ka uni an ñu upí ꞌai tsókë akama nuibanan ꞌakinia, ꞌakianan kana ꞌinanima kixun ñu upí ñonkinma ꞌinania.

Salmos 84:9

Dios nu ꞌakinkë, ꞌixun kamina nu nuibakin min kaískë ꞌapu an kara uisakin ñu ꞌaia isti ꞌain.

Salmos 91:4

usakin ꞌanan ka anbi mi ñuina pëchiñusa ꞌixun aín pëchin bërúankëx kamina uisaibi ꞌima upí ꞌiti ꞌain. ¡Usa ꞌain ka an mi bërúankë ax manë parámi mix katamëkësa ꞌinun mi ꞌimiti ꞌikën!

Éxodo 14:13

Usai kikaniabi ka Moisésnën kakëxa: —Kamina rakuë́kantima ꞌain. Mitsun kamina ꞌatima okin sinánkima chuámashirua tankin bëría Nukën ꞌIbun mitsu ꞌiëminuxun ñu ꞌaia isti ꞌain, uínsaranbi kamina egipcio unikama amiribishi bërími iskankësa okin istëkënxuma ꞌain.

Isaías 35:4

kanan kamina axa rakuë́ti ꞌishtun banakëma unikama aribi: “Rakuëama ꞌinun kati ꞌain. ¡An nu ië́miti Nun Dios ka nu ꞌurama ꞌaish nubëbi ꞌikën, ꞌianan ka mitsumi nishkë unikama atux kuëënkësa okin tëmëramiti ꞌikën!”

Isaías 40:10

Nukën ꞌIbu ax ka ꞌuti ꞌikën, an ka aín kushinshi ax kushiira ꞌixun ñu ꞌati ꞌikën. Usa ꞌixun ka amia nishkë unikama a pain ꞌatimotankëxun aín unikama bitsínkin bëti ꞌikën.

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 41:14

Ësai ka Nukën ꞌIbu asérabi kiakëxa: “Israel unikama Jacobnën rëbúnki ꞌitsamara ꞌaish kushimarasa unin iskëbi rakuëtima, ꞌaínbi kamina mitsux rakuë́tima ꞌain. ꞌËn kana mitsu ꞌakinin. ꞌËx Israel unikaman Dios upíira ꞌixun kana, mitsu bitëkënti ꞌain.

Isaías 43:1

Bërí kanima Israel unikama Jacobnën rëbúnki min, an kamabi ñu unio Nukën ꞌIbu ax ka mitsu ësakin kai kia kuati ꞌain: “Kamina rakuë́kantima ꞌain, ꞌën kana mitsu ië́mian; ꞌën kana min anën mi kuëan, usa ꞌaish kamina mitsux ꞌën uni ꞌain.

Isaías 43:5

Mitsux kamina rakuë́tima ꞌain, ꞌëx kana mitsubë ꞌain. Usa ꞌain kana amiaxa bari urukë ꞌimainun amia bari kuabúkë, anuabi min unikama amiribishi timë́tëkënun ꞌimiti ꞌain.

Isaías 44:2

ꞌËn kana min ꞌIbu ꞌixun mi uniokën, usa ꞌixun kana puku ꞌukëmëuküax bakënux uninun mi ꞌimiakën, usa ꞌain kana mi ꞌakinin. Kamina rakuë́kantima ꞌain Jesurún mitsux kamina ꞌën uni ꞌën kaisa Jacob aín rëbúnkikama ꞌain,

Isaías 44:8

¡Usa ꞌaínbi kamina chuáma tani rakuë́tima ꞌain! ꞌËn kana usakin kan, bërámabi kana usai ka ꞌiti ꞌikë kixun kakën, usa ꞌain kamina mitsúnbi ꞌën usakin ñu ꞌakëmi ꞌunánkankë a ñuiti ꞌain. ¿Anu kara bëtsi dios ëbë sënën ꞌiti ꞌik? A mi katamëti bëtsi uni ka ꞌaíma ꞌikën; ꞌën kana achúshirabi ꞌunanima.”

Ezequiel 1:1

ꞌËx kana sacerdote Ezequiel ꞌiakën, ꞌën papax ka Buzí kakë ꞌiakëxa, usa ꞌain ka mapai achúshi baritia ꞌapu Joaquín Judá menu uankë ꞌiakëxa, anúan rabë́ ꞌimainun rabë́ ꞌuxë ꞌikë ax mapai achúshi nëtë ꞌikë anun kana ꞌëx treinta baritia ꞌiakën. Usa ꞌain kana ꞌëx ñatanbiankin Babilonianu uankë a kamabëbi Quebar kakë baka kuëbí Babilonia menu ꞌikë anu ꞌiakën, anuxun kana naíkamë ꞌëo baaki panárabëkëbëtan Dios isakën. Usa ꞌain ka Diosan anbi ꞌë kakin aín mëkën ꞌënu nankësa ꞌinun aín kushi ꞌë tamiakëxa.

Ezequiel 3:4

Usa ꞌain ka ësokin ꞌë kaxa: “Anu kuaxun kamina Israel unibu ꞌën kaisatankë banakama ënë kai kuanti ꞌain.

Números 12:6

kuania ka Nukën ꞌIbun ësokin kakëxa: “Bërí kana mikama ësokin kain: An ꞌëx kikë bana uni ñuixunkë mitsunu ꞌikë kana ꞌën namámikësokin kanan kana namámikinribi kain;

Números 24:4

usa ꞌixun kana ꞌën Diosan bëru ñunshinan ꞌë ꞌunánmikëxun upíokin unánkin ꞌaia ka Dios kushiira kushi an ꞌë namákësa okin ismianan ain banaribi ꞌunánmia.

Mateo 28:5

Usaría suntárucamax racuë́mainun ca ángelnën xanu rabë́ cacëxa: —Racuë́axma ca ꞌit. Cana ꞌunanin, mitsun camina Jesús, a i curúsocënu matásëxancë, a barin.

Mateo 8:26

Quia ca Jesusan bësuquin cacëxa: —¿Uisacatsi caramina racuëtin? Mitsun camina Nucën Papa Diosan ca asérabi nu bërúanquin ꞌaquinia quixun sinaniman. Cai niruquin ca suñúan —ca nëtë́t —canan parúmpaparibi —ca bucubut —quixun cacëxa. Cacëxëshia suñu nëtë́ishimainun ca baca bëchúnribi nëtë́acëxa.

Lucas 1:13

Usai ami racuëtiabi ca ángelnën cacëxa: —Racuë́axma ca ꞌit, Zacarías. Nucën Papa Diosan ca minmi a cacë banacama cuaxa. Usa ꞌain ca min xanu Elisabet an tuáñu ꞌiti ꞌicën. A tuá camina Juan caquin anëti ꞌain.

Lucas 1:30

Usaquin sinaniabi ca ángelnën cacëxa: —Racuë́axma ca ꞌit, María. Mi ca Nucën Papa Diosan upí oquin sinánxunia.

Lucas 12:32

Ësaquinribi ca Jesusan aín ꞌunánmicë unicama cacëxa: —Mitsux camina ꞌënan ꞌain. Usa ꞌaish ꞌitsairama ꞌaínbi ca mitsux ainan ꞌianan aín nëtënu abë ꞌiti Nucën Papa Dios cuëënia. Usaquin ꞌunani camina racuë́tima ꞌain.

Hechos 10:22

Cacëxun ca a unicaman Pedro cacëxa: —Cornelio cacë suntárnunën cushi, ax upí uni ꞌianan an Nucën Papa Diosan bana cuacë ꞌicëa upí uni ꞌicë judíos unicaman ꞌunáncë, a ca Nucën Papa Diosan xucë ángelnën caxa, min bana cuanuxuan aín xubunumi cuanun mi caminun quixun.

1 Corintios 3:22

ꞌË ꞌimainun Apolo ꞌimainun Pedro, nucaman mitsu ñuixuncë banacama camina camaxunbi ꞌunánti ꞌain. Nucën Papa Diosan ca ënë menu ꞌicë ñu mitsu ꞌinania. An ꞌimicëx camina ënë menu upiti bucuin. An ꞌimicëx camina bamatancëxbi abë upiti bucuti ꞌain. Bërí camina an ꞌimicëx asábi ꞌain, usabi camina ꞌiti ꞌain, xënibua ꞌaínbi.

Deuteronomio 31:6

Mitsux kamina kushi sinánñubu ꞌaish rakuë́ ꞌitima ꞌain; usai ꞌikamina atubë ꞌakanankin ꞌai atumi rakuë́tima ꞌain, usakin ꞌaia ka Diosan ënkinma abi atu ꞌanun mitsu ꞌakinti ꞌikën.

Hebreos 1:1

Bëráma ca Nucën Papa Diosan nucën raracaman aín cushi ꞌunánan uisai cara aín uni ꞌiti ꞌicë quixun ꞌunánun, Nucën Papa Dios, an sinánmicë bana uni ñuixuncë unicamabë bananan namámiquin canan, bëtsi bëtsi ñu ismiquin canan, bëtsi bëtsi ñu ꞌaquinribi atu ismiacëxa.

Apocalipsis 1:17

Usa isi cana racuëtan bamai a tanáin nipacëan. Nipacëtia ca aín mëcën mëqueunën ramëquin ꞌë caxa: —Racuëaxma ca ꞌit. ꞌËx cana ñu ꞌaíma pan ꞌain ꞌiacën. Usa ꞌaish cana camabi ñu cëñúcëbë usabi ꞌiti ꞌain.

Rut 2:12

¡Minmi ꞌakë ñukama kupín ka Diosan mi ꞌakinti ꞌikën! ¡Israel unibunën Dios kamina an mi ꞌakinun barian! ¡Usa ꞌain ka ꞌatapa tuañunëan aín tuákama bërúankin aín pëchinu atsímikësa obëtsinkin mi bëaxa. Usa ꞌain ka kamabi min ꞌakë ñukama kupí mi ꞌakinti ꞌikën!

1 Samuel 15:10

Usokia ꞌakë ꞌain ka Nukën ꞌIbu abë banakin Samuel kakëxa:

1 Samuel 9:9

(Bërámaira ka israel unikamax Diosbë banatisa tani kiakëxa.) “An Dios kikë bana uni ñuixunkë kananuna isi kuanti ꞌain.” “Usa ꞌaínbi ka bërí usa unikama an Dios kikë bana uni ñuixukë kakin anëia” (bërámaira ka an Dios kikë bana uni ñuixunkin kakin anëkë ꞌikankëxa).